NIBOU NDIG NYA GI NIGOM 9:25 - ALLAH NIHYET MEM TUNGWATU NYA

²⁵ Salomo bon midut nindig mindhe titut kep humti kin midut nibiyai ningon kwes kin Allahti cem ei nimbar hum dokti po noni bindei ba, tukan nya iwin mem tuhan pima. Lene noni ndig biei nggrai di ui-gwang kei ei nimbar hum ndokti bak tuhan. Noni bon midut dini yok hagom bak tuhan mbiningai bibikwop ari bingwam gom. Lene Salomo bikes ninda tut midyai niwin tuhan De Igsi lewo hagom put tu.

NIBOU NDIG NYA GI NIGOM 9:25 ပူးပေါင်းရင်းမြစ်များ

NIBOHON MBEN ISRAEL GI NICAN 8:16

Leu api midyai nindig di Salomo tin ei mem gi mingot nya hagom put. Midyai nyeng di igyai hagom leu nikinyon ei niprion cou pmemti kikau ug bipek tuhan De Ig niputti ne inda jo kep bigyai nok gi kei bibor.

NINDAT KEP TUHAN NICUKTI NYA 16:16

Suar pinai mben Israel yahagom ikwei kuk yok bak jide tuhan Allah mbiningai ei nijam ari bingwam gom ei mpia ttou nsi di Noni ndo ei su. Nok idem yam ei Njap Ndig Paskah kin Njap Ndig Nike Gandum kin Njap Ndig Ig Jibei Mpam Meng. Bikwop tungwagom-gom suar ttei munkwas,

NIBOHON MBEN ISRAEL GI NICAN 34:25

Yoni iba inghim bak Dani leu ba, ibui ide mindhe bibikuk yok bak nung nya. Mun nyeng di ibon nya hagom bindei ba, digga yok. Digga timiei minu ndig Yerusalem nya lene doom kep diggati dima kan bi.

NIBOHON MBEN ISRAEL GI NICAN 29:11

Dimunggwom bat jen, ma jibindin-ndin nyen bu au. Lewo tuhan dimig jeni ei mem gima jikuk je bak Allah ba, joom jenti nok awak mem Noni ba, jindig biei nggrai di ui-gwang kei cem lene mem gima jibie tut Nide limwa nya leu binhyepo ikuk yok bak Noni cem tu.”

NIBOHON MBEN ISRAEL GI NIGOM 23:13

Amram gi nipou pima ne Harun Musa nya icig ri. (Musa dimig Harun kin yo di intun him nya pijum ei mem gima inyeng tak kep nimbumbati kin ndigban di ibibon midut nya cem iba biei nggrai di ui-gwang kei di indig pima binggei sut tuhan cem bahati tut tuhan de midyai nya cem iba nadi di ingat tug hon tuhan ninyeng bipai ighyet di biyai gi kei bak limwa nya bijo ninno bijo kikau.

NIBOU NDIG NYA GI NIGOM 6:38

Tirigi ninyeng tak kep yok mem ari bingwam simnaibrimiggom lene Salomo ngot tuhan De Ig biput ei Bed Bul di bed gi nimuhwindaningai bit leu nok itin ei mem nipou su. Midyai ningot tuhan De Igsi yem ari bingwam nitindur muhwindacan.

NEHEI LEUSI 34:23

Suar jide pinai nya yahagom induk yam kwei bikuk yok biDa mbiningai bikwop ari bingwam hagom lewo Dani ne tuhan bidinok mben Israel ide Allah ri.

NEHEI LEUSI 30:7

Tirigi Harun coi ug ei Prak Meng nsi bikwop njap mem gima nyohou mini njeng nya lene ma noni ndig biei nggrai di ui-gwang kei ei nimbar hum dok dimati.

NIJAM NIKEI NYA 11:40

sop gwam nitta pilei mben Israel induk yam ei mem njap bitai bikwop ari bingwam hagom bimbut-mbut nyen ba, yuhuk ingon di ngguk leu binhyepo ibigyok ngon kep Yefta po mben Gilead pima nipmisop.

NIBOU NDIG NYA GI NIGOM 6:9

Lene tukan nya iba buom pima bibon bot kin biei ner nok gi dem mem ibikibou kep bidem ninsi nya hagom. Gima rino Salomo bindei ba, tuhan De Ig ningget put.

NIBOU NDIG NYA GI NIGOM 6:14

Lene Salomo bindei ba, tuhan De Ig ninsi nya cem hagom put.