NIBOU NDIG NYA GI NIGOM 9:16 - ALLAH NIHYET MEM TUNGWATU NYA

¹⁶ Minu ndig Gezer pima ne minu ndig di nipou yo nibou ndig mem mben Mesir kon pran bit di bindei timek ri. Leu api yai nimai bak timiei minu ndig dima bindig hagom kep hum cem. Niabiati bu ne nibou ndig mben Mesir yai minu ndig dima bak nipmisop nok munkwas di noni njei bak mem njap nindo noni bak Salomo,

NIBOU NDIG NYA GI NIGOM 9:16 ပူးပေါင်းရင်းမြစ်များ

NIBOU NDIG NYA GI NIGOM 3:1

Mpe dima lene Salomo bindei ba, mben Mesir kin mben Israel ingon kwes kin yam tug hon gima noni wak nibou ndig mben Mesir nipmisop nok nitnem. Lene Salomo buwak nitnem dima kwei bibong ei Minu Daud kikau bibou noni ngot nide ig nibou ndig nijep bu kin tuhan De Ig kin ngug tig di bikrop ttai minu ndig Yerusalem biput ug e.

NIBOU NDIG NYA GI NIGOM 7:8

Tut Salomo nibongti ne tukan nya ingot noyam kin ninsi nindigsi nya cem ei mpia di jo bas hak di ngug tig bikrop ttai hiter bu bei Ninsi Di Nikei Mbus Munhyet Eisi ninghim. Lene ingot ninsi hi kin bu di noyam kin Salomo de ninsi mem nitnem di nibou ndig mben Mesir nipmisop.

NIBOU NDIG NYA GI NIGOM 9:24

Salomo bindei ba, yo dima iji kep njuisi gom di jo ei tuhan De Ig nite bei mpia nibiho niabiati nitnem di nibou ndig mben Mesir nipmisop pima pri leu minu ndig Daud bibong ei nide ig nindig di Salomo ngot mem noni tu.

YOSUA 10:33

Mbro nok gino Horam di nibou ndig Gezer kwei mpu mben Lakhis lo, Yosua bindei timek noni kin nide tentara nya cem. Tentara Israel igyai nimai bak yahagom ba, hi niyaijo ei bi.

YOSUA 16:10

Noro keret Efraim igijji timiei minu Kanaan leu minu ndig Gezer bi. Gima rino timiei minu Kanaan nya ibong timiei ei Gezer bit keret Efraim kikau kwei bipek ammani kep lo, keret Efraim nya yuubon yok binok ide awak nya he.