NIBOU NDIG NYA GI NIGOM 9:15 - ALLAH NIHYET MEM TUNGWATU NYA

¹⁵ Salomo ba nibidip huk tungwatu nyati biwin tuhan De Ig kin nibou ndig de ig nindig kin ngug tig di bikrop ttai minu ndig Yerusalem. Lene ba nibidip huk bibindei ba, iji kep njuisi gom ei tuhan De Ig nite bei mpia nibiho cem. Lene noni bindei ba, iwin minu ndig Hazor kin Megido kin Gezer hanyen tug hon nisinati dima cem. (

NIBOU NDIG NYA GI NIGOM 9:15 ပူးပေါင်းရင်းမြစ်များ

SAMUEL GI NICAN 5:9

Niabiati Daud yai mpia dima leu yok biyati tu lene noni bong ser bijem ninyeng “Daud De Minu.” Lene noni kinyon ei niwin minu ndig dimati hammi mpia di iji kep nipou su ei nungug nikiou bei mpia nipriti.

NIBOU NDIG NYA GI NIGOM 11:27

Ayat dini pui sut nijam di yaham imbuk kep nibou ndig. Mpe di Salomo bindei ba, nide awak nya iji kep njuisi gom ei minu ndig Yerusalem nite bei mpia nipriti ba, ikinding ngug tig di bikrop ttai minu dima cem,

NIBOU NDIG NYA GI NIGOM 12:4

“Andigpoi e, acig Salomo kes mun di buhun ei nyeni ninghat dip. Nogindini gino na di Andigpoi abindei ba, mun di noni kes ei nyeni ninghat dip dima wer nggan bibindei ba, nyeni ninghuisi wei bu bi lene miningon gom tut na.”

NIBOU NDIG NYA GI NIGOM 3:1

Mpe dima lene Salomo bindei ba, mben Mesir kin mben Israel ingon kwes kin yam tug hon gima noni wak nibou ndig mben Mesir nipmisop nok nitnem. Lene Salomo buwak nitnem dima kwei bibong ei Minu Daud kikau bibou noni ngot nide ig nibou ndig nijep bu kin tuhan De Ig kin ngug tig di bikrop ttai minu ndig Yerusalem biput ug e.

NIBOU NDIG NYA GI NIGOM 5:13

Lene Nibou Ndig Salomo kus pinai nya di ijoi bibor ibou sribu ningot ningai leu mben Israel yahagom leu binhyepo igyai kep midyai dima.

NIBOU NDIG NYA GI NIGOM 6:38

Tirigi ninyeng tak kep yok mem ari bingwam simnaibrimiggom lene Salomo ngot tuhan De Ig biput ei Bed Bul di bed gi nimuhwindaningai bit leu nok itin ei mem nipou su. Midyai ningot tuhan De Igsi yem ari bingwam nitindur muhwindacan.

NIBOU NDIG NYA GI NIGOM 9:10

Nijam di Salomo ngot tuhan De Ig kin nibou ndig de ig dima yem nijam ari bingwam nyatungwagom.

NIBOU NDIG NYA GI NIGOM 9:24

Salomo bindei ba, yo dima iji kep njuisi gom di jo ei tuhan De Ig nite bei mpia nibiho niabiati nitnem di nibou ndig mben Mesir nipmisop pima pri leu minu ndig Daud bibong ei nide ig nindig di Salomo ngot mem noni tu.

NIBOU NDIG NYA GI NICAN 15:29

Lene Tiglat-Pileser di nok nibou ndig mem mben Asyur njei ba, hwen minu ndig Iyon kin Abel-Bet-Maakha kin Yanoah kin Kedes kin Hazor kin hanjop Gilead kin Galilea kin Naftali cem hagom mem nijam di Pekah ninyeng tak kep mben Israel. Tiglat-Pileser kat timiei nya yahagom bikri yok hanyen ug ei minu Asyur bisima.

NIBOU NDIG NYA GI NICAN 9:27

Tirigi Ahazia ngat mun di cut igkep Yoram dima lene kui ei nide kroba pranti binang ndam minu ndig Bet-Hagan. Lene Yehu huk bram noni bicuk nide tentara nya “Jiyai nimai binoni cem!” Leu api iprindei noni bikinei ei puig di ug ei Gur dideu minu ndig Yibleam. Noni nang tut nibok kikau ba, ug krau Megido leu api mai ei sirima.

NIBOHON MBEN ISRAEL GI NIGOM 20:4

Jei bi lene Daud kon pran bu bit mben Filistin ei Gezer. Mpe dima lene Sibkhai di timiei Husa gom bindei mai Sipai di nok tentara Filistin di ningut anjan ndig ngat. Apino mben Filistin icut biyoni.

NIBOHON MBEN ISRAEL GI NIGOM 6:67

Minu dima yok ninyeng rino Sikhem di nok minu ndig ninang coi ei nungug him ei hanjop nsi dima kin Gezer kin Yokmeam kin Bet-Horon kin Ayalon kin Gat-Rimon.

NIBOHON MBEN ISRAEL GI NICAN 35:22

Noro Yosia tin ei bita nibou ei pran dimati bibit mun di Allah pai tug hon Nibou Ndig Nekho dima bi. Noni bungwam mem gima ya tut Nibou Ndig Nekho bikon pran hak ug. Yosia bon nonti nok tentara nitu nya ba, bungwam mem gima kon pran bit timiei Karkemis nya ei briep bou him Megido.

NIBOHON MBEN ISRAEL GI NICAN 8:1

Salomo ngot tuhan De Ig kin nibou ndig de ig ei ninsi nijam ari bingwam nyatungwagom.

MAZMUR 51:18

Ajoi sut midut nibui mindhe tut ninggrom bi. Gino dibon midut nindig mindhe titut kep humti ne ajoi sut gima cem bi.

ZAKHARIA 12:11

Njap dima ne nipim nggruet di kiju bibor ei minu ndig Yerusalem noyam kin nipim nggruet ei hanjop Hadad-Rimon ei Mbang Briep Megido.

YOSUA 10:33

Mbro nok gino Horam di nibou ndig Gezer kwei mpu mben Lakhis lo, Yosua bindei timek noni kin nide tentara nya cem. Tentara Israel igyai nimai bak yahagom ba, hi niyaijo ei bi.

YOSUA 11:1

Tirigi Nibou Ndig Yabin ei minu ndig Hazor miap Israel ninghapti tut gi ibindei timek ide siceu nya dima lene cuk tungwatu nya biyuug ngat Nibou Ndig Yobab ei minu ndig Madon kin nibou ndig nya ei minu ndig Simron kin Akhsaf,

YOSUA 16:10

Noro keret Efraim igijji timiei minu Kanaan leu minu ndig Gezer bi. Gima rino timiei minu Kanaan nya ibong timiei ei Gezer bit keret Efraim kikau kwei bipek ammani kep lo, keret Efraim nya yuubon yok binok ide awak nya he.

YOSUA 16:3

Lene minu niya kwas yamti dima jo leu sirima bei mpia nicutti ug bipek kin mben Yaflet ide hanjop kikau bipek kin hanjop Bet-Horon-Hilir kikau ug ei Gezer leu api ug jo hon Muk Hacan nintig dip.

YOSUA 17:11

Keret Manasye itug ndei mben Kanaan ide minu ndig Bet-Sean kin Yibleam kin Dor (ei les him) kin En-Dor kin Taanakh kin Megido bitut minu mien di jo ttai nya cem ba, hagom jo ei keret Isakhar kin Asyer ide minu ninyeng tak kepti ninsi.

NIJAM NIKEI NYA 1:29

Lene tentara keret Efraim ijji timiei minu Kanaan di ibong ei minu ndig Gezer cem kan bi. Gima rino timiei minu Kanaan dima ibong kikau bit yok ei minu ndig dima.

NIJAM NIKEI NYA 4:2

Gima rino Noni sindui sut yok leu api icut bak Yabin di nibou ndig minu Kanaan di ninyeng tak kep ei Hazor. Nide nibou tentara ninyeng Sisera di bong ei Haroset-Hagoyim.

NIJAM NIKEI NYA 5:19

Nibou mben Kanaan nya injei siceu ba, ikon pran ei Taanakh dideu minyei yaisi ei Megido noro ipos ndigban perak bingkwei hanyen tut kan bi.

NIJAM NIKEI NYA 9:20

Gi bi lene handei kon ba, Abimelekh bindei ba, hum di cig-cai sror kwei biyem mben Sikhem kin mben Bet-Milo bingwig. Handei kon ba, mben Sikhem kin mben Bet-Milo ibindei ba, hum di cig-cai sror kwei biyem Abimelekh cem bingwig.”

NIJAM NIKEI NYA 9:6

Lene mben Sikhem kin mben Bet-Milo yahagom ittei yam bingkwei hanyen ug ei biei nindig di ipigig sut ei Sikhem leu api ikon Abimelekh ninyeng nok nibou ndig mem yok.