NIBOU NDIG NYA GI NIGOM 9:1 - ALLAH NIHYET MEM TUNGWATU NYA

¹ Niabiati Nibou Ndig Salomo ngot tuhan De Ig kin nide ig nibou ndig kin ig nindigsi bit leu ningon kanti biput tu lene,

NIBOU NDIG NYA GI NIGOM 9:1 ပူးပေါင်းရင်းမြစ်များ

NIBOU NDIG NYA GI NIGOM 3:1

Mpe dima lene Salomo bindei ba, mben Mesir kin mben Israel ingon kwes kin yam tug hon gima noni wak nibou ndig mben Mesir nipmisop nok nitnem. Lene Salomo buwak nitnem dima kwei bibong ei Minu Daud kikau bibou noni ngot nide ig nibou ndig nijep bu kin tuhan De Ig kin ngug tig di bikrop ttai minu ndig Yerusalem biput ug e.

NIBOU NDIG NYA GI NIGOM 6:37

Tirigi Salomo ninyeng tak kep mem ari bingwam bitai su lene tukan nya ikinyon ei gi ibon tuhan De Ig nikiou nya mem Bed Ziw di bed nican pima.

NIBOU NDIG NYA GI NIGOM 7:1

Salomo ngot ig nibou ndig mem nonti cem. Nijam ningot nide ig nibou ndig dima yem ari bingwam simnaibrimigningai.

NIBOU NDIG NYA GI NIGOM 7:2

Salomo tap ninsi Ninsi Baham Libanon ei nide ig nibou ndig dima ba, nijeisi meter ningot bitai ba, bitai lene ninyanti meter ningot can ba, can lene nanaisi meter simnaibrimigningai biniken. Ig ndig dima bon cou dihim nipuig ningai jop yam ba, bikwop nipuig dima bon cou dihim ningat simnaimuhwidip. Iba biei buom Libanon bibon cou dihim dima yok hagom. Lene iba biei buom Libanon bibon bot di iprion ei cou dihim dima yok dip. Iba buom Libanon bibon biei igtab bei cem ba, ibitap bot pima hagom.

NIBOU NDIG NYA GI NIGOM 7:51

Tirigi Nibou Ndig Salomo bindei ba, ingot tuhan De Ig biput tu lene noni bindei ba, inju mun po nicig Daud dimig ei mem tuhan po noni bindei ba, tukan iba perak kin mas bibon pima bitut ndigban nindigsi nya pima ei gudan gom di itap ei tuhan De Ig dimati.

NIBOU NDIG NYA GI NIGOM 8:66

Hon kep njap gi nimuhwindaningai lene Salomo kes yahagom ba, ingkwei hanyen. Yahagom inggei sut noni lene iba ingon di llei sut mun di kei di tuhan yai bak Nide awak di Daud kin nide limwa di mben Israel yahagom bingkwei hanyen ug ei itimieisi.

NIBOU NDIG NYA GI NIGOM 9:10

Nijam di Salomo ngot tuhan De Ig kin nibou ndig de ig dima yem nijam ari bingwam nyatungwagom.

NIBOU NDIG NYA GI NIGOM 9:11

Ei nijam dima ne Nibou Ndig Hiram njei mun di Salomo suar mem bingot tuhan De Ig nok buom Libanon nya kin buom nitu nya kin mas nya hagom bak noni. Tirigi midyai ningot ig jem can dima put leu su lene Nibou Ndig Salomo kes minu ndig nyatungwagom ei hanjop Galilea bak Hiram leu binhyepo ninyeng tak kep.

NIBOU NDIG NYA GI NIGOM 9:19

kin minu ndig nimbus ninju ndigban eisi nya kin minu ndig di nok nibousi mem injei kroba pran kin kuda eisi nya hanyen. Salomo ningon kanti di tin ei mem niwin minu ndig Yerusalem kin Libanon kin nide ninyeng tak kepti nya titut yam hagom dima mbut bipek nipekti kep.

NIBOHON MBEN ISRAEL GI NICAN 7:1

Tirigi Nibou Ndig Salomo ngat nadi leu su rino hum cut leu mpia-bbed him biyem mindhe-ndhe di ibui mem gima ibikuk yok bak tuhan hagom. Leu api nipigati di piga kei di bindo tut tuhan ningat rin ei gumihyep dima kieng kep tuhan De Ig titut yam.

NIBOHON MBEN ISRAEL GI NICAN 7:11

Tirigi Salomo ngot tuhan De Ig kin nibou ndig de ig biput dem igbit nitin ei ningon kanti tutti leu su,

NIBOHON MBEN ISRAEL GI NICAN 8:1

Salomo ngot tuhan De Ig kin nibou ndig de ig ei ninsi nijam ari bingwam nyatungwagom.

NIBOHON MBEN ISRAEL GI NICAN 8:6

bitut minu ndig Baalat kin minu ndig hi nok nibousi mem ig gudan nya di inju mun di misuar ei nidipti bu nya hagom kin minu ndig hi nok nibousi mem kroba pran nya kin kuda nya. Noni bindei ba, mun nyeng hagom di tin ei ningon kanti tut di ngot ei minu ndig Yerusalem kin Libanon kin minu di win bidem ninyeng tak kepti nya hagom mbut bipek kep.

NIBA NINGON SRIP HUKTI 2:10

Diyai mun nyeng hagom bit leu dijoi sutti. Doom dingonti leu mun nyeng di dingat dingwes eisi nya kan bi. Lewo dinggei ngwig sut ningat di ntun ditde nicom nahanggwap tutti nya hagom. Ba, ninggei ngwig sutti pima ne dimuhup di ditug ndei ri.

NIBA NINGON SRIP HUKTI 2:4

Dicuk ditde limwa nya leu binhyepo inda jo kep midyai nindig bibor ba, ingot ig mang mem da ba, ita ba anggur kioi nya ei miai ba anggur nghousi.

NIBA NINGON SRIP HUKTI 6:9

Noro bit bon singon dorti tut ningon nggei-hi-nggeisi pima kan bi ba, dem kep nok niyon igkep hou nimig he. Gino ingon cut hon mun di jo binye lene gima kei dor njiriek gi ingon pri kep mun di inyeng tut bi nya.