NIBOU NDIG NYA GI NIGOM 8:65 - ALLAH NIHYET MEM TUNGWATU NYA

⁶⁵ Gima rino Salomo kin mben Israel yahagom ibon Njap Ndig Ig Jibei Mpam Meng ei sirima mem njap muhwindacan. Yo di idem yam ei su imangti ningot ndig. Ikwei leu minu ting ei Puig Hamat bei mpia nijjai kikau ug bipek hanjop minu Mesir bei mpia nibiho.

NIBOU NDIG NYA GI NIGOM 8:65 ပူးပေါင်းရင်းမြစ်များ

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NIBOU NDIG NYA GI NIGOM 3:15

Lene Salomo da niyai bikiju leu api jo nibreisi mem noni bipia Allah mbrap bit noni tug hon mumpriem dima tu. Lene noni ngkwei hanyen ug ei minu ndig Yerusalem biya Brua Gi Preu noho leu api bon midut nindig mindhe titut kep humti kin nibon midut nibiyai ningon kwes kin tuhanti hagom ei nimbar hum dokti. Gima ngwig lene noni bon pesta mem nide nibou nya di igya kui noni yahagom.

NIBOU NDIG NYA GI NIGOM 4:21

Bikwop ig bei gom-gom ima ide miai ba anggur kin miai biei ara nghousi. Salomo de limwa nya bidem hanjop Yehuda kin minu Israel nisurti-nipekti di ibong ei hanjop Dan kikau ug bipek kin minu ndig Bersyeba yahagom ibong kei igwam kei mem nijam di Salomo niyaijo yo. Lewo nibou ndig di ibong ei Minyei Efrat nite dini kwei bei mpia nicutti yahagom ibou cut bak noni. Nok gima cem mben di ibong ei minu di jo ttai Salomo de ninyeng tak kepti nya yahagom ihig isut bit noni. Salomo ninyeng tak kep dihyei ei Minyei Efrat nite dini kwei ei bei mpia nicutti ei Tifsah di jo Minyei Efrat nyai kikau ug ei nite mpia nicutti bipek kin minu ndig Gaza ei hanjop minu Filistin kikau ug bipek kin minu niya kwas yamti ei minu Mesir. Mben nya di ibong ei minu dima yahagom ibou cut bak Salomo ba, igo kep belasten bak noni. Njita di Salomo nya isuar bikwop njap-njap rino tepun di ndung-diem liter sribu muhwi kin tepun nitu liter sribu simnai kin sapi nihyen ei ig kandanti ningut simnai lene sapi nihyen bas ei ngoi dumti ningut nyatungwagom kin domba ningut sribu gom bitut rusa nitu kin rusa kijang kin rusa menjangan kin ha ninyengti hagom.

NIBOU NDIG NYA GI NIGOM 8:2

Lene yahagom induk yam kwei ei Bed Etanim tirigi tto bou dem mem Njap Ndig Ig Jibei Mpam Meng.

NIBOU NDIG NYA GI NIGOM 8:66

Hon kep njap gi nimuhwindaningai lene Salomo kes yahagom ba, ingkwei hanyen. Yahagom inggei sut noni lene iba ingon di llei sut mun di kei di tuhan yai bak Nide awak di Daud kin nide limwa di mben Israel yahagom bingkwei hanyen ug ei itimieisi.

NIBOU NDIG NYA GI NICAN 14:25

Yerobeam Nican rino ug pos minu ndig mben Israel ide di ide siceu nya ibindei timek bigyati nya pima titut yam hagom hanyen kikau ug bipek kin puig di ug ei Hamat nite bei mpia nijjai kikau ug bipek kin Igpong Nsim nite bei mpia nibiho. Ba, niyaisi dima dem igbit mben Israel ide tuhan Allah nipreu eisi di tug hon Nabi Yunus di Amitai leu Gat-Hefer nipmot pima.

NIBOU NDIG NYA GI NICAN 17:24

Tirigi Nibou Ndig mem mben Asyur kat mben Israel ba, inok awak ei minu Asyur tu lene noni cuk timiei Babel kin Kuta kin Awa kin Hamat kin Sefarwaim nya imang bibor ba, kes yok bigya luei mben Israel yohoti ei minu mien hagom ei Samaria. Yo dima igyai minu mien ngot dima bigyati lene ibibong timiei ei niti cem.

NIBOU NDIG NYA GI NICAN 23:33

Ninyeng nibou ndig mem timiei Yehuda nya cut ei mpe di Nekho di nibou ndig mben Mesir pima kat noni binggam ei minu ndig Ribla ei hanjop Hamat. Lene Nibou Ndig Nekho bidip huk timiei Yehuda nya leu binhyepo imbus perak kilo sribu ningai ba, sratus bitai kin mas kilo ningot ningai ba, bitai nok belasten di suar igo bak noni.

NIBOHON MBEN ISRAEL GI NIGOM 13:5

Daud nduk mben Israel bidem minu hagom kwei ba, yahagom idem yam. Binduk yok hon Mesir de minu niya kwas yamti ei bei mpia nibiho kikau bipek kin puig Hamat ei bei mpia nijjai mem gima yuug kon Allah de Brua Gi Preu pima kwei leu Kiryat-Yearim ba, ittei kwei ei minu ndig Yerusalem.

NIBOHON MBEN ISRAEL GI NICAN 30:13

Ug ei bed gi nican lene limwa nya imang bibor idem yam ei minu ndig Yerusalem leu binhyepo ibon midut nibiyok ngon kep Njap Ndig Roti Dwoi Bi.

NIBOHON MBEN ISRAEL GI NICAN 30:23

lene yahagom ikos tut mem gima ibinut nibon midut kep Njap Ndig Paskah dima ei njap muhwindacan bu. Leu api iba ingon di nggei-hi-nggei bibon midut kep Njap Ndig Paskah hanyen bu.

NEHEI LEUSI 23:31

Lene midipek minu dima bak jeni ba, nijeisi jo leu minyei Akaba kikau ug bipek kin Minyei Efrat lene jo leu Muk Hacan nintig dip kikau ug bipek kin iggum dip ninghas him. Midisindem tut je leu binhyepo jijji timiei nya ei minu dima bingwig leu je sindam tirigi jidigek kep mpia.

YESAYA 27:12

Mpe dima lene tuhan minduk Nide limwa nya gom-gom sindam kwei leu Minyei Efrat nyai kikau buug bipek kin minu Mesir de minu niya kwas yamti ba, ibicom yam. Noni mikwas yok noyam kin gi tungwatu ikwas gandum ninjep leu nisina bai pimo.

YEHEZKIEL 47:19

Minu niya kwas yamti ei nite bei mpia nibiho krop bimbut leu minu ndig Tamar ba, hallu ug ei bei mpia nicutti kin nibiho ikieti kikau ug ei minyei bousi Kades-Meriba leu api mbut hallu ug ei bei mpia nicutti kin mpia nijjai ikieti ba, sir minu Mesir de minu niya kwas yamti kikau ug bipek kin Muk Hacan.

AMOS 6:14

tuhan Di Ninyeng Jei Bibor di Sindem Bibor cem Nonti rino pai “Je di mben Israel e, midipinak tentara ngkiai nya hwou ndam je leu api ikieng kep jide minu. Tentara dima yok mihwen bit je ei puig Hamat ei nite bei mpia nijjai kikau ug bipek kin Mbang Briep Araba ei nite bei mpia nibiho.”

AMOS 6:2

Juug ngat minu ndig Kalne leu api juug kikau ug ei minu ndig Hamat kikau ug ei minu ndig Gat ei minu Filistin. Jikan bipia minu ndig dima yok hi nindig bibor bisindem bibor cem dor njiriek minu Yehuda kin Israel nya inyeng tak kepti e?

MBEN ISRAEL IMBUT-MBUT NYEN 34:5

Ei sirima lene bikwam ug ei mbang briep di bikkin minu Mesir lene bikwam kikau ug ei Muk Hacan bibon nipekti ei sirima.

MBEN ISRAEL IMBUT-MBUT NYEN 34:8

lene mbut kikau ug bipek kin Puig Hamat leu api mbut kikau ug bipek kin Zedad,

YOSUA 15:1

Lene keret Yehuda ninsi de nya gom-gom itug ndei dihyei hanjop nsi di bon minu niya kwas yamti simin mben Edom ide minu niya kwas yamti kikau ug bipek hon iggum ndigsi Zin nite bei mpia nibiho.

YOSUA 15:4

bijo leu sirima kikau kwei ei Azmon. Leu api mbut sir minyei pmot di jo minu niya kwas yamti mem minu Mesir. Leu api mbut kikau bibon nohon keti ei Muk Hacan nipimat. Minu niya kwas yamti di mbut ei hanjop nsi dima nibiho bikkin keret Yehuda ide dihyei hanjop nsi kin Israel ide minu titut yam nohon keti cem.

YOSUA 19:35

Keret Naftali nide bat nya itug ndei minu ndig ngat di bon ngug tig di bikrop ttai nya simnaimuhwidip brimigtehibitai di Zidim kin Zer kin Hamat kin Rakat kin Kineret kin Adama kin Rama kin Hazor kin Kades kin Edrei kin En-Hazor kin Yiron kin Migdal-El kin Horem kin Bet-Anat kin Bet-Semes bitut minu mien di jo ttai nya hagom.

NIJAM NIKEI NYA 3:3

Mben di ibong ei minu dima kikau yo ne timiei nya di ibong ei minu ndig muhwi di mben Filistin ide kin timiei minu Kanaan kin mben Sidon kin mben Hewi di ibong ei nungug him Libanon ei Nungug Baal-Hermon binjiriek Nitinggoisi Hamat.