NIBOU NDIG NYA GI NIGOM 8:64 - ALLAH NIHYET MEM TUNGWATU NYA

⁶⁴ Njap dima cem noni piga mpia di jo bas hak di ngug tig bikrop ttai gom ninggimau ei tuhan De Ig nuhui. Lene noni bon midut nindig mindhe titut kep humti kin nibon midut njita nibipai sigyo bak Allahti ba, ndig mindhe-ndhe di ibui ninggwo cem hagom ei sirima mem nibon midut nibiyai ningon kwes kin tuhanti pima lewo nimbar hum dok di iba ngkimom-tembaga bibon dem mem mindhe-ndhe di ibui dima yok hagom bi.

NIBOU NDIG NYA GI NIGOM 8:64 ပူးပေါင်းရင်းမြစ်များ

NIBOHON MBEN ISRAEL GI NICAN 4:1

Nibou Ndig Salomo cuk yok ba, iba ngkimom-tembaga bibon nimbar hum dok ningat gom. Nimbar hum dok dima nijeisi dem meter muhwindatai. Lene ninyanti dem meter muhwindatai. Lene nanaisi dem meter bitai biniken.

NIBOHON MBEN ISRAEL GI NICAN 7:7

Leu api Salomo piga mpia di jo bas hak di iba ngug tig bikrop ttai nite ninggimau ngat di jo ei tuhan De Ig dima nuhui him ei mem tuhan. Leu api bindei ba, ibon midut nibui mindhe-ndhe titut kin midut njita nibipai sigyo bak Allahti cem ba, indig mindhe-ndhe nimmau ndok ei gumihyep dima bak tuhan nok nibon midut nibiyai ningon kwes kin Allahti gau noni kin limwa nide nya cem. Ibon midut nindig gima yok hagom titut yam ei mpia dima lewo nimbar hum dok ngkimom-tembaga di ibon ei su pima dem mem mun di ikwas di ibikuk yok bak tuhan dima yok hagom bi.

NEHEI LEUSI 36:7

Mun di ikwas tut Allah tu midem mem midyai dima ba, put lene niken mijo.

YEHEZKIEL 45:17

Suar noni rima pek mindhe-ndhe nimuhup tu mem midut nindig mindhe titut kep humti kin gandum mem midut njita nibipai sigyo bak Allahti kin midut nisiber anggur ngei ei tuhan Noho bei mem mben Israel yahagom ei njap ndig nya kin midut Njap Ndig Bed Jep kin midut Njap Nigwam Kep Ninghuisi nya kin njap ndig nindigsi nya. Noni rima mikwas mindhe-ndhe dima mem midut nibiyai nikos ser sisarti kin midut njita nibipai sigyo bak Allahti kin midut nindig mindhe titut kep humti kin midut nibiyai ningon kwes kin Allahti tut Allah leu binhyepo bahara Noni mem gima kos ser mben Israel ide sisar.”

IMAM NYA IDE MIDYAI 3:9

Lene ma no dima digo domba ninghui nok mun di imam nya indig kep hum mem nibon midut nibiyai ningon kwes kin Allahti kwei bak tuhan nok gini. Nimmau kin nipu di nimmau ndok titut di noni digo hammi nipu triti kin ninggwo,