NIBOU NDIG NYA GI NIGOM 8:63 - ALLAH NIHYET MEM TUNGWATU NYA

⁶³ Noni bon midut nibiyai ningon kwes kin tuhanti tug hon gi ibui sapi ningut sribu nyatungwagom bican kin domba ningut sribu sratus gom ba, nyatungwagom bak tuhan. Tug hon nisinati dima ne noni kin nide limwa nya yahagom ipiga tuhan De Ig tu.

NIBOU NDIG NYA GI NIGOM 8:63 ပူးပေါင်းရင်းမြစ်များ

NIBOHON MBEN ISRAEL GI NIGOM 29:21

Njap di hyep bu ne ibon midut nindig mindhe-ndhe titut kep humti bidimig ei mem tuhan leu api ikwas mikwau dima tut limwa nya yahagom. Ter leu gima lene ibui sapi nikre ningut sribu gom kin domba nikre ningut sribu gom kin domba nehen pap ningut sribu gom ba, indig titut ei nimbar hum dokti. Lene ikwas ba anggur ngei pijum ei mem nibon midut nindig mindhe-ndhe titut kep humti ei nimbar hum dokti dima.

NIBOHON MBEN ISRAEL GI NICAN 15:11

Mpe dima lene ijem sapi ningut sratus muhwindacan kin domba ningut sribu muhwindacan leu mindhe-ndhe di ipos kwei leu ikon pranti pima bibui hagom pijum ei bak tuhan bindig ei nimbar hum dokti.

NIBOHON MBEN ISRAEL GI NICAN 2:4

Nogindini diyok dingon mem gima dingot ig gom pijum mem gima dibikuk da bak ditde tuhan Allah eisi ba, mem gima nibikon ninyeng cem. Midiya tut ditde limwa nya ba, nikuk nye bak Allah eisi. Lene nibindig biei nggrai di ui-gwang kei nya ba, niba roti di nidis ei tuhan Noho bei bikuk nye bak Noni cem bikwop njap ngwa hagom. Minibon midut nindig mindhe titut kep humti bikwop njap tekti kin mmunti ba, bikwop Njap Nigwam Kep Ninghuisi kin njap nibon midut Bed Jep kin njap di bon ninyeng nindigsi nya cem bak tuhan ei ig dimati leu binhyepo nibikuk nye bak nyende tuhan Allah eisi. Lewo nyende tuhan Allah cuk nye di mben Israel tut gima leu binhyepo nibindei mbut nibon midut dima yok bijo ninno bijo kikau.

NIBOHON MBEN ISRAEL GI NICAN 30:24

Nibou Ndig Hizkia njei sapi nikre ningut sribu gom kin domba ningut sribu muhwindacan mikuisi bak yoni. Lene yo di igya kui noni injei sapi nikre ningut sribu gom kin domba ningut sribu simnai mikuisi bak yoni bu. Leu binhyepo limwa nya ibui nok mikwau bigyem. Lene imam nya imang bibor ibindei pwoi yonti.

NIBOHON MBEN ISRAEL GI NICAN 7:4

Gima leu lene Nibou Ndig Salomo ya tut tungwatu nipmem ngat di idem yam ei dima bibui mindhe bindig ei nimbar hum dokti ba, ibikuk yok bak tuhan.

NIBOHON MBEN ISRAEL GI NICAN 7:5

Salomo kwas sapi ningut sribu ningot can bican lene domba ningut sribu sratus gom nyatungwagom tut yok. Lene ibui bindig hagom ei nimbar hum dokti bak tuhan ba, ibibon midut nibiyai ningon kwes kin Allahti. Tug hon nisinati dima ne nibou ndig ya tut limwa nide di nipmem ngat dima ba, ibon midut nipiga ig di ikuk yok bak tuhan eisi mem Noni.

EZRA 6:15

Tirigi Nibou Ndig Darius ninyeng tak kep mem ari bingwam muhwindagom tu ne tuhan De Ig di iwin dima put ei njap gi niningai mem Bed Adar.

NEHEMIA 12:27

Tirigi ipiga ngug tig di jo ttai minu ndig Yerusalem lene ijem Lewi nya ba, ikwei leu ide minu di ibong niti hagom leu binhyepo iba doia nipai sigyoti bikon tuhan ninyeng ei njap nipiga ngug tig dimati. Yo dini iba yeng beng nya kin nggong brei nya bikon tuhan ninyenga.

MAZMUR 30:1

Doia Daud mem nipiga Allah De Igsi.

YEHEZKIEL 36:38

Nogindini jide minu mien nya timek bingwig noro jei bi ne hagom mpung tut limwa nya noyam kin minu ndig Yerusalem di mpung tut domba nya imang bibor mem nijam di imam nya ibon midut nya pima. Mpe dima lene mijo nibreisi mem je bipia Dani ne tuhan ri.”

YEHEZKIEL 45:17

Suar noni rima pek mindhe-ndhe nimuhup tu mem midut nindig mindhe titut kep humti kin gandum mem midut njita nibipai sigyo bak Allahti kin midut nisiber anggur ngei ei tuhan Noho bei mem mben Israel yahagom ei njap ndig nya kin midut Njap Ndig Bed Jep kin midut Njap Nigwam Kep Ninghuisi nya kin njap ndig nindigsi nya. Noni rima mikwas mindhe-ndhe dima mem midut nibiyai nikos ser sisarti kin midut njita nibipai sigyo bak Allahti kin midut nindig mindhe titut kep humti kin midut nibiyai ningon kwes kin Allahti tut Allah leu binhyepo bahara Noni mem gima kos ser mben Israel ide sisar.”

MIKHA 6:7

Gino ijem domba ningut sribu-ribu bipwoi mini zaitun di mpung pias hagau kwei mem Noni lene joi sut mun dima yok e? Suar iba ipmot mighumbou bibon midut mem gima ibigo gau ide sisar e?

YOHANES 10:22

Tirigi bed di biang hou kin tto bou mem tungwatu nya ibon pesta kep Njap Ndig Nipiga Tuhan De Ig ei Yerusalem dem,