NIBOU NDIG NYA GI NIGOM 8:48 - ALLAH NIHYET MEM TUNGWATU NYA

⁴⁸ Gino iba ingon titut bittin ser ide sisar ei minu ting dima leu api ikiek yok ba, iba yoho rok minu di ayai bak nyeni nidigup bat-nidigai bat nya dini kin Daud De Minu Ndig di adimig ei su dini kin Ade Ig di dingot mem Nani ba, ingat nadi,

NIBOU NDIG NYA GI NIGOM 8:48 ပူးပေါင်းရင်းမြစ်များ

NIBOU NDIG NYA GI NIGOM 8:33

Tirigi Ade limwa nya icut bak ide siceu nya drek dip gi ibon sisar tut Nani lo, ittin ser ide sisar bikuk yok biNa di tuhan ba, ingkwei hanyen ei Ade Ig dini cem hanyen ba, yahara Na leu binhyepo akos ser ide sisar dima lene,

NIBOU NDIG NYA GI NIGOM 8:49

lene handei kon ba, angig atingou mem ighyet ei gwamti ba, angondut yok.

NIBOU NDIG NYA GI NICAN 23:25

Nibou Ndig Yosia ba ningon titut bibit nikos tutti ei Srat Musati tug hon gi ba nide niyai munti nya kin nisindemti bikuk no bak tuhan nok gi kei bibor dor njiriek nibou ndig mben Israel di nipou nya kin gi igya abia kep noni cem yahagom.

NEHEMIA 1:9

Ne gino jikiek je bijitti kin Da hanyen bu bijibit dicuk jeti nya ne mbro nok gino dijji je ug ei minu nohon keti lo, midibuwak je hanyen kwei ei minu di didimig ei mem tungwatu nya ikuk yok biDa eisi.

MAZMUR 119:10

Diba dingon gom biyai hamem gi dikuk da biNati. Asindui sut ba, dikriek leu Ade nicukti au.

MAZMUR 119:145

tuhan e, diba dingon titut bahara bak Nani. Abuhup dihyet leu api midibit Ade nicukti nya.

MAZMUR 119:2

Yo di ibit tuhan nicukti ba, iba ingon titut biyai hamem gima ikan tut Nide nicukti nya ingon nggei-hi-nggei.

NIPINGOK NINGONTI 23:26

Dimunggwom na e, atou kep diyai munti nya leu binhyepo hagom nok bindo di kei bibor mem na!

YEREMIA 24:7

Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 3:10

Tirigi ibon mun dima yok hagom leu su lene timiei Yehuda nya di ingon gom tut Da bi pima iba ingon can bingkwei hanyen ndam Da. Lewo ingon sren hak bi. Da di tuhan disimbot dat tu.”

DANIEL 6:10

Gima rino Nibou Ndig Darius ba buk bitak srat nicukti dima.

DANIEL 6:11

Tirigi Daniel kan tut bipia nibou ndig ba buk bitak srat nicukti dima tu lene noni ngkwei hanyen ug ei nide ig bikui ug ei ninsi di jo ninten hu kwei lene ba nibiau bicom mpia ei mpia di kendera mihyeti kau leu su gom bingat nadi bak Allah bit leu nok niyai kepti. Kendera mihyet dima birok kik minu ndig Yerusalem. Noni ngat nadi ei mpia dima mbiningai bikwop njap ngwa hagom.

DANIEL 9:13

Abindei ba, hukum di Musa pas kep tut ei nide srat niggai serti nya hagom cut igkep nye tu. tuhan di nyende Allah e, mbro nok gima lo, nikou sut gi nibindei angon llei sut nye. Nimbres nyenti leu sisar di nibon nya bi wer ninno tu biniyok ngon kep Ade ningginau nyeti nya cem bi.

DANIEL 9:5

Nibon sisar binimbuk bibor ba, nibon mun tunggwei sut Na cem. Naham nimbuk kep Na binikou sut Ade nidimigsi nya biniba ninghim bak angon kanti di kei bibor mem nye cem.

IMAM NYA IDE MIDYAI 26:40

Noro ei mpe dima lene jide nintun him yamti di bram yam nya mittin ser ide sisar kin idigup bat-idigai bat nya ide sisar. Yo dima isrep tut Da ba, yaham imbuk kep Da cem,

YUNUS 2:4

Dikan bipia acom da bihigom leu Aho bei leu api midingat Ade Ig di kwes-kwau bou diyai him bu bi sren ug ri.

ZAKHARIA 10:9

Mbro nok gino dibindei ba, intek gimahap bibong bidem ngkiai nya ikieti lo, igyok ngon kep Da ei ingkiaisi nya kikau. Yoni kin imunggwom bat nya mingwes ngun leu api yahagom mittei yam bingkwei hanyen kwei ei itimieisi.

KISAH 8:36

Yo cin dima imbut kak puig sinon biyuug krau minyei utti gom. Andigpoi pai “Angat i, minyei ut rimo! Mindei bu ribindei dino ma atur da ei minyei ut dimati bi i?” [

ROMA 10:10

Lewo iba ingon com Allah leu api Noni joi sut nye biyai ingon kwes kin Noni hanyen. Ba, isimbot dat gima ei yuhui him apino Noni teu nye leu sisar biyai niyaijo nijep binye.

NINDAT KEP TUHAN NICUKTI NYA 4:29

Mpe dima ne mijinggok tut tuhan di nok jide Allah ba, gino jiba jingon di gom binggok tut Noni lene mijingat Noni.