NIBOU NDIG NYA GI NIGOM 8:44 - ALLAH NIHYET MEM TUNGWATU NYA

⁴⁴ Tirigi acuk Ade limwa nya mem gima ikon pran bihwen ide siceu nya ei minu titou minu titou lo, ikiek yok ba, iba yoho rok Ade Ig di dingot dini leu api ingat nadi bak Na di tuhan,

NIBOU NDIG NYA GI NIGOM 8:44 ပူးပေါင်းရင်းမြစ်များ

SAMUEL GI NICAN 5:19

Lene Daud hig ser tuhan “tuhan e, suar dikon pran bit tentara Filistin dima yok e? Asindem tut da ba, abindei ba, icut bak dani e?” Lene tuhan buhup “I, akon pran bit yok lewo midibindei ba, icut bak nani ug ri!”

SAMUEL GI NICAN 5:23

Lene Daud hig ser tuhan tut ningon kanti hanyen bu leu api Noni buhup “Jihwen yok hammi mpia dini au noro jikrop je bijihwen yok leu nite bei inghim dip kwei dideu biei murbei ninghousi.

NIBOU NDIG NYA GI NIGOM 8:16

‘Tirigi po dibuwak Ditde limwa nya kwei leu minu Mesir pima kikau kwei bipek nijam dini kep lene dindo mpia ttou nsi gom mem gima angot Ditde Ig bijikuk je biDa eisi bidem minu Israel nisurti-nipekti hagom bina bi. Noro didimig na di Daud ei leu binhyepo anyeng mitak kep Ditde limwa nya.’ ”

NIBOU NDIG NYA GI NIGOM 8:45

lene handei kon ba, angig atingou mem ighyet ei gwamti lene abindei ba, ide siceu nya micut bak yoni.

NIBOHON MBEN ISRAEL GI NICAN 18:31

Tirigi yo dima ingat Nibou Ndig Yosafat lene ikan bigya noni ne nibou ndig mben Israel ri. Gima rino yahagom injei kep noni bipi bihwen. Noro Nibou Ndig Yosafat hara leu api tuhan Allah mpu noni ba, kiek siceu di sindi injei kep dima ingwak him ndam mpia tou nsi hiter leu noni.

NIBOHON MBEN ISRAEL GI NICAN 20:5

Ibicom yam bit timiei Yerusalem nya ba, idem yam ei mpia di jo bas hak di iba ngug tig bikrop ttai di nijep ei tuhan De Ig nihui dip. Yosafat kiju biya ei yahagom yoho bei,

NIBOHON MBEN ISRAEL GI NICAN 32:20

Leu api Nibou Ndig Hizkia kin Nabi Yesaya di Amos nipmot ikiju bingat nadi ba, yahara Allah leu binhyepo Noni mpu yok.

NIBOHON MBEN ISRAEL GI NICAN 6:34

Tirigino acuk Ade limwa nya biyuug kon pran bit siceu nya ei mpia di tou rino igya ba, ikiek yoho ndam Ade minu ndig di adimig ei dini kin Ade Ig di dingot mem Nani leu api ingat nadi,

DANIEL 6:10

Gima rino Nibou Ndig Darius ba buk bitak srat nicukti dima.

NIJAM NIKEI NYA 4:6

Mpe di gom ne Debora sok nihyet bak Barak di Abinoam nipmot di bong ei Kedes ei keret Naftali de hanjop bikwei ngat noni. Lene Debora pai binoni “tuhan di nok mben Israel ide Allah sok nihyet kwei ei da dip bak nani bipai ‘Ma adimig pinjoi ndig nya leu keret Naftali kin Zebulon ibou sribu simnai leu api abie tut yok ug ei Nungug Tabor.

NIJAM NIKEI NYA 6:14

Lene tuhan cuk noni bipai “Ma aug ba, aba ade nisindemti titut yam biteu mben Israel bingwes ngun leu mben Midian inda nsi a. Dani ne No di cuk na ri.”

SAMUEL GI NIGOM 15:18

Nok gima cem Noni pinak na di Andigpoi ba, cuk na leu binhyepo ahwen mben Amalek di isibut bibor dima. Allah cuk na di Andigpoi ba, ata abou ei gi akon pran bit yok kikau bibou yahagom imai bingwig ug e.

SAMUEL GI NIGOM 15:3

Gima rino ma aug kon pran bit mben Amalek ba, abindei timek mun di inyeng tut nya hagom hak ug. Lene ma ayai nimai bak pinai nya kin sop nya kin munggwom nya kin ningwoi-ngwoi nya kin sapi nya kin domba nya kin unta nya kin keledai nya hagom hak ug.”

SAMUEL GI NIGOM 30:8

Lene Daud hig ser tuhan “Suar duhuk bram siceu dima yok e? Gino duhuk bram yok lene midahatap yok bidikat yok e?” Lene tuhan buhup “I, ahuk bram yok hak ug. Leu mporo ahatap yok lene ateu nimpung di ikat yok di yuug sut yok dima bingwes ngun leu siceu inda nsi hanyen ug ri.”