NIBOU NDIG NYA GI NIGOM 8:39 - ALLAH NIHYET MEM TUNGWATU NYA

³⁹ lene ma angig atingou mem ighyet ei atimieisi ei gwamti. Akos ser ide sisar ba, ampu yok lewo Nangkom akan bidem tut tungwatu nya yahagom ingonti. Lene ma abibon tungwagom-gom bit leu nok niyai munti nya.

NIBOU NDIG NYA GI NIGOM 8:39 ပူးပေါင်းရင်းမြစ်များ

NIBOU NDIG NYA GI NIGOM 8:32

lene tuhan ei gwamti e, handei kon ba, angig atingou mem nyeni nihyet leu api akos tut no dima nok igbit. Ma akes hukum ei gi hi di ningon mui dip dem igbit nide mun di yai tunggwei lene ma asindui sut gi hi di ningon ngun bimbut hak ug.

NIBOU NDIG NYA GI NIGOM 8:36

lene handei kon ba, angig atingou ei gwamti mem ighyet. Akos ser nibou ndig kin Ade limwa di mben Israel ide sisar ba, angginau yok tut puig di igbit leu api ma Na di tuhan abindei ba, mpia but hanyen bidem Ade minu di ayai bak Ade limwa nya bijo ninno bijo kikau dini nisurti-nipekti.

NIBOU NDIG NYA GI NIGOM 8:38

nnaba angig atingou mem ighyet. Gino Ade limwa di mben Israel bihi iba ingon di ngguk bibor bingat nadi bak Nani ba, isu inda ndam Ade Ig dini nijoti,

NIBOU NDIG NYA GI NIGOM 8:40

Leu binhyepo Ade limwa nya ibit ahyet tirigi ibong kei igwam kei ei minu di ayai bak idigup bat-idigai bat nya dini kikau.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NICAN 6:30

lene ma angig atingou ei gwamti di agwam kepti mem ide nadi ba, akos ser mun di ibon tunggwei sut Na. Lewo Nangkom he rino akan tut tungwatu nya ingonti a. Gima rino ma abibon tungwagom-gom bit leu nok niyai munti nya.

MAZMUR 130:4

Noro akos ser nyende sisar leu binhyepo nyeni ninyohou bit ahyet.

MAZMUR 139:1

Doia Daud mem no di bie tut doia nimpung. tuhan e, ayok atta kep da ba, akan bidem tut dingonti kin dingut cem.

MAZMUR 28:4

Akes hukum ei yok dip drek dip ide niyai munti di kinei bibor di igyai kep nya. Akes hukum ei yok dip dem igbit ide nisibut tut tungwatu nyati ba, sur yam kin igyai munti di kinei bibor nya cem.

MAZMUR 33:14

Noni gwam nuhu kwei ei nide banggo mbrei dip bicap kwei ei dihyeisi dini bingat yo di ikieng kep dihyei nisurti-nipekti.

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YEREMIA 32:19

Angon kanti di akos tut ei nya bibon ninggap leusi ba, Ade nibon munti nya mindur. Angat bidem mun nyeng hagom di tungwatu nya ibon ba, abirop biyok dem igbit ide nibon munti nya.

YEHEZKIEL 18:30

tuhan Di Ninyeng Jei Bibor pai “He je di mben Israel e, midibuhup hanyen bije tut jiyai munti nya noyam kin nikei di ningon sren. Ma jittin ser jide sisar lene ma jisindui sut ba, jide sisar hwen je bijitimek bijingwig au.

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

KISAH 1:24

Lene ingat nadi bipai “Tuhan e, akan bidem tut mun di jo ei tungwatu yahagom ingonti. Gima rino ando igbit tungwagom leu ibou can dini igom di adimig ei su,

YOSUA 22:22

“tuhan he rino Allah Di Ninyeng Jei a! tuhan he rino Allah Di Ninyeng Jei a! Noni kan tut nyeni ningon kanti tut mun di nibon dini lene handei kon ba, jeni cem jikan tut ningon kanti dima. Gino nikiek ba, naham nimbuk kep tuhan ba, ningon gom tut Noni cem bi lene nna ba jiyai nimai binye nogindini hak ug!

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

NINGAT-HI-NGAT NYA 22:12

Yesus pai “Jimiap e, jei bi lene midihwou hanyen! Midihwou sut Ditde munkwas ba, dibirop hanyen bak tungwagom-gom bit leu igyai munti nya.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”

SAMUEL GI NIGOM 2:3

Je di tungwatu nya e, ma jinggei-nggwang tut jenti ba, jingon jei bu au. Ma jikimut juhui ser nhyema jimbrap kinei au. Lewo tuhan ningon dorti tut mun nyeng hagom. Noni gwam nok nikei mem tungwatu nya igyai munti nya hagom.