NIBOU NDIG NYA GI NIGOM 8:36 - ALLAH NIHYET MEM TUNGWATU NYA

³⁶ lene handei kon ba, angig atingou ei gwamti mem ighyet. Akos ser nibou ndig kin Ade limwa di mben Israel ide sisar ba, angginau yok tut puig di igbit leu api ma Na di tuhan abindei ba, mpia but hanyen bidem Ade minu di ayai bak Ade limwa nya bijo ninno bijo kikau dini nisurti-nipekti.

NIBOU NDIG NYA GI NIGOM 8:36 ပူးပေါင်းရင်းမြစ်များ

NIBOU NDIG NYA GI NIGOM 18:1

Tirigi mpia ngei ndung kikau mem ari bingwam ningai tu lene tuhan cuk Elia “Ma aug ndo nanti bak Nibou Ndig Ahab leu api midibindei ba, mpia but hanyen.”

NIBOU NDIG NYA GI NIGOM 18:41

Lene Elia pai bak Nibou Ndig Ahab “Nogindini ma aug yem njita. Biget mbras ug rin lewo biget ngan bitibim ei ditingou nsi tu.”

NIBOU NDIG NYA GI NIGOM 18:45

Jei bi lene jinnum nggai kep minu dima ba, hou di nimig ten kui yokti lene biget mbras nindig bibor cem leu api Ahab bri nide kroba pran bingkwei hanyen ug ei Yizreel.

MAZMUR 119:133

Abindei ba, dimbut lo, didilleu bi bit leu nok apreu ei mem dati. Ma asindui sut ba, sisar om kep da au.

MAZMUR 119:33

tuhan e, angginau da tut Ade nimbrap tutti nya leu binhyepo dibit bipek ningwigsi.

MAZMUR 143:8

Awin kep dingonti tut Ade ningon ngakeisi bikwop njap tekti lewo diba dingon com Nani tu. Ando puig di suar dimbut kak bida lewo dingat nadi biNa.

MAZMUR 25:12

tuhan ngginau yo di ingon gom nya tut puig di suar imbut kak.

MAZMUR 25:8

tuhan ndo puig bak yo di israwir nya lewo Noni kei ba, ningon gom cem.

MAZMUR 27:11

tuhan e, ma apingok dingonti leu binhyepo dikan igbit tut angon kanti mem da. Abuwak da kak puig di sren kei lewo ditde siceu nya imang ndig.

MAZMUR 32:8

tuhan pai “Midindo puig di suar akak bina bidingginau nani ba, dipingok angonti tut ambutti nya cem.

MAZMUR 5:8

Noro dicoi ug ei Ade Ig tug hon angon ngakeisi di nindig bibor. Dikiek doho bidibirok kik Ade Ig Di Kwes-Kwau bidiba dibiau bicom mpia leu api diba dibou coi mem Nani tirigi dikuk da biNani.

MAZMUR 68:10

Abindei ba, biget but mbras. Apui ahyet tut dihyei di ngak-cai binok Ade dihyei di ningei joti bibor.

MAZMUR 68:9

dihyei ugwa-kwei ba, biget mbras ei Aho bei tug hon Na di Allah Sinai kin Israel de Allah nikweisi.

MAZMUR 86:11

tuhan e, angginau da tut angon kanti nya leu binhyepo diba dingon di gom bibit Na kikau. Abindei ba, diba dingon titut bikuk da biNa.

MAZMUR 94:12

tuhan e, yo di angginau yok tut Ade niggai serti nya ingon llei bibor.

YESAYA 30:21

Gino jikriek leu puig lene mijimiap Nihyet di tibim ei jinghim dip kwei di pai “Gini ne puig ri, Ma jibit puig dini hak.”

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

YEREMIA 14:22

Bit bon ngkiai nya ide kwar nya ibindei ba, mpia but kan bi. Mpia-bbed him cem sindem mem gima bindei ba, biget mbras kwei ei dihyeisi dini bi. tuhan e, niyok ningon mem Nangkom. Nangkom he rino abindei ba, mun dima yok pek kep mem nye.

YEREMIA 42:3

leu binhyepo tuhan Allah ndo puig binye. Noni joi sut nyeni binuug ei hantou ba, miniyai midyai mindei i?”

YEREMIA 6:16

tuhan pai bak Nide limwa nya “Ma jiya hammi puig nahau yamti nya bijiyok jiyai kep mungkun. Ma jihig ser tungwatu nya tut puig gi nipou di kei bibor nya. Ma jikak puig dima leu binhyepo jibong kei jigwam kei.” Noro ibuhup “E bi! Nikou sut puig dima!”

YOEL 2:23

Je di timiei minu ndig Sion e, ma jiyai nillei bijingon kei bibor kei lewo tuhan di nok jide Allah njei mun di kei nindig bibor bak jeni. Noni bindei ba, mpia but nok gi dem mem bed di biang mpia ngei ba, biget mbras kwei mem bed di biang hou kin es ba, biget but mem bed di biang mpia kwes hanyenti bit leu nok gi Noni kos tut mem je habiei ei nimbie him.

MIKHA 4:2

bipai cuk yam “Jikwei ba, ikui ug ei tuhan de nungug tou kin Allah mben Israel De Ig cem! Noni mingginau nye tut ningon kanti mem nye leu api ikak puig di Noni tin mem nye lewo tuhan nipingok tungwatu nyati tibim kwei leu minu ndig Yerusalem ba, Noni ya ei mbigdip Sion bimbrap bit Nide limwa nya.”

MATIUS 22:16

Gima rino icuk ibou poi di igya kui yok kin ibou poi di itti kin nimpung Herodes biyuug ngat Yesus. Yo dini ipai bak Yesus “Guru e, nikan tut bipia angon sren. Ba, nikan tut bipia apai mingat tut Allah ningon kanti mem tungwatu nya lene amig mbus yok bi.

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.