NIBOU NDIG NYA GI NIGOM 8:30 - ALLAH NIHYET MEM TUNGWATU NYA

³⁰ Na di tuhan di angat rin ei atimieisi ei gwamti e, angig atingou mem dihyet kin Ade limwa nya ighyet cem ba, akos ser nyende sisar tirigi nikiek nye ba, niba noho rok Ade Ig dini biningat nadi.

NIBOU NDIG NYA GI NIGOM 8:30 ပူးပေါင်းရင်းမြစ်များ

NIBOU NDIG NYA GI NIGOM 8:34

nnaba angig atingou ei gwamti mem Ade limwa nya ighyet. Akos ser ide sisar ba, abuwak yok hanyen kwei ei ide minu dini di ayai bak idigup bat-idigai bat nya tu pima.

NIBOU NDIG NYA GI NIGOM 8:36

lene handei kon ba, angig atingou ei gwamti mem ighyet. Akos ser nibou ndig kin Ade limwa di mben Israel ide sisar ba, angginau yok tut puig di igbit leu api ma Na di tuhan abindei ba, mpia but hanyen bidem Ade minu di ayai bak Ade limwa nya bijo ninno bijo kikau dini nisurti-nipekti.

NIBOU NDIG NYA GI NIGOM 8:39

lene ma angig atingou mem ighyet ei atimieisi ei gwamti. Akos ser ide sisar ba, ampu yok lewo Nangkom akan bidem tut tungwatu nya yahagom ingonti. Lene ma abibon tungwagom-gom bit leu nok niyai munti nya.

NIBOU NDIG NYA GI NIGOM 8:43

lene ma angig atingou mem nihyet ei atimieisi ei gwamti ba, abuhup nihyet bit leu ningon kanti leu binhyepo tungwatu dihyeisi dini hagom ingon jo kep Nani lene mibit ahyet noyam kin nye di Ade limwa di mben Israel nibit ahyet. Lene mben ngkiai miyok ngon kep bipia Ade Ig di dingot dini ne gumihyep gom ngat mem tungwatu nya ikuk yok biNa eisi ri.

NIBOU NDIG NYA GI NIGOM 8:49

lene handei kon ba, angig atingou mem ighyet ei gwamti ba, angondut yok.

NIBOHON MBEN ISRAEL GI NICAN 20:6

lene ba nihyet ndig bingat nadi bak tuhan bipai “Nidigup bat-nidigai bat nya ide tuhan Allah e, Nani ne Allah ei gwamti ba, anyeng tak kep mben di dihyeisi dini hagom. Anyeng jei bibor ba, asindem bibor cem. Ba, tungwa hi di sindem bibor mem gima bindei timek Nani kan bi.

NIBOHON MBEN ISRAEL GI NICAN 7:14

gino Ditde limwa di ikrau kep dinyeng dima ittin ser ibon munti di kinei bibor leu api yoom yonti ba, ingat nadi biDa lene ingkwei hanyen ndam Da lene midingig ditingou mem ide nadi di ingat biDani ei gwamti. Lene midikos ser ide sisar di ibon nya leu api dibindei ba, ide minu mpung tut nibong kei nigwam keisi hanyen bu.

MAZMUR 123:1

Doia nikui ug ei Mbigdip Sion. tuhan di ninyeng tak kep gwamti e, ditou kep kui gwamti ndam Nani.

MAZMUR 28:2

Amiap kep dihyet mpe dino dahara Nani mem gima ampu da ba, mpe dino disu dinda tug hon nadi ndam Ade Ig di kwes-kwau niyati cem.

MAZMUR 85:2

tuhan e, angon nggriu sut Ade dihyei ba, angkwei mben Israel ug ei ide nibong kei nigwam keisi di nipou pima hanyen tu.

NEHEI LEUSI 34:6

Lene Noni mbut sin Musati bipai “Dani ne Tuhan rin ba, dinok Allah di ngondut tungwatu nya bisingat tut yok cem. Ditde ningon ngakeisi nindig bibor bikum eisi bu ba, dingon gom cem. Dingon sibui sut tungwatu nya haninyai kan bi.

NEHEI LEUSI 34:7

Dingondut tungwatu nya kikau ug bipek ide nintun him yamti di bram yam nya ibou sribu-ribu. Dikos ser ide sisar kin ide mun di igyai tunggwei nya. Noro bit bon yo di ingon mui nya mingwes ngun leu hukum kan bi. Lewo midikes hukum ei imunggwom bat nya kin ignyon bat-idrot bat nya dip kikau ug bipek ide nintun him yamti di bram yam nya nimpung gi niningai kin nibitai drek dip ide pung di intun him nya ide sisar.”

NIBA NINGON SRIP HUKTI 5:2

Ningon bos-bos nyenti bindei ba, nimumpriem kineisi cem kum eisi bibor. Niji ngganti bindei ba, nihyet di tibim kwei leu ade ningon mbumti cem kum eisi bibor.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

DANIEL 6:10

Gima rino Nibou Ndig Darius ba buk bitak srat nicukti dima.

DANIEL 9:19

tuhan e, ma angig atingou mem nyeni nihyet ba, akos ser nyende sisar cem ba, ayok ngon kep nyeni cem leu api ma ayai abou tut nye haninyai! Ma abinyen au leu binhyepo mijo nibreisi mem tungwatu nya yahagom bipia Nangkom he rino Allah! Lewo anyeng tak kep minu ndig Yerusalem kin Ade limwa di ningat-ngat nya.”

DANIEL 9:9

Mbro nok gino naham nimbuk kep Na lo, angon nggriu sut nye ba, akos ser nyende sisar tu.

MATIUS 6:12

Akos ser mun di niyai tunggwei sut Na bit leu nok nyeni cem nikos ser hiter nya ide mun di igyai tunggwei sut nye.

MATIUS 6:9

Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.

YOHANES GI NIGOM 1:9

Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom.