NIBOU NDIG NYA GI NIGOM 8:29 - ALLAH NIHYET MEM TUNGWATU NYA

²⁹ Handei kon ba, ayok ayai kep Ade Ig dini mem mmun-njap lewo gini ne gumihyep di adimig ei mem Ade limwa nya ikuk yok biNa eisi ri. Handei kon ba, angig atingou mem dihyet tirigi diba doho rok Ade Ig dini bidingat nadi.

NIBOU NDIG NYA GI NIGOM 8:29 ပူးပေါင်းရင်းမြစ်များ

NIBOU NDIG NYA GI NIGOM 11:13

Midipos nide ninyeng tak kepti dima titut yam leu noni bi. Noro midibet mben Israel ide keret nyeng gom ngat mem apmot dima ba, ninyeng mitak kep drek dip gi diyok ngon kep Ditde awak di Daud kin minu ndig Yerusalem di dikon nok Ditde minu ndig pima.”

NIBOU NDIG NYA GI NIGOM 11:36

Noro midisindui sut ba, Salomo nipmot ninyeng mitak kep keret gom ngat leu binhyepo Ditde awak di Daud de nintun him yamti di bram yam nya gom minok nibou ndig mem Da ei minu ndig Yerusalem. Lewo didimig minu ndig dima nok gumihyep gom ngat mem tungwatu nya ikuk yok biDa eisi.

NIBOU NDIG NYA GI NIGOM 14:21

Tirigi Rehabeam di Salomo nipmot kui bigwam nok nibou ndig mem minu Yehuda lene nide njap ug ei ari bingwam ningot bitai ba, gom. Ninyeng tak kep timiei Yehuda nya kikau ei nijam ari bingwam simnaimuhwidip brimigtehican ei minu ndig Yerusalem. tuhan dimig minu ndig dima leu minu Israel nindigsi nya ikieti pijum ei nok gumihyep di mben Israel ikuk yok bak Noni eisi. Rehabeam nipmem ninyeng Naama ba, noni ntun mben Amon him.

NIBOU NDIG NYA GI NIGOM 8:16

‘Tirigi po dibuwak Ditde limwa nya kwei leu minu Mesir pima kikau kwei bipek nijam dini kep lene dindo mpia ttou nsi gom mem gima angot Ditde Ig bijikuk je biDa eisi bidem minu Israel nisurti-nipekti hagom bina bi. Noro didimig na di Daud ei leu binhyepo anyeng mitak kep Ditde limwa nya.’ ”

NIBOU NDIG NYA GI NIGOM 8:43

lene ma angig atingou mem nihyet ei atimieisi ei gwamti ba, abuhup nihyet bit leu ningon kanti leu binhyepo tungwatu dihyeisi dini hagom ingon jo kep Nani lene mibit ahyet noyam kin nye di Ade limwa di mben Israel nibit ahyet. Lene mben ngkiai miyok ngon kep bipia Ade Ig di dingot dini ne gumihyep gom ngat mem tungwatu nya ikuk yok biNa eisi ri.

NIBOU NDIG NYA GI NIGOM 8:52

tuhan Allah e, handei kon ba, ayok ngon kep Ade limwa nya kin ide nibou ndig ba, angig atingou mem ighyet tirigi yahara Na mem gima ampu yok.

NIBOU NDIG NYA GI NIGOM 9:3

bipai binoni “Dingig ditingou mem ahyet tirigi angat nadi pima tu. Didimig Ditde Ig di angot dini pijum ei nok gumihyep gom ngat mem tungwatu nya ikwei kuk yok biDa eisi bijo ninno bijo kikau. Lene midiyok diyai kep ig dini ba, midinyohou kikau.

NIBOU NDIG NYA GI NICAN 19:16

tuhan e, ma angig ayai kep mun di cut igkep nye tu. Amiap kep Sanherib nihyet di wer mpiahi tut Na di Allah di niyaijo.

NIBOU NDIG NYA GI NICAN 21:4

tuhan pai ei su bipia minu ndig Yerusalem ne mpia di Noni ningat rin eisi ri. Lene minu ndig Yerusalem nok mpia di ibon midut bak Noni eisi cem ri. Mbro nok gima lo, Manasye win nimbar hum dok mem kwar nya ei tuhan De Ig.

NIBOU NDIG NYA GI NICAN 21:7

Manasye ttei kwar sop Asyera ningwes bitas pijum ei tuhan De Ig. Noro tuhan pai sut Nide Ig dima bak Daud kin nipmot Salomo nipou su “Ditde ig kin minu ndig Yerusalem di didimig leu keret Israel simnai brimigcan ide hanjop nya dini ne mpia di dindo ei nok gumihyep nibon midut eisi bak Dani ri.

NIBOU NDIG NYA GI NICAN 23:27

Noni tri tut “Midibibon timiei Yehuda nya bit leu nok gi dibibon mben Israel pima. Midijji yok bingwig leu diyai him lene midikou sut minu ndig Yerusalem po didimig ei mem Danti kin tuhan De Ig po dipai sut bipia suar tungwatu ikuk yok biDa eisi.”

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

NIBOHON MBEN ISRAEL GI NICAN 20:8

Yoni ibong ei minu dini ba, ingot ig di nok gumihyep mem gima ikuk yok biNa eisi. Lene ikan tut bipia,

NIBOHON MBEN ISRAEL GI NICAN 33:4

tuhan pai ei su bipia minu ndig Yerusalem ne gumihyep di mem ikuk yok bak Allah eisi bijo ninno bijo kikau ri. Mbro nok gima lo, Manasye ngot nimbar hum dok nya mem kwar nya ei tuhan De Ig.

NIBOHON MBEN ISRAEL GI NICAN 33:7

Noni ttei kwar Sop Asyera ningwes bitas ei tuhan De Ig. Noro Allah pai sut Nide Ig dima bak Daud kin nipmot Salomo nipou su. Noni pai “Ditde Ig ei minu ndig Yerusalem di didimig ei leu keret Israel simnaibrimigcan ide hanjop nsi dini ne mpia di dindo ei nok gumihyep nibon midut eisi bak Dani ri.

NIBOHON MBEN ISRAEL GI NICAN 6:20

Handei kon ba, ayok ayai kep ig di adimig ei nok gumihyep di nikuk nye bak Nani eisi dini bikwop mmun-njap. Mpe dino dani kin ditde limwa nya nikwei coi ig dini ba, ningat nadi bak Nani lene handei kon ba, Na di agwam gwamti angig atingou mem nyende nadi di ningat bak Nani. Lene ma akos ser ditde sisar kin Ade limwa mben Israel ide sisar di nibon nya.

NIBOHON MBEN ISRAEL GI NICAN 6:40

Ditde Allah e, nogindini ma ayok ayai kep nye ba, amiap kep nyende nadi di ningat bak Nani ei gumihyep dini.

NEHEMIA 1:6

tuhan e, ma angig ayai kep da ba, angig atingou mem dihyet tirigi dingat nadi tindei Ade limwa di mben Israel bikwop mmun-njap. Dipai jit bipia nye di mben Israel nibon sisar tu. Dani kin didigup bat-didigai bat nya nahagom nibon sisar tu.

NEHEMIA 1:9

Ne gino jikiek je bijitti kin Da hanyen bu bijibit dicuk jeti nya ne mbro nok gino dijji je ug ei minu nohon keti lo, midibuwak je hanyen kwei ei minu di didimig ei mem tungwatu nya ikuk yok biDa eisi.

MAZMUR 138:2

Diba dibiau bicom mpia ba, diba dingwak bikik dihyei birok kik Ade Ig Di Kwes-Kwau. Dikon anyeng lewo angon gom ba, angon ngakeisi mbut kikau. Akon Ade nipreu eisi di bon ninyeng bijo nai njiriek tungwatu nya ide nisimbot kep biyam tut Nati.

MAZMUR 34:15

Suar mbres nonti leu sisar biyai kep niyai munti di kei nya ba, bingon tut ningon jo nyahanti kikau cem.

NEHEI LEUSI 20:24

Ma jiba dihyei bibon nimbar hum dok gom mem Dani. Ma jibui jide domba nya kin sapi nya bijindig kep hum eisi. Lene jiba mindhe-ndhe bihi bikuk je biDa ba, jiba mindhe-ndhe bihi biyai jingon kwes kin Da. Midihwou yai gi kei bije ei mpia ttou nsi di dindo bije mem gima jibikuk je biDa eisi hagom.

DANIEL 6:10

Gima rino Nibou Ndig Darius ba buk bitak srat nicukti dima.

DANIEL 9:18

Allah e, ma amiap kep nyeni nihyet. Ayok ayai kep mun di buhun di cut igkep nye kin Ade minu ndig di ibijem kin anyeng di nggek bingwig su. Ningat nadi bak Nani drek dip niyai munti di kei bibor nya bi. Noro ningat nadi lewo angon nggriu sut nye.

ZAKHARIA 12:4

Njap dima dem ne dibindei ba, kuda nya hagom ibbwe-bbwe nyen ba, mirei bon tungwatu di igwam kuda nya dip cem. Midiya ser timiei minu Yehuda nya noro dibindei ba, kuda di siceu ide nya hagom igyai tu.

NINDAT KEP TUHAN NICUKTI NYA 12:11

tuhan di nok jide Allah mindo minu ttou nsi gom ngat lene ma jikuk je biNoni ei sirima. Lene ma jittei mun di dicuk je tut hagom ei sirima. Nok mindhe-ndhe di jindig kep hum ei nimbar hum dokti kin mindhe-ndhe mem nibon midut nindigsi nya kin mun di jikwas gom leu ningot gom lene nok kin mun nindigsi di jikwas tut Noni kin mun di jipreu ei mem Noni nipou su nya hagom.

NINDAT KEP TUHAN NICUKTI NYA 12:14

Suar jibui mindhe-ndhe dima ei minu ttou nsi gom ngat di tuhan mindo bije ei jide mben nya ikieti. Ma jibui mindhe-ndhe di jindig kep hum ei nimbar hum dokti ba, jiyai igbit dicuk jeti nindigsi nya hagom ei minu ttou nsi gom ngat dima he.

NINDAT KEP TUHAN NICUKTI NYA 12:5

Lewo tuhan di nok jide Allah mindo minu ttou nsi gom ngat ei jide mben nya ide hanjop nsi nikieti nya leu binhyepo Nide limwa nya minduk yam bikuk yok biNoni eisi.

NINDAT KEP TUHAN NICUKTI NYA 16:2

Ma juug ei mpia di tuhan ndo ei mem gima jikos jide kambir kin domba kin sapi ningut gom eisi nok mun di jibikuk je bak tuhan ei Njap Ndig Paskahti dima leu binhyepo jibikon jide tuhan Allah ninyenga.

NINDAT KEP TUHAN NICUKTI NYA 26:2

lene ma bikwop tungwagom-gom yai njita ninyeng gom-gom di sindi ngat ningat ndrim hi bijikes ei bansiti lene jimbut tut ug ei minu ttou nsi gom ngat po jikuk je bak tuhan di nok jide Allah eisi pima.