NIBOU NDIG NYA GI NIGOM 8:27 - ALLAH NIHYET MEM TUNGWATU NYA

²⁷ Noro Allah e, nggon rima akwei bong bit nye ei dihyeisi dini i? Mpia-bbed him bon ninyanti kin nijeisi nok gi dem mem Nani bi. Lene notou Ade Ig di dingot mem Nani nok gi dem mem Nani i?

NIBOU NDIG NYA GI NIGOM 8:27 ပူးပေါင်းရင်းမြစ်များ

NIBOHON MBEN ISRAEL GI NICAN 2:5

Nyende Allah di nikuk nye bak ne Allah di nindig bibor dor njiriek mun di tungwatu nya ikuk yok bak. Gima rino tuhan De Ig di dijoi sut dingot dima ne ig di nindig bibor.

NIBOHON MBEN ISRAEL GI NICAN 2:6

Noro ningat ne tungwatu dihyeisi dini hagom hi di sindem mem gima ngot ig mem Allah bi. Lewo mpia-bbed him di nindig bibor dem mem Noni gwam niti kan bi. Gima rino tuhan De Ig di dingot dini midem mem bi noro minok gumihyep mem gima nindig biei nggrai di ui-gwang kei eisi mem Allah he.

NIBOHON MBEN ISRAEL GI NICAN 6:18

Noro Allah e, dem mem gima abong ei tungwatu ikieti ei dihyeisi dini nijit e? Mpia-bbed him titut yam bon nibresti di dem mem Nani bi. Gi nok lene Ade Ig di dingot dini midem mem Nani bi sren.

MAZMUR 113:4

tuhan ninyeng tak kep ngkiai nya yahagom ba, ninyeng jeisi jo anai dor njiriek mpia-bbed him.

MAZMUR 148:4

Mpia-bbed him di jo anai e, ma anggei sut tuhan. Minyei di jo nuhu kwei ei mpia-bbed him e, ma anggei sut tuhan.

MAZMUR 68:33

Je di ngkiai nya e, ma jahagom jipai doia bak Allah lene ma jiba jide doia binggei sut tuhan,

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

KISAH 17:24

Allah di pai tes dihyeisi dini bitut mun di joti nya hagom ne Tuhan mem mpia-bbed him kin dihyeisi dini ri. Noni bong ser ig kwar di tungwatu ibon bou inda him bi.

KORINTUS GI NICAN 12:2

Dikan tut no di Kresten gom di Allah teu ba, buwak ug ei gumihyep di jo anai bibor ei gwamti ari bingwam simnaibrimigtai gi pini jug. (Dingon kiowi tut gino Allah teu no dima ningat buug sut ug ei gwamti e, he no dima ngat ningat-hi-ngat he e? Allah Nongkom kan tut.)

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

NINDAT KEP TUHAN NICUKTI NYA 10:14

tuhan di nok jide Allah nyeng tut mpia-bbed him di jo anai kin dihyeisi dini bitut mun di joti nya hagom.

YOHANES GI NIGOM 3:1

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.