NIBOU NDIG NYA GI NIGOM 8:26 - ALLAH NIHYET MEM TUNGWATU NYA

²⁶ Gima rino tuhan di nok mben Israel ide Allah e, ma abindei ba, mun po apreu ei mem dicig Daud di Ade awak pima mipek kep mem nye njap di ammani.

NIBOU NDIG NYA GI NIGOM 8:26 ပူးပေါင်းရင်းမြစ်များ

NIBOU NDIG NYA GI NIGOM 8:23

lene ngat nadi bipai “tuhan di nok mben Israel ide Allah e, hi nok Nani ningat rin ei gwamti kin dihyeisi dini bi! Tirigi ade limwa nya ingon gom tut Nani ba, iba ingon di gom bibit ahyet lene ayai mun bit leu nok apreu ei mem yokti hagom ba, angon ngakei yok cem.

NIBOU NDIG NYA GI NIGOM 8:27

Noro Allah e, nggon rima akwei bong bit nye ei dihyeisi dini i? Mpia-bbed him bon ninyanti kin nijeisi nok gi dem mem Nani bi. Lene notou Ade Ig di dingot mem Nani nok gi dem mem Nani i?

NIBOHON MBEN ISRAEL GI NIGOM 17:23

tuhan Allah e, nogindini ma akrau kep Ade gi preu di andat kep di bitut danti kin ditde nintun him yamti di bram yam nya bijo ninno bijo kikau. Ma abindei bipek kep mun di apreu ei dima hagom.

NIBOHON MBEN ISRAEL GI NICAN 1:9

tuhan Allah e, nogindini ma ayai mun bipek kep mun di apreu sut bak dicig pima. Akon da bidikui bidigwam nok nibou ndig mem mben di nindig bibor di bit bon tungwatu nya ikwop imangti kan bi dini tu.

MAZMUR 119:38

Dinok Ade awak ba, akrau kep Ade nipreu ei mem dati bit leu nok Ade nipreu ei mem yo di ibit ahyet.

MAZMUR 119:49

Ma ayok ngon kep Ade nipreu ei mem dati di bindei ba, diyok dingon mem Na.

MAZMUR 41:13

Ampu da drek dip dingon srenti leu api abindei bidigwam bit Na bijo ninno bijo kikau.

NEHEI LEUSI 24:10

Ba, ingat mben Israel ide Allah. Noni ya niyati ei mpia di sur yam di nok tig nilam nimma nindig bibor dip ba, dem kep nok mpia-bbed him mem mpia ngeisi.

YESAYA 41:17

Mpe dino Ditde limwa di indwau nya inggobiau sut minyei binggok ser lene Da di tuhan midibuhup ide nadi. Dinok mben Israel ide Allah. Dikes yok ei bihigom bi sren.

YESAYA 45:3

Midiyai ndigban kin mitiei di yo di inyeng nya iku bijo nding bina leu binhyepo jo nibreisi mem na bipia Da di tuhan dinok mben Israel ide Allah. Ba, dihig anyeng tu.

YEREMIA 11:5

Gino ibon mun dima yok hagom lene midiyai bipek kep mun di dipreu ei mem idigup bat-idigai bat nya. Midiyai minu di nogindini ibongti dima di nnum kei di mun nyeng hagom dem kei joti dima biyok ri.” Lene dibuhup bak “tuhan e, Igbit ri.”

SAMUEL GI NIGOM 1:17

Lene Eli buhup “Gi nok lene ma aba angon di kwes bingkwei hanyen ug ei atimieisi. Handei kon ba, mben Israel ide Allah mibuhup ahyet bit leu angon kanti.”