NIBOU NDIG NYA GI NIGOM 8:14 - ALLAH NIHYET MEM TUNGWATU NYA

¹⁴ Tirigi nide limwa nya yahagom igya igyati lene Nibou Ndig Salomo kiek no bitou kep yok leu api ngat nadi tindei mun di kei leu Allah mem yok.

NIBOU NDIG NYA GI NIGOM 8:14 ပူးပေါင်းရင်းမြစ်များ

SAMUEL GI NICAN 6:18

Niabiati noni bon midut nya bingwig leu su lene ngat nadi tindei mun di kei mem nide limwa nya tug hon tuhan Di Sindem Bibor ninyenga.

NIBOHON MBEN ISRAEL GI NIGOM 16:2

Tirigi Daud bon midut ba, bikuk no bak tuhan leu su lene pai nihyet di biyai gi kei bak limwa nya tug hon nadi ei tuhan ninyengti,

NIBOHON MBEN ISRAEL GI NICAN 31:8

Tirigi Nibou Ndig Hizkia kin yo di igya kui noni ingat ndigban nindig bibor di limwa nya ikwas dima bou igyai him tu lene inggei ngwig sut tuhan ba, ibinggap leu tuhan de limwa mben Israel tut ndigban nindig bibor di ikwas dima.

NIBOHON MBEN ISRAEL GI NICAN 6:3

Tirigi nibou ndig ngat nadi bikes leu lene kiek noho ndam limwa nipmem ngat di igya ei mpia dima leu api mut niyai kep yok leu binhyepo Allah yai gi kei biyok.

NIBOHON MBEN ISRAEL GI NICAN 7:6

Imam nya igya igyati ei mpia di indo mem yok ba, iba yoho rok Lewi nya di iba mun nyeng hi gom hi gom po Nibou Ndig Daud bon bou ninda him pima bikon tuhan ninyeng ba, ipai doia “tuhan ningon ngakei tungwatu nyati jo kikau buug hon nohonti bi sren.” Doia dima bit leu Daud nipingokti. Limwa nya yahagom igya igyati lene imam nya yuhui jo kep pun mbrei bimiep.

NEHEMIA 8:7

Leu api yahagom ikiju hanyen bigya igyati lene Yesua kin Bani kin Serebya kin Yamin kin Akub kin Sabetai kin Hodia kin Maaseya kin Kelita kin Azarya kin Yozabad kin Hanan kin Pelaya di keret Lewi nya yahagom ingginau limwa nya tut Srat Nicukti dima.

NEHEMIA 9:2

Timiei minu Israel dini yok imbres yo leu ngkiai nya nipou su. Lene yahagom ikiju ba, igya ter bipai jit ide sisar kin idigup bat-idigai bat nya ide sisar cem.

MAZMUR 118:26

Ma tuhan njei mun di kei bak no di kwei tug hon Nonti ninyenga! Nye di nigwam ei tuhan De Ig ninggei sut je di jicoi kwei.

NEHEI LEUSI 33:10

Hammi tirigi mben Israel ingat cou bumbuhui di ya kui dimbou hui ei tuhan De Prak Meng yati lene yahagom ikuk yok ei ide dimbou heisi nya biba ingwak bikik mpia.

MATIUS 13:2

Yo dima ningot ndig induk yam kwei bingwig ttai Noni. Gima rino Noni bri bigwam ei ut nsi lene tungwatu nya igya igyati ei igpong nipimat.

YOSUA 22:6

Leu api Yosua ngat nadi bahara tuhan Allah mem gima Noni njei mun di kei bak yoni. Leu api noni kes yok bingkwei hanyen ug ei ide hanjop di inyeng tak kepti hanyen. Noni bisok kep yok “Nogindini jinyeng bibor ba, jingkwei hanyen tut mindhe-ndhe nihyen kep nya kin perak kin mas kin ngkimom-tembaga kin ngkimom nitu kin sinsun mang bibor. Ma jikwas mun di jipos dima bihi tut yo di imbier kim je nindigsi nya.” Tirigi Yosua kes nihyet hon leu api keret Ruben kin Gad kin Manasye di ibong Minyei Yordan nite dima ug ikes mben Israel nindigsi nya ei ide hanjop nsi. Ikiju bimbut leu Silo ei minu Kanaan leu lene imbut ug ei yonti ide hanjop nsi ei Gilead. tuhan cuk yoni ibong ser hanjop nsi dima bit leu nicukti di tug hon Musa. (Keret Manasye nite hi itug ndei dihyei hanjop nsi leu Musa ei Minyei Yordan nite hi tu. Noro keret Manasye nite hi itug ndei dihyei hanjop nsi leu Yosua ei Minyei Yordan nite bei mpia nicutti bit keret mben Israel nindigsi nya.)