NIBOU NDIG NYA GI NIGOM 8:11 - ALLAH NIHYET MEM TUNGWATU NYA

¹¹ Leu api tuhan de nikei-kau-keisi piga bumbuhui dimati bibindei ba, bit bon imam nya icoi hanyen bibon midut nya kan bi.

NIBOU NDIG NYA GI NIGOM 8:11 ပူးပေါင်းရင်းမြစ်များ

NIBOU NDIG NYA GI NIGOM 8:10

Tirigi imam nya yehei leu tuhan De Ig rino bumbuhui ttou gom juk kwei bimpung kei ei ig bei.

NIBOU NDIG NYA GI NIGOM 8:12

Gima rino Salomo ngat nadi bipai, “tuhan e, mbro nok gino akon mpia njap anai ei mpia-bbed him lo, aku na nyahan ba, aba bumbuhui di dindi-kai binggai kep Nanti.

MAZMUR 90:16

Ma asindui sut ba, Ade awak di nyeni ningat ayai munti di bibon ninggap leusi bou nyeni niyai him ba, nyende nintun him yamti di bram yam nya cem ingat Ade nisindemti di mindur brei bou igyai him.

NEHEI LEUSI 29:43

Midiya um Ditde limwa di mben Israel ei sirima ba, Ditde nikei-kau-keisi mibindei ba, mpia dima kwes-kwau kei.

NEHEI LEUSI 40:34

Lene bumbuhui pima juk kwei binggai kep tuhan de Prak Meng leu api tuhan de nikei-kau-keisi piga ei Prak Meng nsi.

NEHEI LEUSI 40:35

Gima rino bit bon Musa coi ug ei Prak Meng nsi kan bi.

YESAYA 6:1

Ari bingwam di Nibou Ndig Uzia mai eisi ne dingat-hi-ngat bidingat tuhan. Noni gwam ei Nide banggo mbrei di jo nai ba, kei-kau-kei. Nide sinsun ninda jei nggai kep tuhan De Ig ninsi titut yam.

YEHEZKIEL 10:4

Nipigati di piga mpia kei di bindo tut tuhan di ningat rin ei mpia dima piga mpia ei kerub dima yok igyati bipri ug ei dimbou hui di ibicoi tuhan De Ig. Apino nipigati dima piga mpia kei ei mpia di jo bas hak ei tuhan De Ig.

YEHEZKIEL 43:2

bidingat lo, nisieng-siausi di piga kei di bindo tut Allah Israel ningat di kwei leu nite bei mpia nipriti. Dimiap Allah nihyet di dem muk ndigsi tirigi tti tignam nibimbiti pimo. Lene Allah de nisieng-siausi bindei ba, dihyeisi dini piga kei.

YEHEZKIEL 44:4

Leu api no dima buwak da ba, nuug ei dimbou pmem di jo ei nite di birok kik mpia nijjai ei Tuhan De Ig. Tirigi dimian huk Ig dima lene dingat lo, nisieng-siausi di piga kei di bindo tut tuhan di ningat rin ei sirima piga bidem Nide Ig titut yam. Leu api dinjei danti ug ei dihyeisi bidikuk da bidiba dingwak bikik mpia,

IMAM NYA IDE MIDYAI 9:23

Lene Musa kin Harun icoi ug ei tuhan De Prak Meng lo, mpe dino yehei hanyen kwei lene ingat nadi tindei mun di kei mem ide limwa nya bu. Mpe dima lene mben Israel yahagom ingat tuhan de nikei-kau-keisi brei bou igyai him.

IMAM NYA IDE MIDYAI 9:6

Lene Musa pai biyok “tuhan cuk je bipia ma jiyai mun dini yok hagom leu binhyepo jingat Nide nikei-kau-keisi brei bou jiyai him.”

HAGAI 2:7

Midibindei ba, ngkiai nya yahagom ide minu ugwa-kwei leu api ittei ndigban di ide nya hagom kwei ei minu ndig dini leu binhyepo Ditde Ig mpung tut ide mun di inyeng tut nya hagom.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

KISAH 7:55

Noro Stefanus yai nisindemti leu Allah Ninnei bitou kep ginyo kug ndam gwamti bingat Allah nikei-kau-keisi kin Yesus di ya kui Allah ninda com.

ROMA 9:4

Yoni ripo intun mben Israel him tug hon Allah nidimig yok eisi ba, inok Nide limwa nya cem. Noni nek yok nok nipmot bat nya bindo nisindemti biyok cem. Allah kin yoni ipreu ei mem yam tug hon Puig Yahudi niggai serti ba, ikan tut nisinati mem gima ikuk yok biNoni mungkun kei cem. Igyai Nide nipreu ei mem yokti leu Noni ba,

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

NINGAT-HI-NGAT NYA 21:11

bikwei sut nisieng siausi kin Allah nikei-kau-keisi kin nijimjitti di nok tig permata di nibok kak kin tig baiduri pandan di pimbai kei nok kristal bida.

NINGAT-HI-NGAT NYA 21:23

Minu ndig dima suar mpia njap kin bed mmun com digai bi lewo Allah nikei-kau-keisi piga digai hagom ba, Domba Pmot Nonti nok mini ninjeng mem.