NIBOU NDIG NYA GI NIGOM 5:9 - ALLAH NIHYET MEM TUNGWATU NYA

⁹ Yoni mibei buom ut dima leu Libanon kikau ug bipek muk nintig dip leu api mingot kin yam nok arreren ei muk ngwa dip leu binhyepo ibri bigwam dip lene itig minyei tut kikau ug ei muk nuhuisi di ando binye. Tirigi yoni yuug krau mpia dima bikwek kuk leu buom arreren ut dima lene ade limwa nya mikinyon ei midyai nimbut tutti. Diba dingon com na di Andigpoi tut njita mem ditde limwa nya igyem mem nijam di impu na di Andigpoi.”

NIBOU NDIG NYA GI NIGOM 5:9 ပူးပေါင်းရင်းမြစ်များ

YEHEZKIEL 27:17

Mben Yehuda kin Israel nya iba gandum ngan kin ahwei lon kin mini zaitun kin biei ngat di ui-gwang kei hagom bigo ndigban di ipek leu na nya.

EZRA 3:7

Mben Israel iba ide mitiei bigo tukan tig kin tukan biei imuhup ba, imbus njita kin ba anggur ningei kin mini zaitun keyam bipinak hagom bak mben Tirus kin Sidon biluei buom Libanon nuut di tukan nya iwim birim ug ei muk pimat leu binhyepo itig minyei tut ug ei minu ndig Yafo. Kores di nibou ndig Persia sindui sut gima igyai kep ide midyai dini hagom.

KISAH 12:20

Herodes ningon sibui sut timiei minu ndig Tirus kin Sidon nindig bibor. Gima rino yo dima induk yam ei nimpung gom biyuug ngat noni. Noro yuug ngat Blastus nipou bibrim ingkek kep noni leu api noni tti kin yok. No dini nok nibou mem Herodes de ig bei nsi nya yahagom. Leu api yahagom yuug ngat Herodes ba, yahara noni bikrau yam nda ser. Yahara noni lewo yo dima ide minu mbum apino suar ipek ide njita hagom leu Herodes ninyeng tak kepti.

NIBOHON MBEN ISRAEL GI NICAN 2:16

Nyeni miniwim buom leu nungug him ei Libanon bidem nimangti di Na Di Andigpoi asuar mem ig dima. Leu api miningot kin yam nok arreren ei muk ngwa dip leu binhyepo ade limwa nya ibri bigwam dip bitig minyei tut kikau ug ei minu ndig Yope. Leu api ipian leu Yope kikau ug ei minu ndig Yerusalem.”

NIBOHON MBEN ISRAEL GI NICAN 1:15

Ei nijam di Salomo ninyeng tak kepti dima lene mas kin perak jo sinsiou ei minu ndig Yerusalem dem kep ndigban nitu kin tig di jo dihyei ninjek dip pimo yok. Lene buom Libanon mang bibor bidimbun kei ba, noyam kin biei ara nitu pimo yok cem.

NINDAT KEP TUHAN NICUKTI NYA 3:25

tuhan e, ma asindui sut ba, disigon Minyei Yordan ba, duug dihip ei nite dima ug leu binhyepo dingat minu di nnum kei di jo nite dinyo kin nungug tou di kei bibor kei nya kin Nungug Libanon nya cem bou diyai him ug e.

NIBOU NDIG NYA GI NIGOM 5:8

Lene noni pas kep srat gom bipai bak Salomo “Dikwop kep ade srat di apas kwei mem da tu ba, ditin ei mem diyai hagom bit leu angon kanti. Midibindei ba, ditde limwa nya miwim buom Libanon kin buom nitu cem.

NIBOU NDIG NYA GI NIGOM 5:10

Gima rino Hiram bindei ba, iwim buom Libanon kin buom nitu hagom bit leu nok Salomo nahara noti.

NIBOU NDIG NYA GI NIGOM 9:27

Nibou Ndig Hiram pinak nide timiei di ibit-bit nyen kibar minyei di gwam kep tu nya ba, ibri kibar bit Salomo de timiei kibar nsi nya di igyai midyai nya ei kibar dip dima.

NIBOU NDIG NYA GI NIGOM 3:12

Gima rino midibuhup ade nahara Dati. Midibindei ba, angon ki ba, antin kimbo dor njiriek tungwatu nya di igyaijo ei nijam di nipou kin nijam di nidipti bu cem.

NIBOU NDIG NYA GI NIGOM 4:20

Mben Israel kin Yehuda nya imangti dem kep iggum ei muk nipimat nimangti. Ide njita di igyem kin mun ningei di idut dem mem yok ba, yahagom ibong kei igwam kei.

NIBOHON MBEN ISRAEL GI NICAN 9:22

Nibou Ndig Salomo nyeng tut ndigban nindig bibor cem ningon ki bibor dor njiriek nibou ndig nindigsi nya ei dihyeisi dini hagom.

AYUB 32:8

Noro Allah Di Sindem Bibor de Ninnei he rino yai ningon ki bak tungwatu nya.

NIBA NINGON SRIP HUKTI 1:16

Sikan “Sani lene no di yai ninyeng ba, singon ki cem. Side ningon kiti nindig dor tunggwei yo di inyeng tak kep mben Israel ei minu ndig Yerusalem nipou su nya yahagom. Sibrim singkek mem gima sipikor eisi ba, sintin kimbo tut mun nyeng mang bibor cem.”