NIBOU NDIG NYA GI NIGOM 5:8 - ALLAH NIHYET MEM TUNGWATU NYA

⁸ Lene noni pas kep srat gom bipai bak Salomo “Dikwop kep ade srat di apas kwei mem da tu ba, ditin ei mem diyai hagom bit leu angon kanti. Midibindei ba, ditde limwa nya miwim buom Libanon kin buom nitu cem.

NIBOU NDIG NYA GI NIGOM 5:8 ပူးပေါင်းရင်းမြစ်များ

SAMUEL GI NICAN 6:5

Lene Daud kin mben Israel nindigsi nya yahagom ipri-pri nyen bipai doia sindem bibor ba, ibinggei sut tuhan. Lene ikek ide nggong mbrei nya kin ndug nya kin mun di nggileng nya kin gong di nok yeng tug nya.

NIBOU NDIG NYA GI NIGOM 5:7

Lene Hiram joi sut srat di Salomo pas kep mem noni nindig bibor bipai sut “Njap di ammani dinggei sut tuhan lewo Noni bindei ba, Daud yai nipmot di ningon ki di ya luei nohoti nok nibou ndig mem mben di nindig bibor dima!”

NIBOU NDIG NYA GI NIGOM 5:9

Yoni mibei buom ut dima leu Libanon kikau ug bipek muk nintig dip leu api mingot kin yam nok arreren ei muk ngwa dip leu binhyepo ibri bigwam dip lene itig minyei tut kikau ug ei muk nuhuisi di ando binye. Tirigi yoni yuug krau mpia dima bikwek kuk leu buom arreren ut dima lene ade limwa nya mikinyon ei midyai nimbut tutti. Diba dingon com na di Andigpoi tut njita mem ditde limwa nya igyem mem nijam di impu na di Andigpoi.”

NIBOU NDIG NYA GI NIGOM 6:15

Tukan nya iba buom Libanon nisra bitap dring leu nitriti kikau ug bipek ngom dip ei ninsi nya hagom. Lene iba buom nisra hiter bingig kep igjou hagom.

NIBOU NDIG NYA GI NIGOM 6:34

Lene iba buom nitu bibon dimbou di ibikrop kin yam nimeng can.

NIBOHON MBEN ISRAEL GI NICAN 2:16

Nyeni miniwim buom leu nungug him ei Libanon bidem nimangti di Na Di Andigpoi asuar mem ig dima. Leu api miningot kin yam nok arreren ei muk ngwa dip leu binhyepo ade limwa nya ibri bigwam dip bitig minyei tut kikau ug ei minu ndig Yope. Leu api ipian leu Yope kikau ug ei minu ndig Yerusalem.”

NIBOHON MBEN ISRAEL GI NICAN 3:5

Lene iba buom nisra di kei bibor bitap ninsi ndig ba, iba mas di mahan kei bikrau kin buom nisra ei ninsi dima. Lene ikilis dui sraba ningwes kin lante ningwes ei mas di ibikrau buom nisra nidip a.