NIBOU NDIG NYA GI NIGOM 5:6 - ALLAH NIHYET MEM TUNGWATU NYA

⁶ Na di Andigpoi akan tut bipia dibon ditde limwa nya di iwim biei kan noyam kin na di Andigpoi ade limwa nya hi bi. Gima rino ma apinak ade limwa nya ug ei Libanon leu binhyepo iwim buom nya ei sirima. Ditde limwa nya mimpu yok. Lene ma apai igbit ade limwa nya imuhup bida leu binhyepo dibirop hanyen biyok nok gi igbit.”

NIBOU NDIG NYA GI NIGOM 5:6 ပူးပေါင်းရင်းမြစ်များ

NITRITI 10:15

Lene Kanaan nipmot mighumbou ninyeng Sidon ba, nikinjoi ninyeng Het.

NIBOU NDIG NYA GI NIGOM 10:26

Noni bindei ba, nide tentara ibri kroba pran ningat sribu gom sratus bitai kin kuda nya ningut sribu simnaibrimigcan. Noni kwas nide tentara ba, bihi ibong ser minu ndig Yerusalem lene nindigsi nya intek ug ei minu di gahai dima kou.

NIBOU NDIG NYA GI NIGOM 5:7

Lene Hiram joi sut srat di Salomo pas kep mem noni nindig bibor bipai sut “Njap di ammani dinggei sut tuhan lewo Noni bindei ba, Daud yai nipmot di ningon ki di ya luei nohoti nok nibou ndig mem mben di nindig bibor dima!”

NIBOU NDIG NYA GI NIGOM 6:16

Lene itap ninsi gom ei ig dima ninsi ei bei ninghim ndam nite mpia nicutti ba, ijem ninyeng Ninsi Di Kwes-Kwau. Ninsi dima nijeisi meter muhwindatai. Lene iba buom Libanon nisra bitap dring leu nitriti kikau ug bipek ngom dip.

NIBOU NDIG NYA GI NIGOM 6:20

Ninsi Di Kwes-Kwau bon nijeisi kin ninyanti kin nanaisi meter muhwindatai ba, hagom noyam. Lene iba mas binggai kep ninsi dima titut yam. Lene iba buom Libanon nisra bibon nimbar hum ndok di indig biei nggrai eisi ba, ikes ei Ninsi Di Kwes-Kwau nuhui a.

NIBOU NDIG NYA GI NIGOM 9:19

kin minu ndig nimbus ninju ndigban eisi nya kin minu ndig di nok nibousi mem injei kroba pran kin kuda eisi nya hanyen. Salomo ningon kanti di tin ei mem niwin minu ndig Yerusalem kin Libanon kin nide ninyeng tak kepti nya titut yam hagom dima mbut bipek nipekti kep.

NIBOU NDIG NYA GI NIGOM 9:27

Nibou Ndig Hiram pinak nide timiei di ibit-bit nyen kibar minyei di gwam kep tu nya ba, ibri kibar bit Salomo de timiei kibar nsi nya di igyai midyai nya ei kibar dip dima.

NIBOHON MBEN ISRAEL GI NIGOM 22:4

Noni hara mben Tirus Sidon nya leu binhyepo iwim buom Libanon ninjem mang bibor kwei cem.

NIBOHON MBEN ISRAEL GI NICAN 1:14

Salomo mbus bitin ei kroba pran ningat sribu gom sratus bitai kin kuda pran ningut sribu simnaibrimigcan cem mem nide tentara nya. Lene kuk nite hi ei minu ndig Yerusalem leu api kes nindigsi nya biyuug ba, igya bidem minu ndig nindigsi nya hagom.

NIBOHON MBEN ISRAEL GI NICAN 2:10

Lene midipinak gandum ninyeng can di nibuhunti kilo juta can kin ba anggur ngei liter sribu sratus bitai kin mini zaitun cem liter sribu sratus bitai bak Na Di Andigpoi leu binhyepo akwas tut yok bigyem.”

NIBOHON MBEN ISRAEL GI NICAN 2:8

Dikan tut bipia tukan di iwim kep biei ei ade minu nya yahagom ingon ki tut niwim bieisi tu. Gima rino Na Di Andigpoi e, ma apinak buom Libanon kin buom nyeng hiter bitut biei cendana leu Libanon kwei mem da. Leu api midicuk ditde tungwatu nya mem gima impu ade tukan nya tut midyai dima.

EZRA 3:7

Mben Israel iba ide mitiei bigo tukan tig kin tukan biei imuhup ba, imbus njita kin ba anggur ningei kin mini zaitun keyam bipinak hagom bak mben Tirus kin Sidon biluei buom Libanon nuut di tukan nya iwim birim ug ei muk pimat leu binhyepo itig minyei tut ug ei minu ndig Yafo. Kores di nibou ndig Persia sindui sut gima igyai kep ide midyai dini hagom.

MAZMUR 29:5

tuhan nihyet bindei ba, biei njem nya tti lene nihyet bindei dahat buom Libanon cem.

ZAKHARIA 11:12

Leu api dipai biyok “Gino jikan bipia dem mem gima jikwas dimuhup tut da ne jikwas tut da hak ug. Gi bi ne nna ug.” Gima rino ikwas mitiei njep ningot ningai he tut da binok dimuhup leu api tuhan pai bida “Ma abindei coi mitiei dima ei bangdopti ei Ditde Ig hak ug.” Gima rino dibindei coi mitiei njep ningot ningai dima ei bangdopti. Mun di ikwas tut da bindo tut ide nibou cut bidati ug ei nok gi ndima!

ROMA 12:17

Gino hi mbuk tut je lene ma jiba jimbuk birop hanyen bak au. Ma jita jibou ei jiyai munti nya di bindei di tungwatu nya iba ingon bisrip huk bipia jiyai munti dima kei bibor.

EFESUS 4:7

Bibikwop nyeni yahagom igyai nisindemti hi gom hi gom bit leu Kristus yai binyeti.

NINDAT KEP TUHAN NICUKTI NYA 17:16

Lene ma nibou ndig dima ma kuda ningot ndig mem nide tentara nya ibri bigwam dip au. Lene ma noni cuk nide limwa nya ug ei minu Mesir mem gima pek kuda ei sirima au. Lewo tuhan pai sut Nide limwa nya bipia ma ingkwei hanyen ug ei minu dima au.

FILIPI 4:8

Disut bat jen, son dideu srat dini ninggrupti tu. Ma jipwoi mun di bon ninyeng kin mun di dem mem gima tungwatu nya inggei sut nya ei jingonti. Mun dima rino niba ningon bisrip bram nijit-jausi kin mun di bindei ba, tungwatu nya inggei sut kin mun di sren-srau kin mun di kwes-kwau kin mun di bit bon hi tte tut kan bi kin mun di tungwatu nya igyai ngakei kin mun di singat kei hagom.