NIBOU NDIG NYA GI NIGOM 4:29 - ALLAH NIHYET MEM TUNGWATU NYA

²⁹ Allah bindei ba, Salomo ningon ki ba, kan tut mun nyeng hi di mipbor ngat nya cem lene ningon hukti di jut bibor. Bit bon tungwatu nya inai ningon kiti ninyanti kin nijeisi kan bi.

NIBOU NDIG NYA GI NIGOM 4:29 ပူးပေါင်းရင်းမြစ်များ

NITRITI 41:49

Gandum ngan di imbus keyam dima kum eisi nindig bibor ba, bit bon Yusuf kwop nide kilo nimangti kan bi. Lewo nimangti dem kep iggum ei muk nipimat nimangti.

NIBOU NDIG NYA GI NIGOM 3:12

Gima rino midibuhup ade nahara Dati. Midibindei ba, angon ki ba, antin kimbo dor njiriek tungwatu nya di igyaijo ei nijam di nipou kin nijam di nidipti bu cem.

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

NIBOU NDIG NYA GI NIGOM 4:20

Mben Israel kin Yehuda nya imangti dem kep iggum ei muk nipimat nimangti. Ide njita di igyem kin mun ningei di idut dem mem yok ba, yahagom ibong kei igwam kei.

MAZMUR 119:32

Dingon nggan mem gima dibit Ade nicukti nya lewo abindei ba, dingon huk niti bibor.

MAZMUR 119:34

Abindei ba, dingon hukti tut Ade nicukti nya leu binhyepo dibit leu api midiba dingon titut yam biyai hagom.

NIPINGOK NINGONTI 2:6

tuhan Nongkom kwas ningon kiti kin nintin kimboti kin ningon di dor niti tut tungwatu nya.

NIBA NINGON SRIP HUKTI 1:16

Sikan “Sani lene no di yai ninyeng ba, singon ki cem. Side ningon kiti nindig dor tunggwei yo di inyeng tak kep mben Israel ei minu ndig Yerusalem nipou su nya yahagom. Sibrim singkek mem gima sipikor eisi ba, sintin kimbo tut mun nyeng mang bibor cem.”

NIBA NINGON SRIP HUKTI 2:26

Allah yai ningon kiti kin nintin kimboti kin ningon nggei-hi-nggeisi bak no di pwoi Allah ningona. Noro Noni cuk yo di ibon sisar nya igyai midyai ba, inggok njita bigyai ningat keyam kui ig gudan mem gima ikes bak no di pwoi Allah ningona. Gima hagom ne mun di bit bon dingon dorti tut kan bi rin ba, dem kep nok niyon igkep hou nimig.

YESAYA 60:5

Mpe dino angat gima lene ma ayai nillei ba, angon nggei-hi-nggei lewo gima yok hagom mibiwin kep angonti. Ngkiai nya mikon ide ndigban kwei lene kibar minyei mikwei sut mitiei nindig bibor ba, injei bak nani.

YEREMIA 33:22

Midibikum ei yo di intun Ditde awak di Daud him kin imam di intun Lewi him nya imangti apino imangti midem kep iggum ndung di jo muk nintig dip kin ham mpia-bbed him di bit bon hi kwop nimangti kan bi.”

DANIEL 2:21

Ninyeng tak kep bed di biang hou kin bed di biang mpia ngeisi cem kin nijam nya hagom cem. Noni ta nibou ndig nya leu api cug inyeng di jei hanyen leu yok. Nongkom bindei ba, tungwatu nya ingon ki ba, ingon dorti.

HABAKUK 1:9

Tentara dima yok igya bidem ide siceu nya itimieisi lene iba ingon di mbuk bibon yok lene ibindei ba, tungwatu nya yahagom idigit tut ikweisi. Tungwatu di bit bon hi kwop imangti kan bi nya icut bak yoni lene siceu nya ikat yok biyuug sut.

YAKOBUS 1:17

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

NIJAM NIKEI NYA 7:12

Lo bi lene mben Midian kin Amalek kin ngkiai nya di ibong bidem iggum ndigsi yahagom ikieng kep mbang briep dima dem kep nok hai ceng nya di igyem mpia ei dihyei ninjek dip. Ide unta nya cem imangti noyam kin iggum ei muk nipimat nimangti.