NIBOU NDIG NYA GI NIGOM 4:1 - ALLAH NIHYET MEM TUNGWATU NYA

¹ Salomo kui bigwam nok nibou ndig ba, ninyeng tak kep minu Israel titut yam tu.

NIBOU NDIG NYA GI NIGOM 4:1 ပူးပေါင်းရင်းမြစ်များ

SAMUEL GI NICAN 20:23

Gini ne nibou di inyeng jei di Daud ta yok nya inyeng ri. Nibou di bie tut tentara Israel yahagom rino Yoab. Nibou mem tentara nya di igya ser Daud nonti njem hak rino Yoyada di Benaya nipmot.

SAMUEL GI NICAN 5:5

Ninyeng tak kep keret Yehuda ei Hebron mem ari bingwam muhwindacan biniken lene ninyeng tak kep mben Israel kin Yehuda yahagom ei minu ndig Yerusalem mem ari bingwam ningot ningai ba, ningai biniken bu.

SAMUEL GI NICAN 8:15

Ninyeng tak kep mben Israel titut yam lene ba ningon di gom kin ningon di sren bibon yok cem.

NIBOU NDIG NYA GI NIGOM 11:13

Midipos nide ninyeng tak kepti dima titut yam leu noni bi. Noro midibet mben Israel ide keret nyeng gom ngat mem apmot dima ba, ninyeng mitak kep drek dip gi diyok ngon kep Ditde awak di Daud kin minu ndig Yerusalem di dikon nok Ditde minu ndig pima.”

NIBOU NDIG NYA GI NIGOM 12:6

Nibou Ndig Rehabeam ug mbrap bit andig-ndau nya di ipingok nicig Salomo ningonti bihig ser yok “Notou midibuhup yo dima ighyet i? Jipai igbit jingon kanti bida.”

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

NIBOU NDIG NYA GI NIGOM 4:2

Daptar dini tibim tut yo di igya kui Salomo nya inyenga. Imam nya rino Zadok kin Azarya di Zadok nipmot kin Abyatar. Sekertaris di ipas kep srat mem Salomo de ninyeng tak kepti rino Elihoref kin Ahia. Cin dini ne Sisia nipmot bat nya ri. No di nyohou mitiei mem mben Israel rino Yosafat di Ahilud nipmot. Nibou tentara rino Benaya di Yoyada nipmot. No di yok niyai kep nibou hanjop ndig nya rino Azarya di Natan nipmot. No di pingok kep nibou ndig ningonti rino Imam Zabud di Natan nipmot. No di nok nibou mem awak nya ei nibou ndig de ig bei nsi nya rino Ahisar. No di nok nibou mem midyai niyai nimuhup bi di yo di yuubon yok nok awak nya igyai kep nya rino Adoniram di Abda nipmot.

NIBOHON MBEN ISRAEL GI NIGOM 12:38

Tentara di mimbri kui ingkek dima yok yahagom yuug ei Hebron ba, itin ei mem gima ikon pran. Ba, ingon ya mem gima ikon Daud bigwam nok nibou ndig mem mben Israel titut yam. Mben Israel nindigsi nya cem ingon noyam kin yo dima tut gima ikon Daud nok nibou ndig mem yoni yahagom titut yam.

NIBOHON MBEN ISRAEL GI NICAN 1:13

Leu api Salomo kiju bimbut leu gumihyep di ikuk yok bak Allah eisi ei Gibeon di tuhan Allah De Prak Meng jo ei pima bingkwei hanyen ug ei minu ndig Yerusalem. Hon kep gima lene bindei mbut ninyeng tak kep mben Israelti.

NIBOHON MBEN ISRAEL GI NICAN 9:30

Salomo ninyeng tak kep mben Israel titut yam mem nijam ari bingwam ningot bitai ei minu ndig Yerusalem.

NEHEMIA 13:26

Dipai biyok “Apo Nibou Ndig Salomo cut ei sisar di nok giniti bi e? Nibou ndig nindigsi ei dihyeisi dini hi ninyeng jei dor njiriek Salomo bi. Allah ningon ngakei noni ba, kon bikui bigwam nok nibou ndig di ninyeng tak kep limwa Israel yahagom. Mbro nok gima lo, sop ngkiai nya ihwen Salomo ningon bibindei ba, noni cut ei sisar dimati.

NIBA NINGON SRIP HUKTI 1:12

Dani ne Nikan-kan Nyen Tut Mun Cig ri. Dibong ei minu ndig Yerusalem bidinok nibou ndig di ninyeng tak kep mben Israel.