NIBOU NDIG NYA GI NIGOM 3:15 - ALLAH NIHYET MEM TUNGWATU NYA

¹⁵ Lene Salomo da niyai bikiju leu api jo nibreisi mem noni bipia Allah mbrap bit noni tug hon mumpriem dima tu. Lene noni ngkwei hanyen ug ei minu ndig Yerusalem biya Brua Gi Preu noho leu api bon midut nindig mindhe titut kep humti kin nibon midut nibiyai ningon kwes kin tuhanti hagom ei nimbar hum dokti. Gima ngwig lene noni bon pesta mem nide nibou nya di igya kui noni yahagom.

NIBOU NDIG NYA GI NIGOM 3:15 ပူးပေါင်းရင်းမြစ်များ

NITRITI 28:16

Lene Yakub da niyai bikiju lene pai “tuhan ningat rin ei gumihyep dini! Noro sindi dikan tut!”

NITRITI 31:54

Lene noni bui mindhe ningut gom bindig kep hum bak Allah ei nungug tou dima. Leu api noni nduk nide limwa nya kwei bigyem njita bit yam. Gima ngwig lene ibong ei sirima binjap kep.

NITRITI 40:20

Njap ningai bu lene Firaun bon pesta nindig bibor kep nide njap di srek binduk nide nibou di igya kui noni yahagom kwei. Leu api sok nihyet mem nibou ig bui bikes nibou mem ba anggur ngei kin nibou mem roti leu ig bui nsi kwei ei yahagom yoho bei.

NITRITI 41:7

Lene gandum nibou di ngoi-nga nya pinde gi hi di mpung kei nya bingwig. Lene Firaun da niyai hanyen bikan bipia noni mumpriem.

NIBOU NDIG NYA GI NIGOM 3:16

Mpe di gom lene sop nibou sibui ibou can ikwei ya ei Nibou Ndig Salomo noho bei.

NIBOU NDIG NYA GI NIGOM 8:63

Noni bon midut nibiyai ningon kwes kin tuhanti tug hon gi ibui sapi ningut sribu nyatungwagom bican kin domba ningut sribu sratus gom ba, nyatungwagom bak tuhan. Tug hon nisinati dima ne noni kin nide limwa nya yahagom ipiga tuhan De Ig tu.

NIBOU NDIG NYA GI NIGOM 8:65

Gima rino Salomo kin mben Israel yahagom ibon Njap Ndig Ig Jibei Mpam Meng ei sirima mem njap muhwindacan. Yo di idem yam ei su imangti ningot ndig. Ikwei leu minu ting ei Puig Hamat bei mpia nijjai kikau ug bipek hanjop minu Mesir bei mpia nibiho.

NIBOHON MBEN ISRAEL GI NIGOM 16:3

leu api kwas njita tut yahagom. Lene noni yai mikwau di ibam ninghui gom kin roti nindak gom kin kue kismis bitri sop nya kin pinai nya di idem yam ei su dima gom-gom sindam ba, yahagom igyem noyam.

NIBOHON MBEN ISRAEL GI NICAN 7:5

Salomo kwas sapi ningut sribu ningot can bican lene domba ningut sribu sratus gom nyatungwagom tut yok. Lene ibui bindig hagom ei nimbar hum dokti bak tuhan ba, ibibon midut nibiyai ningon kwes kin Allahti. Tug hon nisinati dima ne nibou ndig ya tut limwa nide di nipmem ngat dima ba, ibon midut nipiga ig di ikuk yok bak tuhan eisi mem Noni.

ESTER 1:3

Nibou Ndig Ahasyweros ninyeng tak kep limwa nya ug cut ari bingwam gi niningai lene noni bon pesta di nindig bibor mem yo di inyeng jei kin yo di igya kui noni yahagom. Nibou pran minu Persia kin Media kin nibou hanjop nya cem bitut yo di inyeng jei ei hanjop nsi nya yahagom ibit pesta dima.

YEREMIA 31:26

Mpe dima lene tungwatu nya mipai ‘Dibong mai kep dinghuisi leu api dikiju lo, dinghuisi kwes hanyen.’

DANIEL 5:1

Mpe di gom bu Nibou Ndig Belsyazar hig yo di inyeng jei nya ibou sribu gom kwei ba, bon pesta nindig bibor mem yok. Idut ba anggur ngei nindig bibor cem.

MBEN ISRAEL IMBUT-MBUT NYEN 12:6

Lene tuhan pai biyok “Suar jingig jitingou mem dihyet! Tirigi jide nabi nya ikiju bitri tut dihyet bije lene dindo dingon kanti biyok tug hon ningat-hi-ngat nya ba, dimbrap bit yok tug hon ide mun di imumpriem nya cem.

MARKUS 6:21

Jei bi lene bon nituti mem Herodias tirigi Herodes bon pesta kep nide njap lene yo di igya kui noni kin nibou tentara nya kin nide limwa di inyeng jei nya ei hanjop Galilea, yahagom ikwei bidem yam ei pestati dima bit noni.