NIBOU NDIG NYA GI NIGOM 3:12 - ALLAH NIHYET MEM TUNGWATU NYA

¹² Gima rino midibuhup ade nahara Dati. Midibindei ba, angon ki ba, antin kimbo dor njiriek tungwatu nya di igyaijo ei nijam di nipou kin nijam di nidipti bu cem.

NIBOU NDIG NYA GI NIGOM 3:12 ပူးပေါင်းရင်းမြစ်များ

NIBOU NDIG NYA GI NIGOM 2:6

Dipmot na e, ma abuhup binoni bit leu angon kanti lene ma asindui sut noni bimai he ei niwer andig-ndausi au.

NIBOU NDIG NYA GI NIGOM 2:9

Noro dicuk na bipia ma no dima ningwes ngun leu hukum au. Dikan tut bipia angon ki. Mbro nok gino noni wer andig-ndau su lo, suar abindei ba, noni cem tug ndei hukum nimai.”

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

NIBOU NDIG NYA GI NIGOM 5:12

tuhan yai igbit nipreu ei mem Daudti bibindei ba, Salomo ningon ki bibor. Hiram kin Salomo ingon kwes kin yam ba, yahacem ibuhup biyam tug hon gi ipreu mun biyam.

NIBOU NDIG NYA GI NIGOM 5:9

Yoni mibei buom ut dima leu Libanon kikau ug bipek muk nintig dip leu api mingot kin yam nok arreren ei muk ngwa dip leu binhyepo ibri bigwam dip lene itig minyei tut kikau ug ei muk nuhuisi di ando binye. Tirigi yoni yuug krau mpia dima bikwek kuk leu buom arreren ut dima lene ade limwa nya mikinyon ei midyai nimbut tutti. Diba dingon com na di Andigpoi tut njita mem ditde limwa nya igyem mem nijam di impu na di Andigpoi.”

NIBOHON MBEN ISRAEL GI NIGOM 29:25

tuhan bindei ba, limwa nya yahagom inggap leu Nibou Ndig Salomo. Lene bikon Salomo binok nibou ndig di ninyeng jei dor tunggwei nibou ndig nindigsi di inyeng tak kep mben Israel yahagom. Ba, hi di noyam kin noni bi.

NIBOHON MBEN ISRAEL GI NICAN 2:12

Dinggei sut mben Israel ide tuhan Allah di pai tes mpia-bbed him kin dihyeisi dini ninyenga! tuhan yai munggwom pinai gom di ningon ki bibor bikan bidem tut nibon munti nya ba, kan bidem mun nyeng hagom cem bak Daud tu. Lene atin ei ba, abrim angkek mem gima angot ig njem gom mem tuhan ba, abingot ig nibou ndig gom mem nanti cem.

NEHEMIA 13:26

Dipai biyok “Apo Nibou Ndig Salomo cut ei sisar di nok giniti bi e? Nibou ndig nindigsi ei dihyeisi dini hi ninyeng jei dor njiriek Salomo bi. Allah ningon ngakei noni ba, kon bikui bigwam nok nibou ndig di ninyeng tak kep limwa Israel yahagom. Mbro nok gima lo, sop ngkiai nya ihwen Salomo ningon bibindei ba, noni cut ei sisar dimati.

MAZMUR 10:17

tuhan e, ningat ne amiap kep yo di ibon inyeng bi nya ide nadi leu api abiwin kep ingonti.

NIPINGOK NINGONTI 2:6

tuhan Nongkom kwas ningon kiti kin nintin kimboti kin ningon di dor niti tut tungwatu nya.

NIBA NINGON SRIP HUKTI 1:13

Dibungwam mem gima diyok diyai kep mun nyeng hagom di pek kep ei dihyeisi dini ba, dipikor eisi leu binhyepo hagom jo nibreisi mem da. Tungwatu nya igyaijoti nggruk bibor drek dip mun di Allah kos tut ei di mipek kep mem yok.

NIBA NINGON SRIP HUKTI 1:16

Sikan “Sani lene no di yai ninyeng ba, singon ki cem. Side ningon kiti nindig dor tunggwei yo di inyeng tak kep mben Israel ei minu ndig Yerusalem nipou su nya yahagom. Sibrim singkek mem gima sipikor eisi ba, sintin kimbo tut mun nyeng mang bibor cem.”

YESAYA 65:24

Nipou tirigi ingat nadi bingwig bigyo lene midibuhup ighyet. Nipou tirigi ikes ighyet hon ba, ingat nadi bingwig bigyo lene midibirop hanyen biyok.

DANIEL 1:17

Allah bindei ba, pinai pilei ibou bitai dima ingon ki tut mun nyeng hagom. Noni bindei ba, Daniel ne nimbot kep ningat-hi-ngat cig kin mumpriem cig ri.

MATIUS 12:42

Tirigi Njap ningwig honti dem lene nibou ndig sop di kwei leu mpia nibiho mikiju bit je di nijam dini leu api mipai kep je lewo noni jo leu nitimieisi ei minu ting bibor kwei lene ngig nitingou mem Salomo di ba ningon di ki bingginau tungwatu nya pima nihyet. Noro nogindini no di ninyeng jei dor njiriek Salomo no rinaha!”

LUKAS 21:15

Lewo dibindei ba, jiji cem nggan jingon cem ki leu api bit bon jide siceu nya yahagom ibigen ser jihyet kan bi.

NINDAT KEP TUHAN NICUKTI NYA 34:9

Mpe dima ne Yosua di Nun nipmot yai ningon di ki lewo Musa ndo noni leu binhyepo ya luei nohoti. Lene mben Israel ibit Yosua nihyet ba, igyok ngon kep tuhan nicuk yokti nya di Noni sok ei Musa dip bak yoni.

KOLOSE 2:3

Kristus Nongkom hit Allah ningon kiti kin nikan-kan nyenti di tereu nok mas nibousi di jo nding leu tungwatu nya igyai him hagom ei nibreisi.