NIBOU NDIG NYA GI NIGOM 3:11 - ALLAH NIHYET MEM TUNGWATU NYA

¹¹ Gima rino Noni pai bak Salomo “Igbit ri! Ahara Da tut ayaijo di jei bibor kin ndigban nindig bibor kin gima ade siceu nya itug midut bi noro ahara Da tut angon di ki leu binhyepo aba angon di sren kei bibie tut ditde limwa nya.

NIBOU NDIG NYA GI NIGOM 3:11 ပူးပေါင်းရင်းမြစ်များ

ROMA 8:26

Nok gima cem Allah Ninnei kwei mpu nye lewo isindem bi ba, ikan tut nisinati mem gima ingat nadi tindei mun nyeng hi bi. Mpe dima lene Allah Ninnei Nonti kwei ya hacan mem nye ei Allah Noho bei lene ba nahamuisi di imiap bi bingat nadi mem nye.

NIBOU NDIG NYA GI NIGOM 3:9

Gima rino ma abindei ba, dingon ki leu binhyepo diba dingon di sren kei bibie tut Ade limwa nya ba, dikan igbit tut mun di kei kin mun di kinei niter leu yamti cem. Gino ampu da bi lene notou midibie tut Ade limwa nya di imang bibor dini i?”

NIPINGOK NINGONTI 16:31

No di ningon sren nide njap ug ei ari bingwam mang bibor. Nibou nta di tiei ne topi mas di sieng-siau kei ri.

MAZMUR 4:6

Ma jibui mindhe-ndhe bijindig ei nimbar hum dokti nok gi igbit ba, jibikuk je bak tuhan. Ma jiba jingon com Noni.

NIBOU NDIG NYA GI NIGOM 3:10

Lene Tuhan ningon kei sut Salomo nahara Noti.

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

NIBOHON MBEN ISRAEL GI NICAN 1:11

Lene Allah buhup “Ahara Dati dima kei bibor. Ahara da tut gima anyeng tut ndigban ug kin anyeng di jei bibor ug kin ade siceu nya itug ndei nimai ug kin ade njap di jei ug cem hagom bi. Noro ahara Da tut ningon di ki kin ningon di binggok puig leu binhyepo abipingok Ditde limwa di diba dingon com nani tut nya.

YEREMIA 45:5

Nggon rima ajoi sut gi dibibon na ter leu gi dibibon nindigsi nya i? Barukh e, ma ajoi sut nok gima au! Midiba mun di buhun bihwen tungwatu dihyeisi dini hagom. Noro tut nani ne mporo angwes ngun ri. Mbro nok gino ambut ug ei hantou-hantou lo, ayai mijo yo. Da di tuhan disimbot dat tu.”