NIBOU NDIG NYA GI NIGOM 22:8 - ALLAH NIHYET MEM TUNGWATU NYA

⁸ Lene Ahab buhup “Mikha di Yimla nipmot nonaha. Noro dingon mpo tut noni lewo noni mbot kep mun di mipek kep ei nidipti bu di kei bibor bibuhup dihyet bi sren noro noni mbot kep mun di mipek kep ei nidipti bu di kinei bibor bibuhup dihyet kikau.” Lene Yosafat buhup “Aye! Apai nok gima au!”

NIBOU NDIG NYA GI NIGOM 22:8 ပူးပေါင်းရင်းမြစ်များ

NITRITI 37:8

Lene nikindig bat nya ibuhup “Akan bipia anok nibou ndig ba, anyeng tak kep nye e?” Gima rino ingon mpo tut noni nindig bibor bu drek dip nide mun di mumpriem kin nipai mingat tutti cem.

NIBOU NDIG NYA GI NIGOM 18:4

Tirigi Izebel kinyon ei niyai nimai bak tuhan de nabi nyati lene Obaja jem nabi nya ibou sratus gom kwei bikwas yok ei nimpung can biku ibou ningot muhwi ei dihyei nyem gom lene ku ibou ningot muhwi bu ei dihyei nyem gom bu. Lene noni ba njita kin minyei binyohou yok cem.)

NIBOU NDIG NYA GI NIGOM 19:10

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NIGOM 19:14

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NIGOM 21:20

Tirigi Ahab ngat Elia di tau kep noni lene noni pai bak “Ditde siceu hatap da tu e?” Lene Elia buhup “Igbit ri! Lewo na di Andigpoi ampig bou kep ade niyai munti di mbuk bibor ei Allah niyai him wer ninno tu.

NIBOU NDIG NYA GI NIGOM 22:13

Lene awak di ug buwak Mikha kwei pima sok kep noni bipai “Nabi nindigsi nya yahagom itri tut ide nimbot mun di mipek kep ei nidipti bu di kei bibor bipai bipia nibou ndig de siceu nya ei Ramot micut bak noni. Gima rino ma nani cem ma ambot kep tut mun di mipek kep ei nidipti bu di noyam kin yoni.”

NIBOU NDIG NYA GI NIGOM 22:18

Lene Ahab pai bak Yosafat “Mikha nibuhupti dima bit leu nok gi dipai bina pima rin bi e? Noni mbot kep tut mun di mipek kep ei nidipti bu di kei bibor bitut da hi bi sren noro mbot kep tut mun di mipek kep ei nidipti bu di kinei bibor bida bijo kikau!”

NIBOU NDIG NYA GI NIGOM 22:27

Disok dihyet bak yoni leu binhyepo icom noni ug ei ig bui nsi lene ma ikwas njita poi mien he kin minyei poi mien he tut noni bibou dikwei hanyen leu Ramot bidingwes ngun ug e.”

NIBOU NDIG NYA GI NIGOM 22:7

Lene Yosafat hig ser Ahab bu “Nabi hiter di mihig ser Allah mem sa ningat rin bi e?”

NIBOU NDIG NYA GI NIGOM 22:9

Lene Ahab hig nibou di ya kui noni gom kwei bicuk noni buug buwak Mikha haninyai kwei.

NIBOU NDIG NYA GI NICAN 9:22

Lene Yoram hig ser Yehu “Aba angon di kwes bikwei nok disut rin e?” Noro Yehu buhup “Notou midikwei nok asut tirigino yo di nung kui yok nya imang bibor kin yo di ikuk yok bak kwar di apmem Izebel bindei bikieng kep mpia dini yo rinaha yo i?”

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

MAZMUR 34:21

tuhan nyohou nonti njem kin ninnei apino tungwatu nya midahat ninjum gom cem bi.

NIPINGOK NINGONTI 15:12

Yo di illei-lau nya ikou sut nisok kep yoti. Yahara yo di ingon ki nya tut ide nipingokti bi.

NIPINGOK NINGONTI 29:10

Nimbiam cig nya ingon mpo tut no di ningon gom noro yo di ingon sren nya minyohou no dima.

NIPINGOK NINGONTI 9:8

Ma asok kep no di llei-lau au. Lewo miningon mpo tut na. Ne gino ando no di ningon ki nitunggweisi bak lene ningon mikei sut na.

YESAYA 3:11

Noro buhun bibor mem yo di isibut nya! Midibibon yok noyam kin gi yoni ibibon nindigsi nya.

YESAYA 30:10

Isrep tut nabi nya bipai “Jikimut juhuigya! Ma jitri tut mun di igbit binyeni au. Noro ma jipingok nye bit leu nyenti ningon kanti. Ma jisindui sut nye ba, nibit ningat-hi-ngat di nikan huk nya he.

YESAYA 49:7

Allah di kwes-kwau di teu mben Israel leu sisar biyai niyaijo nijep biyok pai bak no di ngkiai nya yahagom ico kep di ingon mpo tut cem lene bipai bak no di nibou di yo di isindem nya yuubon nok ide awak cem “Nibou ndig nya mingig igyai kep ayai munti nya leu api yahagom mikiju bigya bikon anyenga. Yo di inyeng jei nya cem mingig igyai kep ayai munti nya leu api mikuk yok ei amig him.” Mun dini yok hagom mipek kep mem yok lewo tuhan dimig Nide awak ei su ba, mben Israel ide Allah di kwes-kwau ningon gom tut mun di Noni preu ei mem yok.

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”

YEREMIA 20:10

Dimiap tut yo di yahamui nyahan bidem minu ighyet di ipai “Ningon ttin biborti kieng kep minu! Jikwei ba, iba kilak Yeremia bak nibou nya!” Disut bat di dingon kieti nya cem imem kep ser dicutti. Isimbot kep biyam “Ma ibingon mem gima iba ninsi di mmau biris noni leu api noni micut bak nyeni. Leu binhyepo ikat noni ba, iba ingon di mbuk birop hanyen bak.”

YEREMIA 36:23

Tirigi Yehudi kwop srat bokti dima hanjop nsi ningai bitai leu su lene nibou ndig ba nide singau mien bikos tut hanjop nsi dima leu bicom ug ei humti. Noni yai nok gima sindam kikau ba, hum yem srat dima hagom bingwig.

YEREMIA 38:4

Lene nibou dima yok yuug ngat nibou ndig bipai binoni “Suar no dima tug ndei nimai. Nihyet dima bindei ba, tentara Yehuda ingon nddong bu bi ba, ingon cut leu su. Nok gima cem tut ade limwa nindigsi nya di ibong ser minu dini. Noni mpu yok bi noro bindei ba, ingon buhun tut mun di micut igkep yok.”

AMOS 5:10

Je di mben Israel jingon mpo tut yo di ibigen ser nikei nikos tutti di kinei bibor nya kin yo di ipai mun di nijit ei nikei noho bei.

MIKHA 2:11

Jijoi sut nabi di ris mun igkei bipai sut mun di mipek kep mem je ei nidipti bu nok gini ‘Jei bi ne jidut ba anggur ngei kin mun di pu je nindig bibor ri.’ ”

MIKHA 2:7

Ma akan bipia tuhan mbriom Nide limwa di mben Israel au! Noni bibon yok nok gima bi. Noni moom ningon tut yok kikau. Noni ba ningon di nggriu nyohou pingok yo di ibon mun di igbit nya ingonti bi e?”

ZAKHARIA 11:8

Lene dijji gembala ibou ninga pima ei ninsi bed gom. Lene nitri-nipek domba cig nya ibindei ba, ditde noom ningonti ngwig leu da drek dip gi ingon sibui sut da.

MATIUS 10:22

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti ba, ningwes ngun.

YOHANES 17:14

Ditri tut ahyet bak yo di ibit Da apino tungwatu dihyeisi dini ingon mpo tut yok lewo inggre kin tungwatu dihyeisi dini bi. Gima bit leu nok Dani cem dinggre kin tungwatu dihyeisi dini bi.

YOHANES 7:7

Bit bon tungwatu dihyeisi ingon mpo tut je kan bi. Noro ingon mpo tut Da drek dip gi dipai biyok bipia igyai munti nya kinei bibor.

GALATIA 4:16

Tini bu ne jiba nitok bida drek dip gi ditri tut nihyet di nijit bije e?