NIBOU NDIG NYA GI NIGOM 22:6 - ALLAH NIHYET MEM TUNGWATU NYA

⁶ Gima rino Ahab hig nabi nya ibou sratus bitai kwei bihig ser yok “Duug ya kep bidihwen minu ndig Ramot e, he bi e?” Lene yahagom ibuhup “Aug hak ug lewo Allah mihwen minu ndig dima mem na di Andigpoi.”

NIBOU NDIG NYA GI NIGOM 22:6 ပူးပေါင်းရင်းမြစ်များ

NIBOU NDIG NYA GI NIGOM 12:9

Lene noni hig ser yok “Notou midibuhup yo di ijoi sut dibindei ba, mun di dicig kes ei inghat dip dima wer nggan bu leu yok dima ighyet i?”

NIBOU NDIG NYA GI NIGOM 18:19

Nogindini ma anduk mben Israel yahagom ba, ikwei um da ei Nungug Karmel. Ma abuwak nabi Baal nya ibou sratus bitai ningot muhwi kin nabi Asyera ibou sratus bitai di nibou ndig sop Izebel hati tut yok nya cem yahagom kwei.”

NIBOU NDIG NYA GI NIGOM 18:20

Gima rino Ahab nduk mben Israel kin nabi Baal nya yahagom kwei ba, idem yam ei Nungug Karmel.

NIBOU NDIG NYA GI NIGOM 22:10

Mpe dima lene Ahab kin Yosafat yahacem ijuk ide sinsun nibou ndig bigwam ei ide banggo mbrei dip kui dimbou hui ei Samaria dideu gumihyep gom di tungwatu nya illet gandum ninjep leu nisina bai eisi. Nabi pima yok yahagom ighyet kui yam bitri tut ide nimbot kep tut mun di mipek kep ei nidipti bu pima bijo ninno.

NIBOU NDIG NYA GI NIGOM 22:15

Tirigi Mikha kwei ya ei Nibou Ndig Ahab noho bei lene Ahab hig ser noni “Mikha e, ace tut ba, Nibou Ndig Yosafat nyeni mininjei siceu binihwen minu ndig Ramot e?” Lene Mikha buhup “Dwai. Jinjei bijihwen hak ug! Jo nibreisi bipia Allah mimpu je bibindei ba, jicoi ug ei minu ndig dima bijiyai bijiyati.”

NIBOU NDIG NYA GI NIGOM 22:5

Noro ma sihig ser Allah tut ningon kanti mem sa nipou ug e.

NIBOU NDIG NYA GI NICAN 10:19

Gima rino jinduk Baal de nabi nya kin yo di ikuk yok bak Baal nya kin Baal de imam nya cem yahagom bidem yam ei gom. Ma hi gwam cem au. Lewo midibon midut nindig ei Baal de nimbar hum dokti bak noni. Tungwa tou rino kwei bi mitug ndei hukum nimai.” Yehu ba nicuk yokti dima biris yok leu binhyepo biyai nimai bak yo di ikuk yok bak Baal nya yahagom.

NIBOU NDIG NYA GI NICAN 3:13

Tirigi ikwei ngat Elisa tu lene noni pai bak nibou ndig mem mben Israel “Nggon rino akwei hara da leu binhyepo dimpu na i? Aug hara ade ndigpoi nya ide nabi pima yok leu binhyepo impu na hak ug.” Noro Yoram buhup “Nok bi! Lewo tuhan rino kos tut binye bipia mikes nyeni nibou ningai dini ei nibou ndig mben Moab nindati a.”

NIBOHON MBEN ISRAEL GI NICAN 18:14

Tirigi Mikha kwei ya ei Nibou Ndig Ahab noho bei lene nibou ndig hig ser “Dani kin Nibou Ndig Yosafat nuug kon pran bit minu ndig Ramot ug e, he nuug au e?” Lene Mikha buhup “Ma juug kon pran bit hak ug! Lewo Na Di Andigpoi mporo abindei timek yok. tuhan mibindei ba, joom kep siceu nya bihigom.”

YESAYA 36:10

Jikan bipia tuhan mimpu nye tut gi ninjei siceu di nihwen jide minu ba, nibicut jide minu ninyeng cem dima bi e? tuhan Nonti rino cuk nye kwei leu binhyepo nikon pran bit je binico kep jide minu dini hagom bingwig a.”

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

YEHEZKIEL 13:22

Jiba jide niris munti dima biyai yo di isingat di ijoi sut gima itug ndei mun di buhun leu Da bi nya ingon cun hak. Jibindei ba, yo di isibut nya ingon jei apino ibon sisar bijo kikau leu ba, ingwes ngun bi.

MATIUS 7:15

“Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.

2 TIMOTIUS GI NICAN 4:3

Lewo ei nidipti bu ne tungwatu nya mijoi sut ningginausi di nijit di tibim ei itingou nsi bu bi. Noro yuhuk bram yonti ingon kanti nya binduk guru nya imang-mang di ingginau yok tut mun di itingou dile mem.

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.