NIBOU NDIG NYA GI NIGOM 22:42 - ALLAH NIHYET MEM TUNGWATU NYA

⁴² Mpe dima lene nide njap ug ei ari bingwam ningot ningai ba, muhwi tu. Noni bong ei minu ndig Yerusalem ba, ninyeng tak kep timiei Yehuda nya kikau mem nijam ari bingwam nyatungwagom ba, muhwi. Nipmem ne Azuba di Silhi nipmisop ri.

NIBOU NDIG NYA GI NIGOM 22:42 ပူးပေါင်းရင်းမြစ်များ

NIBOU NDIG NYA GI NIGOM 14:21

Tirigi Rehabeam di Salomo nipmot kui bigwam nok nibou ndig mem minu Yehuda lene nide njap ug ei ari bingwam ningot bitai ba, gom. Ninyeng tak kep timiei Yehuda nya kikau ei nijam ari bingwam simnaimuhwidip brimigtehican ei minu ndig Yerusalem. tuhan dimig minu ndig dima leu minu Israel nindigsi nya ikieti pijum ei nok gumihyep di mben Israel ikuk yok bak Noni eisi. Rehabeam nipmem ninyeng Naama ba, noni ntun mben Amon him.

NIBOU NDIG NYA GI NIGOM 15:10

bibong ei minu ndig Yerusalem ba, ninyeng tak kep timiei Yehuda nya mem nijam ari bingwam ningot bitai ba, gom. Nidrot rino Maakha di Absalom nipmisop.

NIBOU NDIG NYA GI NIGOM 15:2

bibong ei minu ndig Yerusalem ba, ninyeng tak kep yok mem nijam ari bingwam ningai. Nidrot rino Maakha di Absalom nipmisop.

NIBOU NDIG NYA GI NIGOM 22:41

Tirigi Ahab di nok nibou ndig mem mben Israel ninyeng tak kep mem nijam ari bingwam bitai su lene Yosafat di Asa nipmot kui bigwam nok nibou ndig ei minu Yehuda biluei nicig nohoti.

NIBOU NDIG NYA GI NIGOM 22:43

Yosafat bon mun di igbit ei tuhan niyai him noyam kin nicig Asa. Noni cok tut pinai kin sop sundal niken di nicig Asa cok tut bigyo nya di igyai midyai ei mpia di tungwatu nya ikuk yok bak kwar nya eisi yahagom leu nide hanjop nsi. Noro tut mpia di ikuk yo bak kwar nya eisi ne nggek gima bi. Limwa nya no sisip ibui mindhe-ndhe nya ei nimbar hum dokti bindig biei nggrai di ui-gwang kei lene ibikuk yok bak kwar nya ei mpia dima yo. Yosafat bon kibar Tarsis nya mem gima ug bittei mas leu Ofir kwei. Noro kibar dima yok gimbut bi sren drek dip mun di bindei ba, hagom kinei ei Ezion-Geber. Ahazia di nok nibou ndig mem mben Israel kin Yosafat imbot kep tut timiei kibar mben Israel nya leu binhyepo ikrau kibar bit Yosafat de limwa nya bimbut-mbut nyen. Mbro nok gino ingon kinei sut yam bi lo, Yosafat ce tut bi. Niabiati bu lene Yosafat mai ba, itig ei jui nsi di ibet ei mem itig kep nibou ndig nya eisi ei Daud De Minu Ndig. Lene nipmot Yoram ya luei nohoti bigwam nok nibou ndig bu. Nipui mun nindigsi nya tut Yosafat niyai munti nya kin nibrim ningkekti nya cem nide nikon pranti nya cem hagom jo ei srat Nibohon Nibou Ndig Yehuda Nyati. Mpe dima lene hanjop minu Edom bon nibou ndig hi bi. No di ninyeng tak kep ei minu ndig dima ne minir hanjop ri.

NIBOU NDIG NYA GI NICAN 1:17

Lene Ahazia mai bit leu tuhan nipai tug hon Eliati. Ahazia yai nipmot bat nya hi bi. Gima rino nide adig-ajoi di Yoram kui bigwam nok nibou ndig mem mben Israel biya luei Ahazia nohoti. Gima pek kep mem yok tirigi Nibou Ndig Yosafat di Yehoram nipmot ninyeng tak kep timiei Yehuda nya mem nijam ari bingwam can tu.

NIBOU NDIG NYA GI NICAN 8:16

Nibou Ndig Yoram di Ahab nipmot ninyeng tak kep mben Israel mem nijam ari bingwam muhwi lene Yehoram di Yosafat nipmot kui bigwam nok nibou ndig mem timiei Yehuda nya.

NIBOHON MBEN ISRAEL GI NICAN 20:31

Yosafat kui bigwam nok nibou ndig mpe dino nide njap ug ei ari bingwam ningot ningai ba, muhwi. Ninyeng tak kep kikau mem nijam ari bingwam nyatungwagom ba, muhwi ei minu ndig Yerusalem. Nipmem ninyeng Azuba di Silhi nipmisop.