NIBOU NDIG NYA GI NIGOM 22:37 - ALLAH NIHYET MEM TUNGWATU NYA

³⁷ Ipai nok lewo Nibou Ndig Ahab mai su. Lene ikon Ahab ningut bingkwei hanyen tut ug ei Samaria ba, itig.

NIBOU NDIG NYA GI NIGOM 22:37 ပူးပေါင်းရင်းမြစ်များ

NIBOU NDIG NYA GI NIGOM 16:24

Noro niabiati bu lene ba mitiei perak nitig sribu muhwindagom bipek nungug tou gom leu tungwagom di Semer leu api win minu ndig gom ei nungug tou dima dip bijem ninyeng Samaria. Noni ba Semer ninyeng bijem nungug tou dima ninyeng lewo Semer ninda rom nipou su.

NIBOU NDIG NYA GI NIGOM 20:42

Leu api nabi pai bak nibou ndig “tuhan pai bipia ‘No dicuk na bipia suar ayai nimai bak pima ne asindui sut ba, ningwes ngun tu. Gima rino suar aya luei nohoti ba, atug ndei nimai drek dip. Ade tentara nya yahagom misar bingwig drek dip gino isindui sut di ide siceu nya inang di ingwes ngun hak ug a.’ ”

NIBOU NDIG NYA GI NIGOM 22:36

Son dideu mpia nikimbasti lene tentara Israel icuk yam “Jikwei ba, yahagom ingkwei hanyen ug ei ide minu ndig kin ide hanjop cem.”

NIBOU NDIG NYA GI NIGOM 22:38

Lene nide awak nya ijem nide kroba pran biyuug sut ug ei minyei ugyou gom di ninyeng Samaria leu binhyepo iba minyei bipiap bipwoi hanyen lo, sop sundal nya no ikek ugyou dimati yo lene nsien nya cem ipiei Ahab ninggrom ei mpia dima cem bit leu nok tuhan nipaisi.

MAZMUR 34:21

tuhan nyohou nonti njem kin ninnei apino tungwatu nya midahat ninjum gom cem bi.

YESAYA 44:25

Dibindei ba, yo di iko mun bibinggok tut ndiyok ingon mbum ba, diba yo di nung kui yok bikek. Dibigen ser yo di ingon ki nya ighyet bidikiek ingon di kimbo bidibindei ba, ingon mbum hanyen.

YEHEZKIEL 13:6

Ningat-hi-ngat di ingat nya ne nitrowai nitu. Mun di itri tut di mipek kep ei nidipti bu cem isuglai he. Ikon ighyet tut bipia mun di ipai sut nya ne ipai sut dihyet di disok ei yok dip lo, digicuk yok bi sren. Mbro nok gima lo, ingon ya mem gima ighyet di itri tut dima mipek kep mem yok!