NIBOU NDIG NYA GI NIGOM 22:34 - ALLAH NIHYET MEM TUNGWATU NYA

³⁴ Noro tuhan bindei ba, tentara Siria gom pilei tibor hammi nide siceu nya ariwace lo, tibor dima tibim Ahab de sinsun pran ninggreti bindei noni. Lene Ahab hara no di krau nide kroba pran “Tibor gom ndei da tu! Akiek kroba tut sa ba, soom sa leu pran hak ug!”

NIBOU NDIG NYA GI NIGOM 22:34 ပူးပေါင်းရင်းမြစ်များ

SAMUEL GI NICAN 15:11

Ibou sratus can yehei sut Absalom ba, igya kui noni kikau ug ei Hebron noro iba ingon di kwes bibit lewo ikan tut gima Absalom miyok ningon gom mem gima ham nimbuk kep Nibou Ndig Daud bi.

NIBOU NDIG NYA GI NIGOM 22:17

Lene Mikha buhup “Dikan huk tentara Israel di igya sinsiou bidem nungug tou nya ba, yahagom inok domba di ibon ide gembala hi bi. Allah pai sut yoni bipia yo dini ibon ide nibou di bie tut yok hi bi. Nna ba yahagom iba ingon di jo nyahan bintek gimahap bingkwei hanyen ug ei ide ig.”

NIBOU NDIG NYA GI NIGOM 22:33

Apino jo nibreisi mem yok bipia noni ne mben Israel ide nibou ndig rin bi. Gima rino inggek ingonti leu ba, ihwen noni bi.

NIBOU NDIG NYA GI NIGOM 22:35

Tentara nya ikon pran bit yam sindem bibor lene Ahab bong nyahan ei nide kroba pranti biyok niyai kep tentara Siria nya. Ninggrom silipti nide kroba pran ba, ut eisi kikau ug bipek mmunti leu api niyaijo ngwig hon.

NIBOU NDIG NYA GI NICAN 9:24

Lene Yehu ba nibbu bikri nide tibor ba, biprindei Yoram ninghim bikus leu bindei ningon him cem. Lene noni tti bimai ei nide kroba pran nsi.

NIBOHON MBEN ISRAEL GI NICAN 18:30

Lo bi lene nibou ndig mben Siria pingok nide nibou tentara ibou ningot ningai ba, can di iba kroba bikon pran nya ingonti leu binhyepo icut igkep hiter bi noro nibou ndig mben Israel nongkom he.

NIBOHON MBEN ISRAEL GI NICAN 35:23

Noro tibor gom ndei Nibou Ndig Yosia ei pranti dima. Noni cuk awak nide nya leu binhyepo ikrau kroba pran bikiek tut noni bipri leu pran nicut eisi dima lewo nibok buhun.

NIBWOS-BWOS NYENTI 3:37

Gino tuhan kos tut ningon kanti tut mun nyeng hi bi lene bit bon tungwatu nya igyai mun di njiriek ningon kanti dima kan bi.

MIKHA 6:13

Gima rino dikinyon ei gi dibui je bidibindei ba, jitimek bijingwig drek dip jide sisar.

NINGAT-HI-NGAT NYA 9:9

Ijuk sinsun pran di iba ngkimom nitu binap ser ingget ba, inyehei nibimbiti dem kep kroba pran di kuda nya ikri tut yo di ikon pran.

SAMUEL GI NIGOM 17:49

Noni hit tig njep gom leu nide minaisi bikes ei bikumsikik pimati lene biprindei Goliat. Tig dima ndei Goliat ningwak bibindei ba, nibou ki leu api tti biba ningwak bikik dihyei bimai nimbiam.