NIBOU NDIG NYA GI NIGOM 22:28 - ALLAH NIHYET MEM TUNGWATU NYA

²⁸ Lene Mikha pai bak “Gino akwei hanyen ba, angwes ngun lene jo nibreisi bipia tuhan tri tut nihyet tug hon da bi! Je di jingat rin e, jahagom jintu kep duhui tut ba, jimiap dihyet ei jitingou nsi tu.”

NIBOU NDIG NYA GI NIGOM 22:28 ပူးပေါင်းရင်းမြစ်များ

NIBOU NDIG NYA GI NICAN 1:10

Lene Elia buhup “Gino dani ne Allah de awak ningat-ngat rin lene nnaba, hum di cig-cai cut kwei leu mpia-bbed him biyem nani kin tentara nya di ibit na jahagom ba, jisar bijingwig ug. Hammi tirigi Elia pai nok rino hum cut biyem nibou tentara dima kin tentara ibou ningot muhwi di ibit pima yahagom ba, isar bingwig hak.”

NIBOU NDIG NYA GI NICAN 1:12

Lene Elia buhup “Gino dani ne Allah de awak ningat-ngat rin lene handei kon ba, hum di cig-cai cut kwei leu mpia-bbed him biyem nani kin tentara nya di ibit na jahagom ba, jisar bijingwig hak.” Hammi tirigi Elia pai nok rino hum cut biyem nibou tentara dima kin tentara ibou ningot muhwi di ibit pima yahagom ba, isar bingwig hak.

NIBOHON MBEN ISRAEL GI NICAN 18:27

Lene Mikha pai binoni “Gino Na Di Andigpoi angwes ngun ba, angkwei hanyen lene jo nibreisi bipia tuhan nimbot kep tut mun di mipek kep ei nidipti bu tug hon da bi! Je di jingat rin ei sirini jahagom jintu kep duhui tut ba, jimiap dihyet ei jitingou nsi tu!”

YESAYA 44:26

Dibindei ba, Ditde awak niji ngkiem. Tirigi disok dihyet bidikes dingon kanti ei no di dipinak hwou dip lene dingon kanti dima hagom mipek kep mem tungwatu nya. Dipai sut minu ndig Yerusalem bipia tungwatu nya mibong ser minu ndig dima hanyen ba, midiwin minu mien nya ei minu Yehuda hanyen bu. Midipindi ide ig kum kroi nya ba, wer ig hanyen.

YEREMIA 28:7

Noro na di Hananya kin je di limwa nya jahagom e, ma jingig jitingou mem dihyet.

AMOS 3:1

Je di mben Israel e, ma jingig jitingou mem tuhan nisok kep jeti dino Noni sok kep mben nitindur gom di buwak kwei leu Mesir! Noni pai,

MIKHA 1:2

Je di ngkiai nya ei dihyeisi dini hagom e, ma jingig jitingou mem dihyet! Je di jibong ei dihyei dini nisurti-nipekti e, ma jimiap kep dihyet! tuhan Di Ninyeng Jei Bibor mikwei nok no di ngat mun nyeng hagom bou niyai him bipai kep jahagom! Ma jimiap kep nihyet di tibim kwei leu Nide Ig di kwes-kwau ei gwamti.

MBEN ISRAEL IMBUT-MBUT NYEN 16:29

Gino yo dima imai tug hon gi imai nitu leu ba, itug ndei hukum di kwei leu Allah bi lene gima bindo bipia dibit tuhan nicuk dati bi.

MARKUS 12:37

Gino Daud jem Nibou Ndig di teu tungwatu nya biyai niyaijo nijep biyok ninyeng Tuhan lene notou Nibou Ndig di teu tungwatu nya biyai niyaijo nijep biyok ntun Daud him i?” Mpe dima lene tungwatu ningot ndig di idem yam ei Tuhan De Ig ijoi sut Yesus ningginausi nya.