NIBOU NDIG NYA GI NIGOM 22:22 - ALLAH NIHYET MEM TUNGWATU NYA

²² Lene Allah hig ser noni ‘Aris bak noni notou i?’ Lene ninnei dima buhup ‘Duug ngat Ahab de nabi nya lene midibindei ba, yahagom iris mun.’ Lene Allah cuk noni ‘Aug ba, aris bak noni hak ug lewo ayai munti dima mingat ningat ug ri.’ ”

NIBOU NDIG NYA GI NIGOM 22:22 ပူးပေါင်းရင်းမြစ်များ

NIBOU NDIG NYA GI NIGOM 13:18

Leu api nabi andig-ndau di bong ei minu ndig Betel dima ris mun bak bibuhup “Dani cem nabi noyam kin nani. tuhan sok nihyet ei Nide malaikati gom dip kwei bida leu binhyepo dikwei um nani ba, dicigit na kui ig bisiyem njita bit yam.”

NIBOU NDIG NYA GI NIGOM 22:20

Lene Allah hig ser yok ‘Tou riris bak Ahab bibindei ba, noni mitug midut ei Ramot i?’ Lene malaikati nya ibou poi ibuhup nok gini lo, bihi ibuhup nok gima.

NIBOU NDIG NYA GI NIGOM 22:21

Kikau bibou ninnei gom ya bibie mem yok bison kwei ei Allah Noho bei lene pai binoni ‘Midiris bak noni.’

NIBOU NDIG NYA GI NICAN 3:13

Tirigi ikwei ngat Elisa tu lene noni pai bak nibou ndig mem mben Israel “Nggon rino akwei hara da leu binhyepo dimpu na i? Aug hara ade ndigpoi nya ide nabi pima yok leu binhyepo impu na hak ug.” Noro Yoram buhup “Nok bi! Lewo tuhan rino kos tut binye bipia mikes nyeni nibou ningai dini ei nibou ndig mben Moab nindati a.”

AYUB 1:12

Lene tuhan pai bak Bilis “Nna ba abindei Ayub de mun di nyeng tut nya bit leu angon kanti noro ma angget nonti njem binggwen au.” Lene Bilis om no leu tuhan Noho bei bimbut.

AYUB 12:16

Allah sindem ba, mimbri kui ningkek apino bindei cut Nide siceu nya! No di ris mun igkei kin no di cut bak no di ris pima yahacem ingat rin ei Allah ninda behei.

MAZMUR 109:17

Noni krau kep nisigionti cem. Nna ba nonti tug ndei nisigion noti hak ug. Noni kou sut gi njei mun di kei bak hiter. Nna ba hiter igyai mun di kei bak noni au.

YESAYA 19:14

tuhan rino bindei ba, iba nipingokti di bindei di ingon kiowi niti bipingok ide limwa nya. Gima ribindei di mben Mesir ibon mun tunggwei-tunggwei nyen ba, intig kriek-kriek nyen bidem kep yo di idut pes di ibou ngwak sibui di yonti injim dia tut yok ba, icut bitoi yonti injim a.

YEHEZKIEL 14:9

Gino nabi gom cut ei niris noniti leu api buhup tunggwei ne Dani rino diris nabi dima. Da di tuhan Di Dinyeng Jei Bibor midicom noni leu mben Israel ikieti.

ZAKHARIA 13:2

Njap dima dem ne mididip tut kwar di ikuk yok bak nya inyeng leu dihyei dini leu binhyepo hi dima miyok ngon kep ninyeng dima bu bi. Midijji yo di ikon yonti inyeng binok nabi nitrowai nya kin yo di ninnei di kinei ya ingonti nya yahagom.

YOHANES 8:44

Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri.

TIMOTIUS GI NIGOM 4:1

Allah Ninnei ndo brei binye bipia ei nidipti bu tungwatu nya mikes ide niba ningon com Kristusti ei leu api iba ibou coi mem ninnei di kinei di ibindei srawir yok kin ninnei rom ide ningginausi.

YOHANES GI NIGOM 4:6

Noro Allah ninyeng tak kep nyeni. No di ningon dorti tut Allah bit nyeni ighyet. No di Allah ninyeng tak kep bi bit nyeni ighyet bi. Tug hon nisinati di ibingat Ninnei di nijit kin ninnei di bindei ba, tungwatu nya israwir niter leu yamti.

NINGAT-HI-NGAT NYA 13:14

Ba, hi sindui sut noni biba mindur di bibon ei mindhe gi nigom noho bei biris tungwatu dihyeisi hagom. Mindhe dini cuk yok leu binhyepo ibon kwar di dat mindhe gi nigom di yai nibok leu singau simeda di hi bitot noni noro kiju hanyen leu nimai eisi tu pima.

NINGAT-HI-NGAT NYA 17:17

Lewo Allah pingok ingonti leu binhyepo injei siceu bigyai mun bit leu Nonti ningon kanti mem yok. Gima rino ice tut yam bikes ide nisindemti hagom ei mindhe di niten-pos nindati leu binhyepo ninyeng tak kep mun nyeng hagom bibou Allah nikos tutti nya midem ug e.

NINGAT-HI-NGAT NYA 20:10

No dima com Bilis di ris bak tungwatu nya yahagom ei muk hum belerang di cig-caiti. Mindhe di niten-pos kin nabi nitrowai itug ndei hukum ei muk hum nipou su. Yo dini mitug ndei inghuisi wei nindig bibor bikwop mmun-njap kikau buug hon nohonti bi.

NINGAT-HI-NGAT NYA 20:3

Noni com naga ug ei jui ninnei rom nya ide leu api bakusin ser dimbou lene ba biei nggrai bikrau kep. Gima hagom nok leu binhyepo bit bon Bilis ris bak tungwatu dihyeisi bu kan bi bibou ari bingwam sribu gom ngwig ug e. Tirigi tto bou dem tu lene dimbou jui nsi dima mikau leu noni mem nijam di jei bi.

NINGAT-HI-NGAT NYA 20:7

Mpe dino ari bingwam sribu gom pima ngwig leu lene malaikati gom kau dimbou ig bui leu Bilis.

NIJAM NIKEI NYA 9:23

Leu api tuhan bindei ba, Abimelekh kin mben Sikhem iba nitok biyam. Apino mben Sikhem ihwen bit noni.

SAMUEL GI NIGOM 16:14

Jei bi lene tuhan Ninnei kes Saul ei leu api tuhan pinak ninnei rom gom di kwei hwen bit noni.

SAMUEL GI NIGOM 18:10

Njap di hyep bu tirigi Saul gwam ei nide ig bikrau micim gom ei nindati rino Allah pinak ninnei rom gom kwei hwen bit noni bibindei ba, mirei bon ba, nintin kiek cem. Mpe dima lene Daud kek nide nggong mbrei bit leu nok niyai kepti.

SAMUEL GI NIGOM 19:9

Mpe di gom bu tirigi Saul gwam ei nide ig bikrau nide micim ei nindati lene Daud cem gwam bit noni bikek nide nggong mbrei. Nok rino ninnei rom di tuhan pinak kwei coi ei Saul ningonti.