NIBOU NDIG NYA GI NIGOM 21:20 - ALLAH NIHYET MEM TUNGWATU NYA

²⁰ Tirigi Ahab ngat Elia di tau kep noni lene noni pai bak “Ditde siceu hatap da tu e?” Lene Elia buhup “Igbit ri! Lewo na di Andigpoi ampig bou kep ade niyai munti di mbuk bibor ei Allah niyai him wer ninno tu.

NIBOU NDIG NYA GI NIGOM 21:20 ပူးပေါင်းရင်းမြစ်များ

SAMUEL GI NICAN 11:27

Nijam ningon ngguk bram nimaisi dima ngwig leu su lene Daud cuk tungwatu nya leu binhyepo yuug brim Batsyeba ninda bibuwak noni kwei ei nibou ndig de igya. Lene Daud wak Batsyeba nok nitnem. Jei bi lene Batsyeba yai nipmot gom bak noni. Noro Allah ningon pus tut Daud niyai munti dima.

NIBOU NDIG NYA GI NIGOM 16:30

Noro noni bon sisar tut tuhan nindig bibor dor njiriek mben Israel ide nibou ndig nitimiei nya yahagom.

NIBOU NDIG NYA GI NIGOM 18:17

Tirigi Ahab tau kep noni lene pai bak “Na di abindei minu Israel hagom kinei bibor akwei su e?”

NIBOU NDIG NYA GI NIGOM 21:25

Tungwatu dihyeisi dini hi mpig bou kep mun di mbuk bibor ei Allah niyai him noyam kin nibou ndig Ahab de niyai munti dimbuk bibor bi sren. Nitnem Izebel dor pip noni bitig dino noni bon mun di mbuk bibor dima hagom.

NIBOU NDIG NYA GI NIGOM 22:8

Lene Ahab buhup “Mikha di Yimla nipmot nonaha. Noro dingon mpo tut noni lewo noni mbot kep mun di mipek kep ei nidipti bu di kei bibor bibuhup dihyet bi sren noro noni mbot kep mun di mipek kep ei nidipti bu di kinei bibor bibuhup dihyet kikau.” Lene Yosafat buhup “Aye! Apai nok gima au!”

NIBOU NDIG NYA GI NICAN 17:17

Iba imunggwom bat nya di idat bindig kep hum ei nimbar hum dokti bikuk yok bak kwar nya cem. Ita ibou ei niyai nisindemti di bindei ba, ikan tut mimun nya tug hon gi yuug ngat yo di nung kui yok di imbrap bit ninnei di kinei nya leu binhyepo ninnei dima yok indo ingon kanti biyok. Ibrim ingkek mem mun nyeng mang bibor di bindei ba, tuhan ningon kei sut yok bi.

NIBOU NDIG NYA GI NICAN 21:2

Manasye bon sisar tut tuhan. Lewo noni yai bram mben di tuhan jji yok leu minu Kanaan ei mpe di po mben Israel icoi ei minu dima igyai kepti di kinei bibor nya.

NIBOHON MBEN ISRAEL GI NICAN 18:17

Leu api Ahab pai bak Yosafat “Dipaisi pima igbit rin bi e? Noni mbot kep tut mun di mipek kep ei nidipti bu di kei hi mem da bi sren! Noro mbot kep tut mun di kinei kikau hak ug!”

NIBOHON MBEN ISRAEL GI NICAN 18:7

Lene Ahab buhup “Nabi gom bu no rinaha. No dima ne Mikha di Yimla nipmot ri. Noro dingon mpo tut noni lewo noni mbot kep tut mun di pek kep ei nidipti bu di kei hi bitut da bi sren noro pai kep gi kinei-kinau ningkom.” Noro Yosafat buhup “Aye! Ma apai nok gima au!”

NIBOHON MBEN ISRAEL GI NICAN 33:6

Noni bui munggwom nide nya bikes bak kwar nya ei Mbang Briep Hinom dem kep nok mun di ibui bindig titut ei nimbar hum dokti ba, brim ningkek mem nung nya igyai kepti nya kin nipui mun tut nibirop hanyenti tug hon ham mpia-bbed him ba, bikan huk mun di ingat bou igyai him bi nya binggok tut ninnei di sibut nya leu binhyepo indo bindo binoni cem. Manasye bindei ba, tuhan gga bibor tug hon nide sisar nindig bibor di noni bibon tut tuhan.

YESAYA 50:1

tuhan pai bak mben Israel “Ditde limwa jen, jikan bipia dikou sut je noyam kin pinai di kou sut nitnem e? Gi nok lene ma jindo srat di bindo tut gi dikou sut ditnem biDa. Jikan bipia ditri je noyam kin no di ba nimunggwom bat nya bibirop ningwam di noni bon bak hiter e? E bi. Jide siceu nya ikat je bibuwak je ug ei jingkiaisi drek dip jide sisar kin jingon di mbuk biborti!

YESAYA 52:3

tuhan pai bak Nide limwa nya “Nipou ne ngkiai nya ikat je bijinok awak mem yok noro iba mitiei bipek je leu jiceu bi. Nok gima cem tirigi dikwek je leu awak midigo gau je bi.

YEREMIA 38:4

Lene nibou dima yok yuug ngat nibou ndig bipai binoni “Suar no dima tug ndei nimai. Nihyet dima bindei ba, tentara Yehuda ingon nddong bu bi ba, ingon cut leu su. Nok gima cem tut ade limwa nindigsi nya di ibong ser minu dini. Noni mpu yok bi noro bindei ba, ingon buhun tut mun di micut igkep yok.”

YEHEZKIEL 14:4

Gima rino ma apai biyok bipia Da di tuhan Di Dinyeng Jei Bibor disok ei na dip bak yoni “Bikwop mben Israel gom-gom dino ikuk yok bak kwar nya di isindui sut di icut ei sisarti leu api ikwei hara nabi mem gima pingok ingonti ne midiba nibuhupti di dem mem kwar di ikuk yok bak di mang-mang dima yok bibuhup biyok!

AMOS 5:10

Je di mben Israel jingon mpo tut yo di ibigen ser nikei nikos tutti di kinei bibor nya kin yo di ipai mun di nijit ei nikei noho bei.

MARKUS 12:12

Gima rino mben Yahudi ide nibou nya ipi bikat Yesus lewo ikan tut bipia nihyet nibiti nindati dima pai singgre yoni. Noro ittin tut tungwatu ningot ndig dima ba, ikes Noni biyuug leu.

ROMA 7:14

Ikan tut bipia Puig Yahudi niggai serti ntun Allah Ninnei him noro dani ne tungwatu dihyeisi dini rin ba, sisar ubon da bidinok awak.

GALATIA 4:16

Tini bu ne jiba nitok bida drek dip gi ditri tut nihyet di nijit bije e?

EFESUS 4:19

Bit bon immai sut igyai kepti di kinei bibor nya kan bi. Noro ibit ingut kanti di kinei nya ba, iba yoho rok sisar di mpiei hagom. Bit bon yoom ingon tut gima kan bi.

NINGAT-HI-NGAT NYA 11:10

Leu api tungwatu dihyeisi dini hagom ingon llei bibor drek dip nabi cin dima imaisi. Yoni mibon pesta bidek midek biyam drek dip nabi cin dima di ibindei ba, tungwatu dihyeisi dini yahagom itug ndei inghuisi wei nindig bibor.