NIBOU NDIG NYA GI NIGOM 21:2 - ALLAH NIHYET MEM TUNGWATU NYA

² Mpe di gom lene Ahab ug pai bak Nabot “Ma akwas ade ba anggur nghousi dima tut da leu binhyepo diyai miai eisi lewo jo dideu ditde ig. Gino ace tut lene midiba ba anggur nghousi hiter di kei bibor kei biluei ade ba anggur nghousi dima. Gi bi lene midiba mitiei di dem bipek leu nani hak ug.”

NIBOU NDIG NYA GI NIGOM 21:2 ပူးပေါင်းရင်းမြစ်များ

NITRITI 16:6

Lene Abram buhup “Nna ba noni ne ade awak rin ba, anyeng tak kep noni. Abon mun igbit angon kanti bitut noni hak ug.” Lene Sarai sibut tut Hagar nindig bibor apino Hagar nang leu.

NITRITI 3:6

Lene no di sop dima ngat lo, biei dima kei lene ningat kei mem gima yem lewo kan bipia gi kei bibor mem noni yai ningon di ki. Gima rino noni puk ningat hi biyem leu api kwas hi tut nijjep cem biyem.

NIBOU NDIG NYA GI NIGOM 21:3

Lene Nabot buhup “Diba dakep ba anggur nghousi dima leu didigup bat-didigai bat nya. Gima rino dipai kin neheng tug hon Allah ninyeng bipia miditri gima hanyen bak na di Andigpoi bi sren!”

NIBOU NDIG NYA GI NIGOM 21:6

Lene Ahab buhup “Dingon sibui sut Nabot. Dipi bidipek nide ba anggur nghousi mem danti. Gi bi lene midiba ba anggur nghousi hiter bu biluei nide ba anggur dima noro noni ce tut dingon kanti dima bi.”

NIBOU NDIG NYA GI NICAN 9:27

Tirigi Ahazia ngat mun di cut igkep Yoram dima lene kui ei nide kroba pranti binang ndam minu ndig Bet-Hagan. Lene Yehu huk bram noni bicuk nide tentara nya “Jiyai nimai binoni cem!” Leu api iprindei noni bikinei ei puig di ug ei Gur dideu minu ndig Yibleam. Noni nang tut nibok kikau ba, ug krau Megido leu api mai ei sirima.

NEHEI LEUSI 20:17

Harin dima jingon pri kep mun di hiter nyeng tut a. Nok nide ig di bongti kin nitnem kin nide awak nya kin nide mindhe-ndhe nya kin nide keledai di noni nyeng tut nya.”

NIBA NINGON SRIP HUKTI 2:5

Dicuk yok ba, igyai miai ba, ita biei hi gom hi gom di ngat ningat bidem ninyeng hagom eisi.

DIUN MIMUN 4:15

Nani ne minyei yaisi ei ditde miaisi di bindei hei minyei di biam kikau di biam kwei leu Libanon ri.”

YEREMIA 22:17

Noro na di Yoyakim ne ayai munti ter. Anggok tut ningat di bukum eisi mem nanti he. Ayai nimai bak yo di ingon ngun nya lene aba ambuk bico kep ade limwa nya cem.

LUKAS 12:15

Leu api Noni binut nihyet bu bipai bak yo di yahagom di ingat rin ei mpia dima “Ma jisok kep jenti ba, jinyohou jingonti ser nhyema jibon sisar ningon pri kep ndigbanti au. Leu mbro nok gino jinyeng tut ndigban nindig bibor lo, jiyaijoti tug hon jide ndigban bi.”

NINDAT KEP TUHAN NICUKTI NYA 11:10

Minu di mijibong niti noyam kin minu Mesir po mpia di jibong niti nipou pima bi. Ei minu Mesir lene jahanggwap mbilen tirigi jibindei biam minyei ug ei miai jide nyati leu binhyepo jibigimahap njita ngan eisi.

NINDAT KEP TUHAN NICUKTI NYA 5:21

Harin dima jingon pri kep mun nyeng hi di jisut nyeng tut a. Nok nide ig di bong niti kin nide dihyei kin nitnem kin awak nide nya kin nide mindhe-ndhe nihyen kep nya kin nide keledai nya cem hagom.’

TIMOTIUS GI NIGOM 6:9

Lewo yo di ibisau sut ninyeng biborti ibiam bon di srou yok. Ba, bon dima ribindei dino iba yoho rok mun di bon ninyeng bi kin mun di binggek yok cem ba, gima hagom ngot kep yok lene bindei timek yok bingwig hak.

SAMUEL GI NIGOM 29:6

Lene Akhis hig Daud kwei bipai bak “Deheng bitug hon tuhan di niyaijo ninyeng bipia nani ne no di ningon gom ri. Gima rino dijoi sut gima aya kui da ba, sikon pran dini. Lewo dingat atunggweisi hi ei nimbie him tirigi po akwei bong bit da pini jug kikau kwei bipek ammani kep bi. Noro nibou ndig nindigsi nya ijoi sut nani bi.

SAMUEL GI NIGOM 8:14

Noni mipos jide dihyei hanjop nsi kin ba anggur ninghousi kin biei zaitun ninghousi hagom di kei bibor kei leu je leu api mikwas hagom tut nide nibou di igya kui noni.

SAMUEL GI NIGOM 8:6

Noro Samuel joi sut ingon kanti dima bi. Gima rino noni ngat nadi bak tuhan.