NIBOU NDIG NYA GI NIGOM 20:7 - ALLAH NIHYET MEM TUNGWATU NYA

⁷ Lene Nibou Ndig Ahab jem nibou mben Israel yahagom kwei bitri tut nihyet “Jingat bou jiyai him bipia no dini joi sut ba mun di buhun bisrou nyeni. Lewo bidip huk da leu binhyepo dikes ditnem bat-dimunggwom bat nya bitut ditde mas kin perak nya cem hagom binoni ba, digirok nibidip hukti dima bi.”

NIBOU NDIG NYA GI NIGOM 20:7 ပူးပေါင်းရင်းမြစ်များ

NIBOU NDIG NYA GI NIGOM 20:6

Noro tini bu ne noni micuk nide nibou tentara nya kwei ba, inggek ade ig nibou ndig dima kin yo di igya kui na cem ide ig nya bipos jide mun di bon ninyeng ei igyai him nya hagom bimbut tut. Njap di hyep mem mpia nok gini lene yoni mikwei kinyon eisi ug ri.”

NIBOU NDIG NYA GI NIGOM 20:8

Lene nibou nya kin ide limwa nya ibuhup “Na di Anyeng jei e, ma amiap kep noni nihyet ba, acut bak ba, abit ningon kanti dima au.”

NIBOU NDIG NYA GI NIGOM 21:8

Lene noni pas srat meng poi bikes Ahab ninyeng kin nide cap ei srat nibehei leu api pinak bak nibou Yizreel nya kin yo di inyeng jei nya ei minu dima.

NIBOU NDIG NYA GI NIGOM 8:1

Tirigi hagom put tu lene Nibou Ndig Salomo nduk mben Israel ide nibou keret nya kin nibou mbier nya yahagom ba, ikwei ngat noni ei minu ndig Yerusalem leu binhyepo ikon tuhan De Brua Gi Preu leu Sion po Daud De Minu Ndig pima buug sut ug ei tuhan De Ig.

NIBOU NDIG NYA GI NICAN 5:7

Lo bi lene tirigi nibou ndig mben Israel kwop srat bokti dima lene ningon buhun bibor birik nide sinsun nibou ndig leu api simbot dat “Ayo! Nggon rino nibou ndig mben Siria kan bipia disindem mem gima dibindei ba, no dini miyai ningkek ngun eisi hanyen i? Noni kan bipia dani ne Allah rin ba, dibindei ba, tungwatu nya igyai niyaijo kin nimai e? Jo nibreisi bipia noni ba srat dini biwaisi da!”

NIBOHON MBEN ISRAEL GI NIGOM 13:1

Nibou Ndig Daud mbrap bit nide nibou tentara di ibie tut nimpung tentara ibou sribu gom nya kin nimpung sratus gom nya yahagom.

NIBOHON MBEN ISRAEL GI NIGOM 28:1

Daud nduk nibou nya yahagom kwei leu api idem yam ei minu ndig Yerusalem. Gima ne nibou keret nya kin nibou di inyohou Daud ninyeng tak kepti nimbutti nya kin nibou di inyeng tak kep insi de nya kin nibou di inyohou ndigban kin mindhe-ndhe nimuhup tu di nibou ndig de nya bitut imunggwom bat nya cem. Ipai ninda ndigsi tut bipia andigpoi nya di igyai midyai ei nibou ndig de ig kin nibou tentara nya kin yo di inyeng jei nya yahagom ba, idem yam ei minu ndig Yerusalem.

AYUB 15:35

Gima ne yo di igyok ingon gom mem gima ibon mun di kinei kin yo di ibindei mbut ide ningon kanti di suwok ri. Ba, ingonti mpung tut gi iris mun igkei bijo ninno bijo kikau.”

MAZMUR 140:2

tuhan e, ateu da leu yo di isibut inda nsi ba, aya ser da leu yo di iba isibut biyai midyai nya inda nsi.

MAZMUR 36:4

Nihyet di simbot kep nya kinei bibor bimpung tut niris munti cem. Leu ba, nibon mun di keisi nya gibon ninyeng mem noni bi.

MAZMUR 62:3

Nongkom he rino nyohou da biteu da bidingwes ngun. Noni ne tentara nibousi di diya coi ri. Gima rino midicut bi sren.

NIPINGOK NINGONTI 11:14

Gino mben hi ibon nibou di bie tut yok bi ne isar drek dip. Gino nipingok kep ningonti cig nya imang yo rinaha ne limwa nya ibong kei igwam kei.

NIPINGOK NINGONTI 11:27

Tungwatu nya mingon kei sut no di ta nibou ei niyai munti di kei nya. Noro mun di buhun bibor micut igkep no di tindei ser nituti mem niyai munti di kinei.

NIPINGOK NINGONTI 24:2

Lewo ihig yam tut bigyok ingon gom mem ibindei ba, mun di kinei cut igkep tungwatu nya.

NIPINGOK NINGONTI 6:14

ibou ngwakti di mpiei mpung tut nitin ei ningon kanti di kinei di bindei ba, niba nitok biyamti jo bidem ug.

DANIEL 11:27

Leu api nibou ndig cin dima igwam meja gom bigyem njita bit yam. Noro iba ingon kanti di kinei bibor biris mun ei yamti. Ingon kanti di ikos tut nya cut hacan lewo ngon bou dem bigyo.