NIBOU NDIG NYA GI NIGOM 20:34 - ALLAH NIHYET MEM TUNGWATU NYA

³⁴ Leu api Benhadad pai bak “Midingkwei minu ndig ngot di dicig pos leu na di Andigpoi acig biyati nya hagom hanyen bina di Andigpoi. Midisindui sut ba, na di Andigpoi awin nitri-nipek mun nibousi ei Damsyik mem nitri-nibipek mun cig nya noyam kin gi dicig win ei Samaria pima.” Lene Ahab buhup “Midikes nani ba, angwes ngun drek dip mun di na di Andigpoi apreu ei mem dati dima.” Gima leu lene Ahab kwam minggwen bit noni ser leu api kes noni bimbut.

NIBOU NDIG NYA GI NIGOM 20:34 ပူးပေါင်းရင်းမြစ်များ

NIBOU NDIG NYA GI NIGOM 15:20

Lene Benhadad ce tut nibou ndig minu Yehuda ningon kanti dima. Leu api cuk nide nibou tentara nya bigya tut ide tentara nya bihwen mben Israel ide minu ndig nya. Lene ibindei timek minu ndig Iyon kin Dan kin Abel-Bet-Maakha kin Kinerot di jo dideu Igpong Galilea bitut hanjop keret Naftali titut yam cem.

NIBOU NDIG NYA GI NIGOM 20:33

Ningat ne nibou tentara di Benhadad de dima yok ibet ingon mem Ahab nibuhupti di nok bindo di kei. Tirigi Ahab hig Benhadad tereu nok nikinjoi lene ibuhup “Igbit, Benhadad ne Na di Anyeng Jei akinjoi ri!” Leu api Ahab cuk yok “Jibuwak noni kwei.” Tirigi Benhadad kwei krau lene Ahab cigit bikui ug ei kroba pranti.

NIBOU NDIG NYA GI NIGOM 20:42

Leu api nabi pai bak nibou ndig “tuhan pai bipia ‘No dicuk na bipia suar ayai nimai bak pima ne asindui sut ba, ningwes ngun tu. Gima rino suar aya luei nohoti ba, atug ndei nimai drek dip. Ade tentara nya yahagom misar bingwig drek dip gino isindui sut di ide siceu nya inang di ingwes ngun hak ug a.’ ”

NIBOU NDIG NYA GI NIGOM 22:31

Lo bi lene nibou ndig mben Siria pingok ei nide nibou tentara ibou ningot ningai ba, can di ikui ide kroba pran kan nya ingonti leu binhyepo ihwen hiter bi noro ma igyai nimai bak nibou ndig mben Israel nongkom he.

NIBOHON MBEN ISRAEL GI NICAN 16:4

Benhadad ce tut Asa nihyet nghwak him dima bicuk nide nibou tentara nya ba, injei sut ide nimpung tentara nya bigya kep minu ndig ngot ei minu Israel bikon pran bit yok. Ibindei timek minu ndig Iyon kin Dan kin Abel-Bet-Maakha di keret Naftali de minu ndig di nju kep ndigban eisi nya hagom.

NIBOHON MBEN ISRAEL GI NICAN 18:30

Lo bi lene nibou ndig mben Siria pingok nide nibou tentara ibou ningot ningai ba, can di iba kroba bikon pran nya ingonti leu binhyepo icut igkep hiter bi noro nibou ndig mben Israel nongkom he.

YESAYA 26:10

Mbro nok gino nibibon yo di isibut nok gi igbit lo, ingon dorti tut igyai munti di igbit nya bi. tuhan e, Ade nikos tutti di sren-srau mbut sindem ei minu dini noro yo dima ibon mun di kinei ba, ibikou sut Ade nisindemti.

YESAYA 8:12

“Ma aba na kum yo di yuhum yam nsi ba, attin tut mun di yoni ittin tut au.

NINDAT KEP TUHAN NICUKTI NYA 7:2

Tirigi tuhan di nok jide Allah kes mben dini yok hagom ei jindati lene ma jihwen yahagom ba, imai bingwig hak ug. Ma jingondut yok ba, jipreu mun hi ei biyok au.

SAMUEL GI NIGOM 11:1

Bed gom bu lene Nahas di nibou ndig mben Amon njei siceu tut nide tentara ug ei minu ndig Yabesh ei hanjop Gilead. Lene igyon ttai minu dima. Leu api pinai di ibong ei Yabesh ipai bak Nahas “Gino akwam minggwen bit nye ser lene minice tut anyeng tak kep nye.”

SAMUEL GI NIGOM 15:8

Lene tentara nya ikat Agag di nok nibou ndig mem Amalek lo, isindui sut ba, niyaijo noro igyai nimai bak nide limwa nya yahagom.

SAMUEL GI NIGOM 15:9

Lene Saul nya isindui sut Agag niyaijo lene igyai nimai bak domba kin sapi nindig kin nehen pap nya di kei bibor kei kin mindhe-ndhe di bon ninyeng cem bi. Noro tut mindhe di muhup di bon ninyeng bi di kinei-kinau nya ne igyai nimai bak hagom bingwig.