NIBOU NDIG NYA GI NIGOM 20:22 - ALLAH NIHYET MEM TUNGWATU NYA

²² Lene Nabi pima kwei ngat Ahab hanyen bu bipai bak “Ma akinyon ei nitin ei ade tentara nyati ba, isindem bibor lene abikos tut puig di mungkun kei nya cem. Lewo nibou ndig mben Siria mikwei hanyen bihwen je bu mem bed di biang hou ningwigsi ei ari bingwam di nidipti bu yo.”

NIBOU NDIG NYA GI NIGOM 20:22 ပူးပေါင်းရင်းမြစ်များ

SAMUEL GI NICAN 11:1

Nibou ndig nya ikinyon ei nikon pranti bit ide siceu nya ngan-ngan ei bed di biang hou ningwigsi. Ari bingwam dima lene Daud cuk Yoab kin yo di igya kui noni kin nide tentara nya yahagom biyuug kon pran bit mben Amon. Tirigi tentara Amon icut bak yoni tu lene Yoab nya yuug ei minu ndig Raba bigyon ttai minu dima. Noro Daud gwam ei minu ndig Yerusalem.

NIBOU NDIG NYA GI NIGOM 19:10

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NIGOM 20:13

Tirigi siceu itin ei mem ihwen Samaria lene nabi gom ug ngat Nibou Ndig Ahab bipai bak “tuhan pai ‘Angat tentara di imang bibor dima e? Njap di ammani midibindei ba, abindei timek yoni yahagom. Mijo nibreisi mem na bipia Dani ne tuhan ri.’ ”

NIBOU NDIG NYA GI NIGOM 20:21

Nibou Ndig Ahab cem kiju bicoi ug ei mpia di ikon pran bit yam eisi dima leu api nggek kroba pran di siceu ide nya biyai nimai bak kuda di ikri kroba pran dima yok cem. Njap dima ne tentara Siria nya icut nindig bibor.

NIBOU NDIG NYA GI NIGOM 20:26

Noni nduk nide tentara nya mem bed di biang hou ningwigsi ei ari bingwam di nidipti bu leu api njei sut yok ug ei minu ndig Afek leu binhyepo ya tut yok bihwen mben Israel.

NIBOU NDIG NYA GI NIGOM 20:38

Gima leu lene nabi pima ba minghas gom binggai kep niimaisi ser leu binhyepo hi ngat igbit noni bi leu api ug biya hak ei puig nghas ser nibou ndig mben Israel di jei bi mbut kak puig binjiriek noni.

NIBOU NDIG NYA GI NIGOM 22:8

Lene Ahab buhup “Mikha di Yimla nipmot nonaha. Noro dingon mpo tut noni lewo noni mbot kep mun di mipek kep ei nidipti bu di kei bibor bibuhup dihyet bi sren noro noni mbot kep mun di mipek kep ei nidipti bu di kinei bibor bibuhup dihyet kikau.” Lene Yosafat buhup “Aye! Apai nok gima au!”

NIBOU NDIG NYA GI NICAN 6:12

Lene nibou pran gom buhup “Andigpoi e, nyeni ne bi. Noro Nabi Elisa kan bidem tut mun di tibim ei ahui him tirigi agwam binangkom ei ade nghim nsi leu api noni tri tut hagom hanyen bak nibou ndig mben Israel.”

NIBOHON MBEN ISRAEL GI NIGOM 20:1

Nijam gi gwam nijam hou gi nidipti bu tirigi nibou ndig nya injei siceu bikon kep pran bit ide nitok joti nya lene Yoab njei sut nide tentara nya ba, coi hanjop Amon bihwen yok leu api igyai minu ndig Amon bigyati. Mpe dima lene Nibou Ndig Daud gwam kikau ei minu ndig Yerusalem leu ba, bit Yoab nya bi. Yoab ya tut nide tentara nya ba, igyon siceu ttai minu ndig Raba. Leu api Yoab de tentara nya ihwen timiei nya bibindei ba, minu ndig dima timek hak cem.

NIBOHON MBEN ISRAEL GI NICAN 25:11

Lene Amazia brim ningkek tut nide tentara nya ba, yuug ei Mbang Briep Nsim. Ikon pran bit yam ei sirima ba, igyai nimai bak mben Edom ide tentara ibou sribu simnai.

NIBOHON MBEN ISRAEL GI NICAN 25:8

Mbro nok gino mimbri kui Na Di Andigpoi ade tentara nya di isindem lo, gino aba tentara Israel cem bikon pran lene Allah misundui sut ade siceu nya bibindei timek na. Lewo Allah Nongkom ngat he rino sindem mem gima bindei ba, joom kep jide siceu nya lene bindei ba, jicut bak siceu nya cem.”

MAZMUR 27:14

Ma ayok ngon mem tuhan ba, akum ei ade niba ningon comti. Ma angon cut leu au. Ma aba angon com tuhan!

NIPINGOK NINGONTI 18:10

tuhan dem kep nok ig di bon ninggre di jo-jo yam dip di inang coi. Yo di ingon sren nya igwam coi ig dima bingwes ngun leu ide siceu nya indati.

NIPINGOK NINGONTI 20:18

Tirigi akos tut ndiyok ne ma asindui sut ba, hiter ipingok angonti tut. Gino akos dat angon kanti bidem kei mem gima anjei siceu bigyo ne ma akon pran au.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 42:8

Dangkom he rino jide tuhan. Midikwas Ditde nikei-kau-keisi ndrim hi tut kwar di tungwatu nya ikuk yok bak bi sren. Midisindui sut ba, tungwatu nya inggei sut Dangkom he. Ma inggei sut kwar nya au.

YESAYA 8:9

Je di ngkiai nya e, ma jiba jingon di digit nduk yam ei gom! Je di jibong dihyei nohon keti nya e, ma jimiap kep dihyet! Ma jiba jingon di digit binjei siceu. Igbit ri! Ma jiba jinghuisi di mpig bibor binjei siceu.

EFESUS 6:10

Dirop ninda ndigsi nok gini. Ma jisindui sut Tuhan ba Nide nisindemti di nindig bibor bibikum ei jide nisindemti lewo jinok gom kin Noni.