NIBOU NDIG NYA GI NIGOM 20:21 - ALLAH NIHYET MEM TUNGWATU NYA

²¹ Nibou Ndig Ahab cem kiju bicoi ug ei mpia di ikon pran bit yam eisi dima leu api nggek kroba pran di siceu ide nya biyai nimai bak kuda di ikri kroba pran dima yok cem. Njap dima ne tentara Siria nya icut nindig bibor.

NIBOU NDIG NYA GI NIGOM 20:21 ပူးပေါင်းရင်းမြစ်များ

NIBOU NDIG NYA GI NIGOM 20:20

Bikwop tungwagom-gom yai nimai bak siceu di iba yoho rok yam nya. Apino tentara Siria nya inang leu yoho bei leu api tentara Israel yuhuk bram yok. Noro Benhadad kui ei nide kuda dip binang ba, ningwes ngun ug bitut nide tentara di ikui kuda kan ibou poi di injei bit noni.

NIBOU NDIG NYA GI NIGOM 20:22

Lene Nabi pima kwei ngat Ahab hanyen bu bipai bak “Ma akinyon ei nitin ei ade tentara nyati ba, isindem bibor lene abikos tut puig di mungkun kei nya cem. Lewo nibou ndig mben Siria mikwei hanyen bihwen je bu mem bed di biang hou ningwigsi ei ari bingwam di nidipti bu yo.”

NIBOU NDIG NYA GI NICAN 3:18

Pai nok leu api noni binut nihyet bu “Noro mem tuhan ne niyai munti dima nggruk bi. Noni misindem tut je leu binhyepo jibindei timek tentara Moab nya cem.

NIBOU NDIG NYA GI NICAN 3:24

Noro tirigi tentara Moab ikwei krau prak meng yati dima rino tentara Israel ikiju bihwen yok bibindei ba, isu jou leu yok lene tentara Israel igyon igkep yok kikau ba, ibiyai nimai biyok.

YOSUA 10:20

Lene Yosua ya tut tentara Israel ba, igyai nimai bak mben Amori dima. Noro ide tentara nya poi inang bicoi ug ei ide minu ndig ba, ingwes ngun apino bit bon Yosua nya igyai nimai bak siceu nya yahagom kan bi.

NIJAM NIKEI NYA 11:33

Yefta hwen yok ba, imai ningwig ei Aroer kikau bipek kin hanjop di jo ttai Minit ba, bitut minu ndig ningat nyatungwagom kikau bipek kin Abel-Keramin. Tentara Israel ibindei timek mben Amon bigyai nimai bak imang bibor.

NIJAM NIKEI NYA 3:28

Lene noni pai biyok “Jibit da, tuhan bindei timek jide siceu di mben Moab ei joho bei tu.” Leu api ibit Ehud di nok nibou di bie tut mben Israel ba, ijuk leu nungug him. Lene igyai mpia di mben Moab isigon Minyei Yordan kikep eisi ba, yuug dihip ei nite dini kwei bigyati. Lene igisindui sut siceu dima yok ba, tungwagom ngat cem sigon minyei buug dihip ei nite hi binang biningwes ngun bi.

SAMUEL GI NIGOM 17:52

Lene tentara Israel kin Yehuda imbos-hi-mbos ba, yuhuk bram yok njiriek minu ndig Gat kikau ug ei dimbou hui ei minu ndig Ekron. Itot tentara Filistin imang bibor bibindei ba, itug ndei ibok buhun bibor leu api yo di ibok itti ug ei dihyeisi kak puig dima kikau ug ei Saaraim.

SAMUEL GI NIGOM 19:8

Mpe dima lene tentara Filistin ikon pran bit mben Israel hanyen bu. Noro Daud nya ihwen yok bibindei cut yok bibor apino yahagom inang ningwig a.