NIBOU NDIG NYA GI NIGOM 20:15 - ALLAH NIHYET MEM TUNGWATU NYA

¹⁵ Leu api nibou ndig nduk nimpung tentara pilei nya di injei bit nibou hanjop nya ba, idem yam. Yahagom sok yam dem ibou sratus can ningot ningai ba, can. Lene noni nduk tentara Israel cem ba, idem yam lene imangti ibou sribu muhwindacan.

NIBOU NDIG NYA GI NIGOM 20:15 ပူးပေါင်းရင်းမြစ်များ

NIBOU NDIG NYA GI NIGOM 19:18

Noro midinyohou mben Israel ibou sribu muhwindacan bingwes ngun lewo ingon gom tut Da lene ikuk yok bak Baal bi ba, imei nide kwar cem bi sren.”

NIBOU NDIG NYA GI NIGOM 20:14

Lene Ahab hig ser noni “Tou rima bie tut yok mem gima ihwen yok nipou ngig-ngat i?” Lene Nabi dima buhup “tuhan pai bipia tentara pilei nya di injei bit nibou hanjop nya ibie ba, ikinyon ei nikon pranti.” Lene Nibou Ndig hig ser bu “Tou ngat rima nok nibou pran di minjei sut yok mem gima ihwen siceu nya i?” Lene nabi dima buhup “Na di Anyeng Jei nanti rima anjei sut yok a.”

NIBOU NDIG NYA GI NIGOM 20:16

Ikinyon ei nihwen siceu nyati mem mpia huk pijum tirigi Benhadad ya tut nibou ndig ibou ningot ningai ba, can di ibicom yam bit noni ingat rin ei ide prak meng yati bidut-dut nyen mun di pu yok.

NIBOU NDIG NYA GI NICAN 13:7

Mben Siria ide Nibou Ndig hwen tentara Israel yahagom bingwig su. Nibou Ndig Yoahas de tentara di iba kuda bikon pran kan nya ibou ningot muhwi kin kroba pran simnai kin tentara nitu nya ibou sribu simnai he rino igyaijo a.

NIBOHON MBEN ISRAEL GI NICAN 14:11

Leu api Asa ngat nadi bak nide tuhan Allah bipai “tuhan e, Nangkom ngat he rino ampu kep tentara di isindem bi nya ba, ibindei timek tentara di isindem bibor. Nyende tuhan Allah e, ma ampu nye nogindini! Nyeni niba ningon com Nani ba, ninjei kwei tug hon anyeng mem gima nikon pran bit nimpung tentara di nindig bibor dini. tuhan e, Nani ne nyende Allah ri. Jo nibreisi bipia bit bon tungwatu nya ibindei timek Nani kan bi.”

MAZMUR 33:16

Nibou ndig bindei timek nide siceu nya bingwig tug hon nide tentara ide nisindemti bi. Bit bon nikon kep pran cig hwen nide siceu tug hon nide nisindemti cem bi.

NIJAM NIKEI NYA 7:16

Lene noni kwas nide limwa nya ei nimpung ningai leu api yai pun mbrei gom kin dibijig gom kin hyem njeng gom bibikwop yahagom lo, iku hyem di njeng ei ide dibijigti.

NIJAM NIKEI NYA 7:7

Lene tuhan pai bak Gideon “Miditeu je di mben Israel bijingwes ngun tirigi dibindei ba, mben Midian micut bak ibou sratus ningai di ipiei minyei he pima. Ma akes nindigsi nya yahagom ba, ingkwei hanyen ug ei ide minu.”

SAMUEL GI NIGOM 14:2

Mpe dima lene Saul hok nide prak meng yati ei biei delima nghousi ei Migron di jo dideu Gibea. Nide tentara di igya kui noni imangti ibou sratus muhwindagom he.

SAMUEL GI NIGOM 14:6

Lene Yonatan pai bak pinai pilei pima “Akwei ba, suug ei mben Filistin ide prak meng yati. Yoni ikuk yok bak Allah bi. Mpaba tuhan mimpu sa lewo Noni sindem mem gima bindei ba, side siceu nya micut tug hon tentara di imang bibor kin tentara di ibou poi he cem.”