NIBOU NDIG NYA GI NIGOM 2:6 - ALLAH NIHYET MEM TUNGWATU NYA

⁶ Dipmot na e, ma abuhup binoni bit leu angon kanti lene ma asindui sut noni bimai he ei niwer andig-ndausi au.

NIBOU NDIG NYA GI NIGOM 2:6 ပူးပေါင်းရင်းမြစ်များ

NITRITI 42:38

Noro Yakub srep bipai “Midice tut Benyamin bit je bi sren. Nikindig mai leu noni tu ba, nimig gom he. Mpaba mun di buhun micut igkep noni kak puig sinon e? Dikoi bibor tu. Gino jibindei ba, dingon ngguk bibor bu lene midimai hak drek dip.”

NITRITI 9:5

Bikwop tungwatu kin mindhe di hwen tungwatu bimai lene midikes hukum nimai ei dip.

NITRITI 9:6

Lewo dipai tes tungwatu nya itta noyam kin Danti ditta. Gima rino tungwa tou rino hwen mun lene no dima mitug ndei nimai leu tungwatu nya drek dip.

SAMUEL GI NICAN 3:39

Mbro nok gino dani ne nibou ndig di Allah dimig ei su rin lo, nogindini dinghuisi jet. Zeruya nipmot bat dima yok iten-pos bibor. Bit bon doom kep yok kan bi. Nnaba tuhan bindei ba, yo di yaham imbuk kep nibou ndig dima ibiang igyai munti dima nibuhunti hak ug!”

NIBOU NDIG NYA GI NIGOM 2:7

Noro ma asingat tut Barzilai leu Gilead nipmot bat nya ba, anyohou yok lewo ingondut da tirigi dinang leu akindig Absalom pima.

NIBOU NDIG NYA GI NIGOM 2:9

Noro dicuk na bipia ma no dima ningwes ngun leu hukum au. Dikan tut bipia angon ki. Mbro nok gino noni wer andig-ndau su lo, suar abindei ba, noni cem tug ndei hukum nimai.”

NIBOU NDIG NYA GI NIGOM 3:12

Gima rino midibuhup ade nahara Dati. Midibindei ba, angon ki ba, antin kimbo dor njiriek tungwatu nya di igyaijo ei nijam di nipou kin nijam di nidipti bu cem.

NIBOU NDIG NYA GI NICAN 22:20

Gima rino midibet hukum di micut ei minu ndig Yerusalem dip dima ei bibou ayaijo ngwig hon ug e leu binhyepo abong kei agwam kei kikau ug bipek ayaijo ningwig honti.’ ” Lene yo dima ingkwei sut nimbot kepti dima bipai sut bak nibou ndig Yosia.

MAZMUR 37:37

Ma jitou kep no di ningon singat kin no di ningon sren. No di ningon jo nyahan bon nide nintun him yamti di bram yam nya imang bibor.

NIPINGOK NINGONTI 20:26

Nibou ndig di ningon ki ngat igbit yo di isibut bibor nya leu api kes hukum ei yok dip. Noni kos ser ide nisibutti nya bi.

NIPINGOK NINGONTI 28:17

No di ningon mui di ningon huk niti tut nihwen munti mporo nang kikau ba, ug bipek niyaijo ningwig honti bicoi jui kep. Ba, hi di bigen ser ninangti dima kan bi.

NIBA NINGON SRIP HUKTI 8:11

Nggon rino krop kei mem tungwatu ibon mun di kinei i? Lewo ikan tut bipia nikei mikes hukum ei yok dip haninyai drek dip bi.

YESAYA 48:22

Ningwes ngunti hi jo mem yo di ibon mun di kinei nya bi. Gima ne tuhan de nisimbot datti ri.”

YESAYA 57:21

Bit bon yo di ibon sisar nya mibong nyahan kan bi. Da di tuhan disimbot dat tu.”

YESAYA 65:20

Munggwom ngwoi nya mimai ujau bu bi ba, andigpoi nya ide njap ug ei ari bingwam mang bibor. Tungwatu nya mipai sut yo di ide njap ug ei ari bingwam sratus gom bipia inok pilei he yo. Ba, ikan bipia yo di imai urung nya ne yo di imai drek dip hukum di dikes ei yok dip ri.

MBEN ISRAEL IMBUT-MBUT NYEN 35:33

Gino jisindui sut noni nok gima lene jibindei ba, map kui dihyei di jibong niti. Nihwen nimbiam ninggrom bindei ba, map kui minuti. Ba, puig hiter mem gima jibon midut di bindei kwes dihyei dima ningat rin bi noro tug hon gi jikus no di hwen nimbiam dima ninnei leu he.