NIBOU NDIG NYA GI NIGOM 2:4 - ALLAH NIHYET MEM TUNGWATU NYA

⁴ Gino abit tuhan nihyet lene Noni miyai hagom bit leu nok Noni preu ei mem da tut ditde nintun him yamti di bram yam nya. Gino iba ingon gom bibit tuhan nihyet lene inyeng mitak kep mben Israel bram yam kikau.

NIBOU NDIG NYA GI NIGOM 2:4 ပူးပေါင်းရင်းမြစ်များ

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

NIBOU NDIG NYA GI NIGOM 8:25

tuhan e, nogindini handei kon ba, abindei ba, Ade nipreu eisi hiter pima cem midem igbit angon kanti. Lewo apreu ei mem Daud bipia gino nide nintun him yamti di bram yam nya minyohou bit ahyet hagom noyam kin gi po noni bit ahyet pima lene yoni migya luei Daud nohoti bram yam bijo ninno bijo kikau.

SAMUEL GI NICAN 7:25

Nogindini nahara Na di tuhan Allah leu binhyepo abindei ba, mun po apreu ei mem da kin ditde nintun him di bram yamti pima mijo ninno mijo kikau. Ma ayai hagom bit leu nok apreu ei mem nyeni tu.

MATIUS 22:37

Yesus buhup “Suar aba angonti titut yam kin anei titut yam kin angon kanti titut yam bingon ngakei ade Tuhan Allah.

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

ZAKHARIA 14:2

tuhan minduk mben nya yahagom bibicom yam ba, mikwei mem gima injei bihwen minu ndig Yerusalem. Igyai minu ndig dima bigyati lene icoi bidem ig hagom bipos ndigban di joti nya. Mben dima yok ipos sop nya bikat timiei minu ndig Yerusalem nite hi bicom yok ug ei ingkiaisi. Noro igikat tungwatu nindigsi di ibong ei minu ndig Yerusalem bi.

MAZMUR 37:22

Yo di tuhan bindei ba, ingon nggei-hi-nggei micoi ug ei minu di Noni preu ei mem yok. Noro Noni mibindei ba, yo di itug ndei Nide nisigionti mitug midut.

MAZMUR 37:9

tuhan mibindei ba, yo di isibut nya mitug midut noro yo di iba ingon com Noni mibong kei migwam kei ei idihyei di Noni yai biyok.

NIBOHON MBEN ISRAEL GI NICAN 17:3

tuhan njei mun di kei bak Yosafat. Lewo co igbit nicig nicoti hak ug. Lene gikuk no bak kwar Baal bi.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOU NDIG NYA GI NICAN 23:25

Nibou Ndig Yosia ba ningon titut bibit nikos tutti ei Srat Musati tug hon gi ba nide niyai munti nya kin nisindemti bikuk no bak tuhan nok gi kei bibor dor njiriek nibou ndig mben Israel di nipou nya kin gi igya abia kep noni cem yahagom.

NIBOU NDIG NYA GI NICAN 23:3

Tirigi noni ya kui dihim gom di ipigig sut ei mem nibou ndig bipreu ei mem tuhan bipia miba ningon titut kin ninnei titut bibit tuhan nihyet kin nicuk Nide limwa nyati hagom. Lene preu ei bipia noni miyai kep midyai po nidigup bat-nidigai bat nya ipreu sut ei nipou su pima bit leu nok gi ipas ei srat niggai serti dima. Lene nide limwa nya cem ipreu sut ei mem tuhan bipia yoni mibit Nide gi preu ei mem yoti.

NIBOU NDIG NYA GI NIGOM 9:5

midiyai hagom bit leu nok gi dipreu ei mem acig Daud pima. Nide nintun him yamti di bram yam nya mporo inyeng mitak kep mben Israel bram yam bijo ninno bijo kikau.

NIBOU NDIG NYA GI NIGOM 8:23

lene ngat nadi bipai “tuhan di nok mben Israel ide Allah e, hi nok Nani ningat rin ei gwamti kin dihyeisi dini bi! Tirigi ade limwa nya ingon gom tut Nani ba, iba ingon di gom bibit ahyet lene ayai mun bit leu nok apreu ei mem yokti hagom ba, angon ngakei yok cem.

NIBOU NDIG NYA GI NIGOM 3:14

Gino abit dihyet kin Ditde niggai serti nya bit leu nok acig Daud niyai kepti pima lene midibindei ba, ayaijo jei bibor cem.”

NIBOU NDIG NYA GI NIGOM 3:3

Mbro nok gino Salomo ningon ngakei tuhan bibit nicuk noti nya hagom lo, noni cem bui mindhe-ndhe mang bibor bibon midut ei nimbar hum dokti bidem mpia ttou nsi dima.

NINDAT KEP TUHAN NICUKTI NYA 11:13

Gima rino ma jibit nicukti nya di ditri tut bijeni njap di ammani. Ma jingon ngakei jide tuhan Allah lene ma jiba jingon titut kin jinnei titut bikuk je bak Noni.

NINDAT KEP TUHAN NICUKTI NYA 10:12

“Je di mben Israel e, nogindini ma jingig jitingou mem mun di tuhan di nok jide Allah joi sut leu je. Ma jiba jibou coi mem Noni ba, jibit nicuk jeti nya ba, jingon ngakei Noni ba, jiba jingon titut biyai kep Nide midyai nya cem.

NINDAT KEP TUHAN NICUKTI NYA 7:12

“Gino jiyok ngon kep nicukti dini yok ba, jiba jingon di gom bibit hagom lene tuhan di nok jide Allah miyok ngon kep mun di Noni preu ei mem je ba, ningon ngakei je bijo kikau buug hon nohonti bi bit leu nok gi po Noni preu ei mem jidigup bat-jidigai bat nya.

NINDAT KEP TUHAN NICUKTI NYA 6:5

Ma jiba jingonti titut kin jinnei titut kin jide nisindemti titut bingon ngakei tuhan di nok jide Allah.

IMAM NYA IDE MIDYAI 26:3

Gino jiyaijo bit leu nok dikos tutti nya ba, jibit dicuk jeti nya,

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

YUDAS 1:24

Ma nyeni yahagom inggei sut Allah di sindem mem gima nyohou je leu binhyepo jicut bi ba, sindem mem gima buwak je bitut jingon di llei lo, mun di kinei hi rap je bi kikau ug ei Nonti Noho bei.

NIBOHON MBEN ISRAEL GI NICAN 6:16

Apreu ei mem dicig Daud tu bipia gino nide nintun him yamti di bram yam nya ibit Ade nicuk yokti mungkun kei noyam kin Daud lene yo di intun noni him mikui bigwam nok nibou ndig bigya luei nohoti sindam ba, inyeng mitak kep mben Israel bijo ninno bijo kikau. tuhan Allah mben Israel e, nogindini handei kon ba, ayai igbit Ade nipreu ei mem dicig Daud di nok Ade awak pima hagom hak ug.

NIBOHON MBEN ISRAEL GI NICAN 7:18

lene midibindei bipek kep mun di dipreu ei mem acig Daud tu. Mun nyeng dima ne tungwagom leu nide nintun him yamti di bram yam nya ikieti mikui bigwam nok nibou ndig mem mben Israel sindam bijo ninno bijo kikau.

MAZMUR 39:1

Doia Daud mem Yedutun di bie tut doia nimpung.

MAZMUR 119:9

Gino pilei nya idimig ide niyaijoti ba, ibibit Ade nicukti nya lene dem mem gima yoni igya ser ide niyaijoti bikwes.

YEREMIA 33:17

Da di tuhan dipreu ei bipia tungwagom di ntun Daud him mikui nok nibou ndig mem minu Israel bikwop nok bijo kikau.

NIBOU NDIG NYA GI NIGOM 1:48

bipai “Jikwei ba, inggei sut mben Israel ide tuhan Allah lewo Noni ta no di ntun dani him biya luei dohoti nok nibou ndig di nijep ei njap di ammani tirigi dimai bigyo tu.

NIBOU NDIG NYA GI NIGOM 6:12

“Gino abit Ditde nikos tutti nya kin dicuk nati nya hagom lene midibibon na bit leu nok dipreu ei mem acig Daudti.

NIBOU NDIG NYA GI NIGOM 11:36

Noro midisindui sut ba, Salomo nipmot ninyeng mitak kep keret gom ngat leu binhyepo Ditde awak di Daud de nintun him yamti di bram yam nya gom minok nibou ndig mem Da ei minu ndig Yerusalem. Lewo didimig minu ndig dima nok gumihyep gom ngat mem tungwatu nya ikuk yok biDa eisi.