NIBOU NDIG NYA GI NIGOM 2:15 - ALLAH NIHYET MEM TUNGWATU NYA

¹⁵ Lene Adonia buhup “Amei e, akan tut bipia ningat ne suar dani rima diya luei dicig nohoti nok nibou ndig. Ba, mben Israel yahagom ingon ya mem gima nipou su. Noro mun dima gipek kep mem da nok gima bi ba, dikinjoi ya luei dicig nohoti binok nibou ndig bit leu tuhan ningon kanti mem noni.

NIBOU NDIG NYA GI NIGOM 2:15 ပူးပေါင်းရင်းမြစ်များ

SAMUEL GI NICAN 12:24

Lene Daud gwam ser Batsyeba ningon. Yoni igyem njita tut yam leu api noni srek tut nipmot lene Daud jem ninyeng Salomo. tuhan ningon ngakei Salomo.

SAMUEL GI NICAN 15:13

Lene tungwagom kwei pai nibimbiti tut Absalom bak Daud bipia mben Israel itti kin Absalom tu.

SAMUEL GI NICAN 15:6

Lene Absalom yai igbit niyai kepti dima tut bikwop mben Israel di ikwei mbrap bit nibou ndig tut ide munhyet yahagom. Tug hon nisinati dima lene noni bindei ba, yahagom itti kin noni.

SAMUEL GI NICAN 16:18

Lene Husai buhup “Andigpoi e, gi mbun ditti kin noni bi. Suar ditti kin nibou ndig di tuhan kin ade limwa dini yok kin mben Israel yahagom ita ei su. Gima rino midiya kui na di Andigpoi.

SAMUEL GI NICAN 3:3

Kileab di nipmem rino Abigail leu Karmel di nijjep Nabal mai leu pima. Absalom di nipmem rino Maakha di Nibou Ndig Talmai leu Gesur nipmisop.

SAMUEL GI NICAN 3:4

Adonia di nipmem rino Hagit. Sefaca di nipmem rino Abital.

SAMUEL GI NICAN 7:12

Mpe dino ayaijo ngwig hon tu leu api tungwatu mitig angut ei jui nsi simiak adigup bat-adigai bat nya ingut lene midita apmot gom nok nibou ndig biya luei ahoti bu leu api midibindei ba, ninyeng tak kepti mbut sindem bibor.

NIBOU NDIG NYA GI NIGOM 1:25

Njap di ammani noni ug bon midut bibui sapi nikre kin domba nya kin sapi pmot di nehen pap mang bibor bindig kep hum tu. Noni nduk apmot bat nindigsi nya kin Yoab di nibou pran kin Imam Abyatar yahagom bibon midut bit noni. Nogindini yahagom igyem pesta ba, igyai nillei lene imbos-hi-mbos cem bitri tut ‘Adonia e, ma ayaijo ninno!’

NIBOU NDIG NYA GI NIGOM 1:38

Lene Zadok kin Natan kin Benaya kin tentara di igya ser nibou ndig yuug sin Salomoti ba, ikes noni bigwam ei Nibou Ndig Daud de mindhe bagal dip leu api ibuwak noni ug ei minyei bousi Gihon.

NIBOU NDIG NYA GI NIGOM 1:39

Zadok hit ampou tut mini zaitun di noni yai kwei leu tuhan De Prak Meng bisiber ei Salomo nibou nggram him. Lene imiep pun leu api tungwatu nya yahagom imbos-hi-mbos bipai “Na di Nibou Ndig Salomo e, ma ayaijo ninno!”

NIBOU NDIG NYA GI NIGOM 1:5

Lene Adonia di nipmem ninyeng Hagit bungwam mem gima ndo nonti nok nibou ndig biya luei nicig Daud nohoti. Gima rino noni tin ei nide kroba pran kin kuda nya kin tentara di igya kui noni ibou ningot muhwi.

NIBOU NDIG NYA GI NIGOM 2:14

bikum eisi bipai bak “Dahara Amei tut mun nyeng gom.” Batsyeba hig ser noni “Ahara da tut mindei ngan i?”

NIBOU NDIG NYA GI NIGOM 2:16

Amei e, ma arok da tut dingon kanti gom dini au.”

NIBOU NDIG NYA GI NIGOM 2:22

Lene Salomo hig ser noni “Amei e, nggon rino ahara da tut mun dima i? Ahara da leu binhyepo dikes dinyeng nibou ndig bitut banggo mbrei dini cem bak Adonia e? Jo nibreisi bipia noni ne dikindig rin ba, Imam Abyatar kin Yoab itti kin noni.”

NIPINGOK NINGONTI 21:30

Tungwatu nya ide ningon tekti kin ide nintin kimboti kin ide ningon kiti jo binghig ei tuhan Noho bei bi sren.

DANIEL 2:22

Nongkom mbot kep mimun di jut bibor bikan tut mun di jo ei nidinditi hagom. Nipigati di sieng-siau kei nggai Noni.