NIBOU NDIG NYA GI NIGOM 19:5 - ALLAH NIHYET MEM TUNGWATU NYA

⁵ Lene noni bong nyahan ei biei dima nitriti bibong mai hak. Lene malaikati gom kwei ngget biwin noni kros bipai bak “Elia e, akiju ba, ayem njita.”

NIBOU NDIG NYA GI NIGOM 19:5 ပူးပေါင်းရင်းမြစ်များ

NIBOU NDIG NYA GI NIGOM 19:4

leu api mbut nimig kikau mem njap nitindur gom ug ei iggum ndigsi. Noni kuk no bigwam ei biei ndig behei gom leu api joi sut um nimai hak ug ba, ngat nadi bipai “tuhan e, cobi! Ayai dinnei leu da hak ug lewo diyai munti nya kei bibor dor njiriek didigup bat-didigai bat nya igyai munti nya bi.”

NIBOU NDIG NYA GI NIGOM 19:6

Noni da niyai bingat lo, roti nindak gom kin minyei ampou gom jo dideu nibousi. Gima rino noni yem njita bidut minyei leu api kuk no bibong mai hanyen bu.

MAZMUR 34:10

Je di tuhan de limwa nya e, jikuk je biNoni lewo yo di ibit nihyet ima mun di isuar nya hagom.

MAZMUR 34:7

Yo di isindem bi nya ingat nadi bak tuhan leu api Noni buhup ighyet biteu yok leu mun di buhun tak yok hagom.

DANIEL 8:19

“Midindo brei bina tut mun di mipek kep ei nidipti bu tug hon Allah de nigga biborti. Lewo ningat-hi-ngat di angat pima ndo tut nijam ningwig honti ri.

DANIEL 9:21

Nipou tirigi dikes dihyet bigyo rino malaikati Gabriel di dingat bou diyai him tug hon ningat-hi-ngat pima dwop juk kwei biya simiak da. Noni kwei krau tirigi jam dem mem mben Israel ibon midut ei nimbar hum dokti mem mmunti.

ZAKHARIA 4:1

Malaikati di mbrap bit da kwei hanyen bu biwin da noyam kin gi iwin no di bong mai,

KISAH 12:7

Nok rino Allah de malaikati gom kwei kros biya niyati ei mpia dima ba, ninjeng piga digai nghim nsi. Malaikati tak Petrus ninghat biwin lene pai binoni “Akiju ba, aya haninyai.” Pai nok rino lante nonti pas hak leu Petrus ninda.

IBRANI 1:14

Gi nok lene malaikati nya ingat rin mem mindei i? Yoni ne ninnei di inok awak mem Allah. Noni cuk yok leu binhyepo yahati tut tungwatu nya di igyai niteu leu sisarti kin niyaijo nijep.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”