NIBOU NDIG NYA GI NIGOM 19:2 - ALLAH NIHYET MEM TUNGWATU NYA

² Lene Izebel sok nihyet bak Elia bipreu kep noni “Ma kwar di dikuk da bak kes hukum ei da dip biyai nimai bida gino njap di hyep mem mpia di nok gini dibuhup bina noyam kin gino abibon nabi pima yok bi.”

NIBOU NDIG NYA GI NIGOM 19:2 ပူးပေါင်းရင်းမြစ်များ

SAMUEL GI NICAN 19:13

Lene Daud sok nihyet ei yok dip bak Amasa cem bipai binoni “Ditig mbier tut na. Hon kep ammani kui lene dita nani ba, aya luei Yoab nohoti nok nibou pran bu. Gino diyai igbit dipreu ei mem nati dima bi lene ma Allah yai nimai bida hak ug.”

SAMUEL GI NICAN 3:9

Nna ba dimpu Daud lewo tuhan preu ei mem noni bipia mipos Saul ninyeng tak kepti leu noni kin nide nintun him di bram yamti nya leu api mikon Daud binok Nibou Ndig di ninyeng mitak kep mben Israel kin keret Yehuda titut yam. Handei kon ba, tuhan yai nimai bida hak gino dingkwei Saul ninyeng tak kepti dini hanyen bak Daud dem igbit tuhan nipreu ei mem Daudti dima bi a!”

NIBOU NDIG NYA GI NIGOM 2:23

Tirigi Salomo pai nok leu lene heng bitug hon tuhan ninyeng bipai “Handei kon ba, tuhan sigion dani hak ug gino dikes hukum nimai ei Adonia dip drek dip ningon kanti di noni hara da tut dima bi!

NIBOU NDIG NYA GI NIGOM 2:28

Yoab miap tut mun di pek kep dima hagom tu lene ttin tut bibor drek dip gi nipou ne noni tti kin Adonia noro tti kin Absalom bi. Gima rino noni nang ug ei tuhan De Prak Meng bikat nimbar hum dok nikoisi nya.

NIBOU NDIG NYA GI NIGOM 20:10

“Nyende nibou ndig mipinak nide tentara nya imangti nok gi dem mem gima ibindei sar ade minu ndig dini kwei. Imangti dima nok gi dem mem iba inda he bikon minu ndig nindung-diemti hagom ba, intek tut hak. Nibou Ndig heng bitug hon kwar nya inyeng bipia suar kwar dima yok ikes hukum ei noni dip bigyai nimai bak cem hak gino noni yai mun dima bipek kep nehengti dima bi.”

NIBOU NDIG NYA GI NICAN 19:22

Akan tut No po aba angon di jei bibor kucang ba, ahyet wer mpiahi tut pima ninyeng bi e? Lewo angwes om kep Da di kwes-kwau di mben Israel ide Allah.

NIBOU NDIG NYA GI NICAN 6:31

Lene nibou ndig ba nihyet ndig bipai “Gino dibindei ba, hi rop Elisa nitibou leu nipou tirigi mpia kimbas mem njap di ammani bigyo lene handei kon ba, Allah yai nimai bida hak ug!”

NEHEI LEUSI 10:28

Lene Firaun pai bak Musa “Aug bihigom leu doho bei! Gino dingat angat bou diyai him hanyen bu lene midiyai nimai bina!”

NEHEI LEUSI 15:9

Siceu nya igyok ingon gom mem gima yuhuk bram nye bikat nye lene mihit ide simeda bicok tut nye. Leu api mipos nyende ndigban hagom bingwig leu nye apino mikwas hagom tut yam ba, inggei ngwig sut.

NIPINGOK NINGONTI 27:1

Ma arai pri tut mun di mipek kep mem na mem njap di hyep au. Lewo akan tut mun di micut igkep na hak mem njap di hyep bi.

YEREMIA 20:10

Dimiap tut yo di yahamui nyahan bidem minu ighyet di ipai “Ningon ttin biborti kieng kep minu! Jikwei ba, iba kilak Yeremia bak nibou nya!” Disut bat di dingon kieti nya cem imem kep ser dicutti. Isimbot kep biyam “Ma ibingon mem gima iba ninsi di mmau biris noni leu api noni micut bak nyeni. Leu binhyepo ikat noni ba, iba ingon di mbuk birop hanyen bak.”

YEREMIA 26:21

Tirigi Nibou Ndig Yoyakim kin nide nibou pran nya kin nibou di igya kui Yoyakim imiap kep Uria nihyet lene ipi bigyai nimai bak noro noni miap tut ingon kanti dima bidigit tut lene nang ug ei minu Mesir biningwes ngun.

DANIEL 3:15

Gi nok ne tirigi pun mbrei kin porei kin nggong mbrei kin rebab kin gambus kin serdam nya bitut mun di tungwatu ikek nindigsi nya hagom nibimbiti tibim hanyen ne suar jikuk je bak kwar dima bijinggei sut. Gi bi ne yo di igya ser nya micom je tut jiyaisi ug ei tong nsi di hum njeng cig-cai eisi. Jikan bipia kwar ninyeng hi mikwei teu je leu hukum dima e?”

SRAT RUT 1:17

Ayaijo ngwig hon ei tirigi tou lene dani cem diyaijo ngwig hon ei tirigima leu api handei kon ba, tungwatu nya itig dingut ei atimieisi. Gino disindui sut mun nyeng hi mbres da leu na nipou tirigi dimai bigyo lene ma tuhan sigion da hak ug. Nimai ningkom he rima mbres sa leu yam a.”