NIBOU NDIG NYA GI NIGOM 19:19 - ALLAH NIHYET MEM TUNGWATU NYA

¹⁹ Lene Elia mbut ba, ug tau kep Elisa tirigi noni ba sapi ningut nyatungwagom ba, bitai bikkin dihyei. Noni prion biei ei sapi ningut can inggibi dip bibikwop nok leu api ya abia kep hagom bikrau mun di bipingok imbutti. Lene Elia juk nide sinsun di ninda jei leu no bibijuk Elisa.

NIBOU NDIG NYA GI NIGOM 19:19 ပူးပေါင်းရင်းမြစ်များ

NIBOU NDIG NYA GI NIGOM 19:13

Tirigi Elia miap nihyet dima lene ba nide ban binggai kep niimaisi. Lene noni hei ug ei nisai biya hammi dihyei nyem dima nuhui. Lene nihyet gom hig ser noni “Akwei nggon ei sirini i?”

NIBOU NDIG NYA GI NIGOM 19:16

Lene aba mini nibon midut hi kin bu bita Yehu di Nimsi nipmot nok nibou ndig mem mben Israel. Lene aba mini nibon midut hi kin bu bita Elisa leu Abel-Mehola di Safat nipmot nok nabi di ya luei ahoti bu.

NIBOU NDIG NYA GI NICAN 2:8

Lene Elia juk nide ban binjui kok yam leu api ba ban dima bibui minyei ningwa dip bibindei ba, minyei bitun hacan leu yam leu api noni kin Elisa imbut ei minyei nipingge leusi biyuug ei nite dima ug.

NEHEI LEUSI 3:1

Mpe di gom bu tirigi Musa hyen kep nipmang Yitro di nok imam mem mben Midian pima nide domba nya kin kambir nya lene noni jem yok ug ei iggum ndigsi bikwei krau Nungug Sinai di kwes-kwau.

AMOS 7:14

Amos buhup “Dani ne no di nabi di ditri tut dihyet rin lo, diyok dingon mem gima dibiyai dimuhup bi. Dani ne no di gembala kin no di nyohou biei ara cem ri.

AMOS 7:15

Noro tuhan yai da leu ditde midyai nok gembala leu api cuk da leu binhyepo duug tri tut nihyet bak Nide limwa di mben Israel.

ZAKHARIA 13:5

Noro ipai ‘Dani ne nabi rin bi. Dani ne no di yai midyai ei miaisi kikau bimai kep ri.’

IBRANI 11:37

Igyai nimai tug hon yo di iba tig bihwen yok kin yo di iba segigi bisra yok hacan kin yo di iba singau simeda bitot yok cem. Bihi ijuk domba kin kambir ninta bibong-bong wai ba, inok yo di indwau nya drek dip yo di isibut nya di igyai ninghuisi wei biyok bihwen bit yok cem.

NIJAM NIKEI NYA 6:11

Lo bi lene mpe dima tuhan de malaikati gom tau kwei ei Ofra bigwam nyahan ei biei ndig gom nitriti. Biei dima ne niceu ninyeng Yoas ba, nide mbier kim Abiezer. Noni yai nipmot Gideon lo, Gideon sindi ku no nyahan leu mben Midian igyai him ei bak nindig di ipot ba anggur ningat eisi biyai gandum nicap leu.

SAMUEL GI NIGOM 11:5

Jam dima ne Saul sindi jem nide sapi nya kwei leu niyai midyaisi nya bihig ser yok “Jinggon i? Nggon rino jahagom jipim nok i?” Lene indat kep nihyet di buhun po mben Yabesh itri tut biyok pima binoni.

SAMUEL GI NIGOM 28:14

Leu api Saul hig ser noni “Nitta no tou i?” Lene sop dima buhup “Andig-ndau gom di juk sinsun ndok di jei.” Pai nok lene Saul kan tut bipia gima ne Samuel ningwes ri. Gima rino noni ba nibiau bicom mpia biba ningwak bikik dihyei leu api kon Samuel ninyenga.