NIBOU NDIG NYA GI NIGOM 19:17 - ALLAH NIHYET MEM TUNGWATU NYA

¹⁷ Tungwa tou rino ningwes ngun leu Hazael de simeda mitug midut tug hon Yehu de simeda. Lene tungwa tou rino ningwes ngun leu Yehu de simeda mitug midut tug hon Elisa de simeda.

NIBOU NDIG NYA GI NIGOM 19:17 ပူးပေါင်းရင်းမြစ်များ

NIBOU NDIG NYA GI NICAN 10:32

Mpe dima lene tuhan bindei kom minu Israel. Hazael di nok nibou ndig mem mben Siria kwei hwen tentara Israel ba, bindei timek yok. Nide tentara nya ikieng kep hanjop dima,

NIBOU NDIG NYA GI NICAN 12:17

Mpe dima lene Hazael di nok nibou ndig mem mben Siria hwen minu ndig Gat leu ba, yai biyati tu. Lene noni kos tut bipia mihwen minu ndig Yerusalem cem.

NIBOU NDIG NYA GI NICAN 13:22

Hazael di nok nibou ndig mem mben Siria co kep mben Israel mem nijam di Yoas ninyeng tak kep mben Israel bijo kikau.

NIBOU NDIG NYA GI NICAN 13:3

Gima rino tuhan gga mben Israel bisindui sut Hazael di nok nibou ndig mem mben Siria kin nipmot Benhadad di ingkwei-ngkwei nyen bigya kep mben Israel bibindei timek yok bijo kikau.

NIBOU NDIG NYA GI NICAN 8:12

Hazael hig ser “Andigpoi e, nggon rino apim i?” Lene Elisa buhup “Dipim lewo dikan tut gi mporo ayai mun kinei bibor tut mben Israel. Mporo aya kep ide minu ndig di bon ngug tig jo ser nya ba, andig bingwig ba, ayai nimai bak ide pinai pilei di ubbu nya cem aom ku ide munggwom ngwoi nya ikimam ba, asrat ide sop di itta buhun nya inghop tut munggwom biyem mpia ei dihyeisi cem.”

NIBOU NDIG NYA GI NICAN 8:8

lene pai bak Hazael di nibou di ya kui noni “Ma attei munkwas ba, anjei bak nabi lene abahara noni leu binhyepo hig ser tuhan tut dani. Midikei hanyen yo e, he midikei hanyen bi e?”

NIBOU NDIG NYA GI NICAN 9:14

Lene Yehu nya igyok ingon gom mem gima igyai nimai bak Nibou Ndig Yoram di ningat rin bibong ei Yizreel mem nijam dima. Yoram ug ei mpia dima leu binhyepo bong tut nibokti nya di tug ndei ei mpe di ikon pran ei Ramot ba, ihwen Hazael di nok nibou ndig mem mben Siria pima. Lene Yehu pai bak nisut bat nibou tentara nindigsi nya “Gino jice tut ba, dinok nibou ndig lene ma jiya ser dimbou pmem Ramot dini leu binhyepo hi hei bitri tut bak mben Yizreel au.”

NIBOU NDIG NYA GI NICAN 9:2

Tirigi aug krau minu ndig dima lene ma anggok ser Yehu di Yosafat nipmot ba, Nimsi nignyon. Ma akri ninda ba, abidip huk noni leu binhyepo jicoi bijengkom ug ei nghim nsi gom,

NIBOU NDIG NYA GI NICAN 9:20

Lene tentara di ya ei ngug tig dip ser minu ndig pima pai sut hanyen bu bipia no di icuk pima ug krau su noro gingkwei hanyen kwei bi. Lene pai bram biyok “Mpaba no di bie tut nimpung dima ne Yehu ri. Lewo nikrau kroba pranti noyam kin no di mirei bon.”

NIBOU NDIG NYA GI NICAN 9:24

Lene Yehu ba nibbu bikri nide tibor ba, biprindei Yoram ninghim bikus leu bindei ningon him cem. Lene noni tti bimai ei nide kroba pran nsi.

NIBOU NDIG NYA GI NICAN 9:25

Leu api Yehu pai bak Bidkar di nok tentara gom di hati tut noni “No ayok ngon kep mpe di po sibri kuda pran ba, sibit Ahab di Yoram nicig pima yo e? Mpe dima lene tuhan pai bak Ahab ‘Dikan tut no di yai nimai bak Nabot kin nipmot bat nya annani tu ba, dipreu ei mem na bipia midikes hukum ei na dip ei miaisi dini cem yo.’ ” Lene Yehu binut nihyet bu “Gima rino ma akon Yoram ningut ba, anjei ug ei miaisi di Nabot de dima hak ug. Leu binhyepo Allah nikes hukum ei noni dip dima mimbut bicut igkep noni hak ug.”

YESAYA 11:4

Noni migwam nok nikei di ningon sren-srau mem yo di yuhui mbum nya bimbrap gau yo di isindem bi nya. Noni mibindei ba, yo di ibon mun di tunggwei mitug ndei hukum tug hon nide nicukti ba, yo di imbuk bibor nya mitug ndei nimai.

YEREMIA 1:10

Njap di ammani dipinak na leu binhyepo aba ahyet buhun bisok kep mben dihyeisi dini kin ninyeng tak kep limwa nyati hagom. Aba ahyet buhun dima bisrep tut nibou ndig nya ba, abinggek tut inyeng di tak kep ide limwa nya bingwig cem. Abindei sar yok cem leu api awin minu jep ba, ayai miai cem.”

YEREMIA 48:44

No di nang leu mun di biyai ningon ttin biborti micut ei ndep juiti ba, no di ningwes ngun leu ndep jui dima mibiam bon a. Mun dima yok hagom micut igkep mben Moab ei nituti di dikos tut ei mem gima dibindei sar yok.

YEHEZKIEL 15:7

Midikes hukum ei yok dip. Mbro nok gino illu leu hum tu lo, hum miyem yok bisar. Tirigi dikes hukum ei yok dip ne mporo akan tut bipia Dani ne tuhan ri.

HOSEA 6:5

Gima rino dicuk Ditde nabi nya hwou ndam je leu binhyepo itri tut dikos datti nya bije bidipai bipia jei bi ne mijitug ndei hukum bijitimek bijingwig. Diyok dingon mem mun nyeng can di kwei leu jeni ba, hacem jo nibreisi.

AMOS 2:14

Bit bon yo di idor sindem bibor nya ingwes ngun kan bi. Yo di isindem bibor inghuisi jet bibor. Bit bon no di mimbri kui ningkek teu nonti biningwes ngun kan bi.

AMOS 5:19

Njap dima noyam kin no di nang leu singa di huk no leu api ug um beruang bu! He noyam kin no di ngkwei hanyen ei nide ig bei bingget dring leu api wou piet ham ninda e!

NINGAT-HI-NGAT NYA 19:21

Lene ba singau simeda di ntun nuhui him bibindei cut tentara nya di ibit mindhe di niten-pos dima bingwig ug. Leu api ha nya hagom ikwei puk inghui kikau bipu yok.