NIBOU NDIG NYA GI NIGOM 19:11 - ALLAH NIHYET MEM TUNGWATU NYA

¹¹ Lene tuhan buhup “Ma ahei ug ei nisai ba, aya ei Doho bei ei mbigdip dini.” Lene tuhan mbut njiriek mpia dima leu api pinak hou di nimig ten bibor di bindei ba, nungug nya sra hacan ba, bor ngug nya ki binnir-wap bibie. Noro tuhan ndo Nonti tug hon hou dima bi. Tirigi hou kes hon bintus hak lene dihyei ugwa-kwei noro tuhan ndo Nonti tug hon dihyei di ugwa-kwei dima cem bi.

NIBOU NDIG NYA GI NIGOM 19:11 ပူးပေါင်းရင်းမြစ်များ

AYUB 38:1

Lene tuhan ba nibuhupti di noyam kin sigau nibimbiti buhup bak Ayub bipai,

MAZMUR 50:3

Ide Allah kwei noro su No nyahan bi. Hum di ninjeng srei kin sigau di nimig ten bibor yon ttai bibie Noho.

MAZMUR 68:8

Allah e, tirigi po abuwak Ade limwa nya ba, abie tut yok bimbut kak iggum ndigsi di ngak-cai pima ne,

MAZMUR 68:9

dihyei ugwa-kwei ba, biget mbras ei Aho bei tug hon Na di Allah Sinai kin Israel de Allah nikweisi.

NEHEI LEUSI 19:16

Ug ei njap gi niningai mem mpia tekti lene kru nindig bibor nisu bong ba, kigyei ninjeng srei lene bumbuhui di ndok bibor gom tau kros ei nungug dip dima lene tungwatu nya yahagom imiap pun mbrei nibimbi nindig bibor ei itingou nsi. Gima rino yahagom inghuisi mpig sut nindig bibor tirigi igya ei ide prak meng yati nikieti.

NEHEI LEUSI 19:20

tuhan juk kwei ei Nungug Sinai dip bihig Musa kwei ngat Noni ei mbigdip. Gima rino Musa kui ug ei mbigdip dima.

NEHEI LEUSI 20:18

Tirigi yo dima imiap kru di nisu bong kin pun mbrei di nimbi bong kin kigyei di ninjeng srei kin hum mmup di brou kui leu nungug dima lene yahagom ittin tut nindig bibor binghuisi mpig sut. Lene yoom yonti bigya minu ting.

NEHEI LEUSI 24:12

Lene tuhan pai bak Musa “Ma akui kwei ei mbigdip dini lene midiyai tig mma can po dipas kep Ditde nicukti nya eisi pima bina. Diyai nicukti dini yok hagom bak mben Israel nok mun di bipingok ingonti.”

NEHEI LEUSI 24:18

Lene Musa kui kikau ug ei mbigdip bicoi ug ei bumbuhuiti bibong ei sirima mem mmun-njap ningot bitai.

NEHEI LEUSI 34:2

Atin ei ba, njap tekti di hyep ne akui Nungug Sinai kwei ba, aya ei Doho bei ei nimbigdip.

NEHEI LEUSI 34:6

Lene Noni mbut sin Musati bipai “Dani ne Tuhan rin ba, dinok Allah di ngondut tungwatu nya bisingat tut yok cem. Ditde ningon ngakeisi nindig bibor bikum eisi bu ba, dingon gom cem. Dingon sibui sut tungwatu nya haninyai kan bi.

YESAYA 30:30

tuhan mikes nihyet di nindig bibor lene bikwop tungwagom-gom ninghuisi mimpig sut Nide nisindemti di mipbor ngat. Niggati bindei hei hum di yem mpia di ngkiong kin biget di but mbras kin biget di mbras nok tig njep kin sigau cem.

YEHEZKIEL 1:4

Dikon dibou bidingat lo, hou di nimig ten bibor cut kwei leu nite bei mpia nijjai. Kigyei ninjeng cem srei ei bumbuhui ttou nindig gom bipiga digai mpia-bbed him di gahai nya hagom. Ba, mun di iba ngkimom-tembaga bibon di sieng kei jo hammi kigyei dima nibousi.

YEHEZKIEL 37:7

Gima rino da di Yehezkiel ditri tut nihyet di tuhan sok ei da dip dima bak nimai njum nya dima. Nipou tirigi dikes dihyet bigyo lene dimiap mun di sigu-sigak bidingat lo, nimai njum sindi bicim yam hanyen.

NAHUM 1:3

Ningat ne tuhan gga haninyai bi. Noro Noni sindem bibor apino bindei ba, bit bon no di bon mun tunggwei ningwes ngun leu hukum kan bi. Hou di nimig ten bibor cut ei mpia di tuhan mbut eisi. Dihyei ndung wer bumbuhui ei mpia di nimig co eisi.

ZAKHARIA 14:5

Mijidor kak briep di bikwas nungug can dima noyam kin jidigup bat-jidigai bat di nipou nya inang ei mpe di ngkit cut ei nijam di nibou ndig Uzia di ninyeng tak kep timiei Yehuda nya yo. Lene ditde tuhan Allah mikwei sut Nide malaikati yahagom di injei bit Noni.

ZAKHARIA 4:6

Malaikati dima cuk da bidipai sut tuhan nisokti dini bak Zerubabel. “Bit bon agiyai mun bipek kep tug hon tentara nya ide nisindemti kin nanti ade nisindemti cem kan bi. Noro tug hon Dinnei he.

MATIUS 24:7

Timiei minu hi mikon mbrap bit timiei minu hiter ba, nibou di isindem bibor nya miyeheu imbuk mem yam cem. Ninggum mihwen tungwatu nya lene mun brim cem.

MATIUS 28:2

Idrui sut gi dihyei mun brim kros nindig bibor ba, Tuhan de malaikat gom juk kwei leu gwamti leu api rim tig mma leu jui dip bigwam dip.

IBRANI 12:26

Nipou ne nihyet di tibim bindei dihyeisi dini ugwa-kwei. Noro tini bu ne Noni preu ei mem nye “Mbigom kin bu ne dibindei dihyeisi dini he ugwa-kwei bi noro bitut mpia-bbed him cem.”

NINGAT-HI-NGAT NYA 11:19

Leu api dimbou kau leu Allah De Ig ei gwamti ba, Brua Gi Preu di joti jo ei nibreisi bibindei ba, kigyei ninjeng srei cem kru cut ba, nisu bong nindig bibor cem dihyei ugwa-kwei ba, biget mbras dem kep tig njep.

NINGAT-HI-NGAT NYA 16:18

Leu api kigyei srei kin kru cut ba, nisu bong nindig bibor lene dihyei ugwa-kwei bibor. Ba, nuugwa-kweisi di nok gima hi bigyo habiei leu nimbie him tirigi Allah pai tes tungwatu nya kwei bipek ammani kep. Nuugwa-kweisi dima nindig bibor dor njiriek nindigsi nya hagom!

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

SAMUEL GI NIGOM 14:15

Lene gima yai nidigit bak mben Filistin di ingat rin ei ide prak meng yati kin gi hi di ingat rin ei ngoi dumti nya. Mben Filistin bidem dihyei dima nisurti-nipekti kin yo di igya dikti nya kin nimpung di igya kep bihwen tungwatu bipos ndigban nya leu yok cem ittin bibor. Njap dima cem dihyei ugwa-kwei bibindei ba, tungwatu nya yahagom ingon tai-tai bou nindig bibor.