NIBOU NDIG NYA GI NIGOM 19:10 - ALLAH NIHYET MEM TUNGWATU NYA

¹⁰ Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NIGOM 19:10 ပူးပေါင်းရင်းမြစ်များ

NIBOU NDIG NYA GI NIGOM 18:10

Diba neheng bipai tug hon ade tuhan Allah di niyaijo ninyeng bipia nibou ndig nggok ser na kikau ug ei dihyei nisurti-nipekti tu. Tirigi nibou ndig hi buhup nihyet bipia abong ei nide minu dima bi lene Ahab bidip huk ba, suar nibou ndig dima ba neheng bipai bipia noni kin nide limwa nya ingat angat ei nide minu dima bi sren.

NIBOU NDIG NYA GI NIGOM 18:17

Tirigi Ahab tau kep noni lene pai bak “Na di abindei minu Israel hagom kinei bibor akwei su e?”

NIBOU NDIG NYA GI NIGOM 18:20

Gima rino Ahab nduk mben Israel kin nabi Baal nya yahagom kwei ba, idem yam ei Nungug Karmel.

NIBOU NDIG NYA GI NIGOM 18:22

Lene Elia pai biyok “tuhan de nabi nindigsi imai bingwig noro dangkom he diyaijo. Noro Baal de nabi dima yok imangti ibou sratus bitai ningot muhwi.

NIBOU NDIG NYA GI NIGOM 18:30

Lene Elia pai bak limwa pima yok yahagom “Ma jison kwei bijidideu da.” Yahagom ison kwei dideu noni lene noni kinyon ei nikinding tuhan de nimbar hum dokti di lus bikinei su.

NIBOU NDIG NYA GI NIGOM 18:4

Tirigi Izebel kinyon ei niyai nimai bak tuhan de nabi nyati lene Obaja jem nabi nya ibou sratus gom kwei bikwas yok ei nimpung can biku ibou ningot muhwi ei dihyei nyem gom lene ku ibou ningot muhwi bu ei dihyei nyem gom bu. Lene noni ba njita kin minyei binyohou yok cem.)

NIBOU NDIG NYA GI NIGOM 19:14

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NIGOM 19:2

Lene Izebel sok nihyet bak Elia bipreu kep noni “Ma kwar di dikuk da bak kes hukum ei da dip biyai nimai bida gino njap di hyep mem mpia di nok gini dibuhup bina noyam kin gino abibon nabi pima yok bi.”

NIBOU NDIG NYA GI NIGOM 20:13

Tirigi siceu itin ei mem ihwen Samaria lene nabi gom ug ngat Nibou Ndig Ahab bipai bak “tuhan pai ‘Angat tentara di imang bibor dima e? Njap di ammani midibindei ba, abindei timek yoni yahagom. Mijo nibreisi mem na bipia Dani ne tuhan ri.’ ”

NIBOU NDIG NYA GI NIGOM 20:22

Lene Nabi pima kwei ngat Ahab hanyen bu bipai bak “Ma akinyon ei nitin ei ade tentara nyati ba, isindem bibor lene abikos tut puig di mungkun kei nya cem. Lewo nibou ndig mben Siria mikwei hanyen bihwen je bu mem bed di biang hou ningwigsi ei ari bingwam di nidipti bu yo.”

NIBOU NDIG NYA GI NIGOM 20:35

Mpe dima lene nabi gom leu nimpung nabi nya ikieti ba tuhan nicuk noti bibidip huk nisut nabi gom leu binhyepo bui noni noro nisut dima kou sut.

NIBOU NDIG NYA GI NIGOM 22:8

Lene Ahab buhup “Mikha di Yimla nipmot nonaha. Noro dingon mpo tut noni lewo noni mbot kep mun di mipek kep ei nidipti bu di kei bibor bibuhup dihyet bi sren noro noni mbot kep mun di mipek kep ei nidipti bu di kinei bibor bibuhup dihyet kikau.” Lene Yosafat buhup “Aye! Apai nok gima au!”

NIBOU NDIG NYA GI NICAN 10:16

Lene Yehu pai bak “Akwei ba, ayok ayai kep gi dibrim dingkek mem tuhan bou ayai him.” Leu api yahacem iba kroba pran dima bimbut ug ei Samaria.

NEHEMIA 9:26

Noro Ade limwa nya ikiek imig jo tut Na bibit ahyet bi. Yoni iba inghim bak Ade nikos tutti nya. Igyai nimai bak nabi nya di isok kep yok bipia suar ikwei kuk yok bak Na di Allah hanyen bu. Ade limwa nya ighyet wer mpiahi tut Na bikwop nok ug.

MAZMUR 119:126

tuhan e, nituti dem mem gima ayai abou tut tungwatu nya tu lewo ibit Ade nikos tutti nya bi.

MAZMUR 119:139

Dingon sibui sut siceu nya dem kep hum di sror da lewo yo dima ibbwe ser Ade ningginausi.

MAZMUR 119:26

Dipai jit ditde nibon munti nya leu api abuhup dihyet tu. Angginau da tut Ade nimbrap tutti nya.

MAZMUR 69:9

Dikindig bat-dikinjoi bat nya ibibon da nok ngkiai. Dide bat nya ibibon da noyam kin ibibon yo di hi ter nya.

MAZMUR 78:37

Ingon gom tut Noni ba, igikrau kep nipreu di Allah preu ei mem yokti bi.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 34:14

Harin dima jikuk je bijinggei sut kwar nya a. Lewo Dani ne tuhan rin ba, di nok Allah di kou sut kwar nya.

YESAYA 49:4

Lene dibuhup “Dicom dahanggwap mikuisi bidita dibou ei midyai nyati mikui-kausi.” Mbro nok gima lo, midiba dingon com tuhan lewo Noni mbrap gau da bibirop hanyen bida drek dip diyai munti nya.

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

YEREMIA 36:26

Lene noni cuk nipmot Yerahmeel kin Seraya di Azriel nipmot kin Selemya di Abdeel nipmot leu binhyepo ikwei kat dani kin ditde sekertaris di Barukh ba, nisima. Noro tuhan ku nye nyahan leu yok.

HOSEA 5:11

Ico kep mben Israel leu api mben Israel ide hanjop nsi di nok ide dihyei ninda rom nya ngwig leu yok drek dip gi iba ingon com ngkiai nya ba, yahara yok bikwei mpu yok. Noro ningat ne ngkiai dima yok isindem bi.

MIKHA 6:16

Mun dini yok hagom micut igkep je drek dip gi jiyai bram Nibou Ndig Omri kin nipmot Nibou Ndig Ahab igyai munti di mbuk bibor nya. Jiyai bram igyai kepti di kinei dima yok kikau. Gima rino midibindei ba, jitimek bijingwig apino tungwatu dihyeisi dini hagom ighyet wer mpiahi tut je. Mbro nok gino jinok Ditde limwa nya lo, yahagom ingwes om je.”

MIKHA 7:2

Yo di ingon sren kin yo di ingon gom tut Allah yahagom ipror bingwig leu minu dini. Yahagom ibet ingon mem nituti tirigi ihwen mun. Yahagom itig ndep jui mem yam.

MBEN ISRAEL IMBUT-MBUT NYEN 25:11

“Imam Harun nignyon Pinehas di Eleazar nipmot brim ningkek ba, nyohou dinyeng di jei bibor ei mben Israel ikieti. Apino Ditde nigga yo dima biborti kes hon tu ba, dibindei sar yok bi.

MBEN ISRAEL IMBUT-MBUT NYEN 25:13

Dikos tut noni kin nide nintun him yamti di ibram yam nya bipia inok imam bijo ninno bijo kikau lewo noni brim ningkek mem nide Allah binyohou dinyeng di jei bibor lene bindei ba, mben Israel igyai gi kos ser ide sisar.”

YOHANES 2:17

Gima rino yo di igya kui Noni ikan kep Allah nihyet di pai “Allah e, dingon ngakei Ade Ig ba, gima dem kep nok hum di cig-cai ei dingonti.”

NINDAT KEP TUHAN NICUKTI NYA 31:16

Lene Noni pai bak Musa “Jei bi lene ayaijo ngwig hon ug ri. Niabiati amai leu mben Israel tu lene yoni ingon gom tut Da bu bi leu api ikrau kep mun po dipreu ei mem yok pima bu bi ri. Yoni mikes Da ei leu api mikuk yok bak nung nya di ingat rin ei minu di sindi icoi bibong kep dima ug ri.

IBRANI 11:37

Igyai nimai tug hon yo di iba tig bihwen yok kin yo di iba segigi bisra yok hacan kin yo di iba singau simeda bitot yok cem. Bihi ijuk domba kin kambir ninta bibong-bong wai ba, inok yo di indwau nya drek dip yo di isibut nya di igyai ninghuisi wei biyok bihwen bit yok cem.