NIBOU NDIG NYA GI NIGOM 18:43 - ALLAH NIHYET MEM TUNGWATU NYA

⁴³ Lene noni cuk nide awak gom bipai “Aug ba, acap ser muk ngwa dip.” Nide awak ug cap ser bikwei hanyen lene pai “Dingat mun nyeng hi bigyo.” Noro Elia cuk noni mbimuhwindacan bicap-cap nyen ser.

NIBOU NDIG NYA GI NIGOM 18:43 ပူးပေါင်းရင်းမြစ်များ

NITRITI 32:26

Lene pai bak Yakub “Akes da ba, duug rin lewo jei bi ne mpia pri ri.” Noro Yakub srep “Ma anjei mun di kei hi bak dani nipou ug e leu api midikes na ba, aug.”

NIBOU NDIG NYA GI NIGOM 18:42

Tirigi Ahab ug yem njita sri lene Elia kui ug ei Nungug Karmel nimbigdip lene kuk no biba ningwak bikik dihyei bikes niimaisi ei nibiau nggreti bimmou kei.

NIBOU NDIG NYA GI NIGOM 18:44

Tirigi awak dima kwei hanyen nimbimuhwindacan lene noni buhup “Dingat bumbuhui ttou gom di kui leu muk ngwa dip lo, ninyanti dem kep tungwagom ninda biabei he.” Lene Elia cuk nide awak bipai “Abipbur ba, aug pai bak Nibou Ndig Ahab bipia suar noni bri nide kroba pran bingkwei hanyen ug ei nide ig nipou tirigi biget mbras ser nimbutti bigyo.”

NIBOU NDIG NYA GI NICAN 4:35

Elisa kiju biya-ya nyen ei nghim nsi dima leu api kuk no bikou kep nimai ningut hanyen. Lene mot dima mihin mbimuhwindacan leu api da niyaia.

MAZMUR 5:3

Ditde Nibou Ndig kin ditde Allah e, amiap kep dihyet di dahara Nati dini ba, ampu da.

HABAKUK 2:3

Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.

LUKAS 18:1

Gima ngwig lene Yesus ba nihyet nibiti nindati bingginau yo di ibit Noni leu binhyepo yuhuk nadi kikau lene ma ingon nghen leu au.

LUKAS 18:7

Gi nok ne Allah cem mimbrap gau Nide limwa nya di yahara Noni bikwop mmun-njap bi e? Noni miba nikou bimpu yok e?

EFESUS 6:18

Ma jiyai mun dini yok hagom ba, jibingat nadi bak Allah leu binhyepo Noni mpu je. Ma jiba jiyai ngkiemti kin jingon cut leu bisi bingat nadi bidem nituti kin nikwesti hagom bit leu nok Allah Ninnei nibie tut jeti. Mpe dino jimut jiyai ne ma juhuk nadi mem jisut bat yo di Kresten yahagom.

YOSUA 6:4

Lene ma imam nya ibou muhwindacan ibie tut Brua Gi Preu. Ma ittei ide pun mbrei gom-gom ba, ibikwop yok. Lene njap gi nimuhwindacan ma jibon nipui bijimbut bijikrop ttai minu dima mbimuhwindacan lo, imam nya imiep ide pun mbrei kikau igbit imbutti.