NIBOU NDIG NYA GI NIGOM 18:39 - ALLAH NIHYET MEM TUNGWATU NYA

³⁹ Tirigi tungwatu pima yok yahagom ingat mindur dini bou igyai him lene ikuk yok ba, iba ingwak bikik dihyei lene ikon ighyet nok gom bipai “tuhan ne Allah nijit ri! tuhan Nongkom Allah nijit ri!”

NIBOU NDIG NYA GI NIGOM 18:39 ပူးပေါင်းရင်းမြစ်များ

NIBOU NDIG NYA GI NIGOM 18:21

Lene Elia ya ei tungwatu pima yok yahagom yoho bei bipai biyok “Jikrau kep jingon canti kikau mem nijam pig bu i? Gino tuhan ne Allah nijit rin lene ma jikuk je bak! Gino Baal ne allah nijit rin lene ma jikuk je bak!” Noro tungwatu pima yok ibuhup bi.

NIBOU NDIG NYA GI NIGOM 18:24

Lene ma Baal de nabi nya ingat nadi bak ide kwar Baal di ikuk yok bak leu api midingat nadi bak tuhan. Gi hi di buhup ighyet tug hon gi pinak hum kwei leu mpia-bbed him kwei ne Allah nijit ri.” Lene mben Israel yahagom imbos-hi-mbos bipai “Nice tut ade nicuk nyeti!”

NIBOU NDIG NYA GI NIGOM 20:13

Tirigi siceu itin ei mem ihwen Samaria lene nabi gom ug ngat Nibou Ndig Ahab bipai bak “tuhan pai ‘Angat tentara di imang bibor dima e? Njap di ammani midibindei ba, abindei timek yoni yahagom. Mijo nibreisi mem na bipia Dani ne tuhan ri.’ ”

NIBOU NDIG NYA GI NIGOM 8:60

Tug hon nisinati dima ne mben ngkiai bidem dihyeisi dini hagom mikan tut bipia tuhan Nongkom ne Allah rin lene hiter hi bi.

NIBOHON MBEN ISRAEL GI NIGOM 21:16

Daud ngat malaikati dima di dwop-dwop nyen ei mpia-bbed him kin dihyeisi dini nikieti bikrau simeda ei nindati lene bitin ei mem gima bindei timek Yerusalem lene noni ya tut limwa nya ide nibou nya yahagom di ijuk sinsun kron noyam bibindo tut gi inso yonti tut itunggweisi pima. Lene yahagom ikuk yok biba ingwak bikik dihyei.

NIBOHON MBEN ISRAEL GI NICAN 33:13

Lene Allah buhup nadi di Manasye ngat dima leu api bindei ngkwei noni hanyen kwei ei minu ndig Yerusalem leu binhyepo ninyeng tak kep timiei Yehuda nya hanyen bu. Tug hon mun di cut igkep noni dima lene ba ningon com bipia tuhan ne Allah ri.

NIBOHON MBEN ISRAEL GI NICAN 7:3

Tirigi limwa mben Israel ingat hum di cut kwei leu gwamti kin nipigati di piga kei di bindo tut tuhan ningat rin ei gumihyep dima di kieng kep tuhan De Ig titut yam bou igyai him lene injei yonti biba ingwak bikik dihyei noyam. Leu api inggei sut Allah ba, ikon ninyeng cem lewo Allah kei-kau-kei ba, ningon ngakei tungwatuti jo kikau buug hon nohonti bi sren.

EZRA 1:3

Handei kon ba, Allah ningat rin bit je di jinok Nide limwa nya. Suar jingkwei hanyen ug ei minu ndig Yerusalem leu binhyepo jiwin tuhan De Ig hanyen. Noni ne mben Israel ide Allah di ikuk yok bak ei minu ndig Yerusalem ri.

MAZMUR 100:3

Ma jiyok ngon kep bipia tuhan ne Allah ri. Noni pai tes nye binyeng tut nye cem. Ninyeng tak kep nye ba, inok Nide limwa nya kin Nide mben di Noni nyohou.

MAZMUR 118:27

tuhan ne Allah rin ba, Noni singat tut nye nindig bibor. Ma jiba dui meng di jitot kwei su bikinyon ei njap nindigti ba, jibimbut tut bijibikrop ttai nimbar hum dok.

MAZMUR 50:7

Ditde limwa jen e, midimbrap ug ri. Ma jingig jitingou mem. Mben Israel e, midipai kep je. Dani ne Allah rin bidinok jide Allah.

MAZMUR 94:16

Tou rima mbrap gau da ei yo di isibut nya yoho bei i? Tou rino tti kin da bitte tut yo di ibon mun di kinei i?

NEHEI LEUSI 20:2

“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

YEHEZKIEL 20:5

Atri tut dihyet di dipai biyok. Tirigi didimig mben Israel ei lene dipreu ei mem yok. Dindo Danti biyok ei minu Mesir bidibipai biyok bipia ‘Dani ne ide tuhan Allah ri.’

IMAM NYA IDE MIDYAI 9:24

Jei bi lene tuhan pinak nide hum kros kwei bibindei hum dima yem mindhe titut kin nimmau hagom ei nimbar hum dokti bingwig. Tirigi yo dima ingat mun di mindur dini lene yahagom ikon ighyet nok gom leu api yom yok biba ingwak bikik mpia.

YOHANES 5:35

Yohanes dima ne mini njeng di piga digai puig mem je rin lo, jijoi sut noni mem njap poi he.

KISAH 2:37

Tirigi tungwatu dima yok imiap nihyet lene ingon huk niti ba, ihig pus Petrus nya “Nisut bat jen, nibon mindei i?”

KISAH 4:16

Yoni ihig yam “Nyeni inggon ndei yo dini i? Lewo timiei minu ndig Yerusalem yahagom ikan tut bipia ibon mindur nindig bibor tu. Bit bon nyeni itte tut kan bi.

NIJAM NIKEI NYA 13:20

Hum di cig-cai sror kui leu tig di nok nimbar hum dok dima lene tuhan de malaikati cem kui ug ei gwamti srig hum njeng dimati. Tirigi Manoah nya ingat gima tu lene iba ingwak bikik dihyei.